Fapea Samuel 22:31 - Buka Blahi Ka Cheke Holo

³¹ “Puhigna God na thofno doglo fara, eghuteuna nogna chekere thofno tutuani fara. Eghuteuna iheire fateote'o te tei ka mana re mala au fakeli, mana jateula nodi greoreo mala fanogra jata eghu mare.

Fapea Samuel 22:31 ပူးပေါင်းရင်းမြစ်များ

Diutronomi 32:4

Lord na vido keli mala poru. Puhigna mana na keli fara, eghuteuna mana doglo fabrahu kolho. God na ghatho tahu ghami ghotilo nogna naiknore. Mana doglo kolho theome eni kaisei glepo te diꞌa.

Proveb 30:5

“Chekegna God na thofno tutuani fara. Mana tangomana te bara fothidi iheire te mei hiro vido mala poru ka mana na.

Nodi Khoje Hatimare Mae Jiu 18:30

Puhigna God na e thofno keli fara nei doglo eghu. Jame te nhaꞌa chekeni mana kaisei glepo na, nogna cheke mana tuana ginauna na tutuani fara. God na jateula kaisei greoreo mala magra eghu, eghuteuna mana reireghi fakelidi iheire te tei poru ka mana.

Matiu 5:48

Nu te chekeni iara ka ghotilo na, ghotilo te gnafa na mala kafe klino nei doglo eghu fabrahu nakarhamire, jateula mae Kmami te au kligna te klino nei doglo fabrahu teu nakarhagna ia eghu.”

Nodi Khoje Hatimare Mae Jiu 119:140

Iara magnahagheni fara nou nhaꞌa cheke iagho na, naugna u nhaꞌa cheke igne thofno tutuani fara!

Nodi Khoje Hatimare Mae Jiu 12:6

Chekegna God na thofno tutuani fara, nei thofno keli fara eghu, jateula silva teke fitu fata gahu mare ka khaꞌaghi te famane klino ia eghu.

Fapea Samuel 22:3

Uve, God na Thina rheta mala poru iara ke leghugna. Mana jateula nogu greoreo mala fanogra jata eghu, eghuteuna mana au nolaghi mala fakarhi ghau iara. Mana nogu vido rheta iara aheva nate poru iara tagna na. Leuleghu fata na mana reireghi ghau iara ka iheire te magnahaghei mei falehe ghau iara.

Nodi Khoje Hatimare Mae Jiu 35:2

Atha sagho nou glepo mala magra re mala mei togho ghau iara.

Nodi Khoje Hatimare Mae Jiu 91:4

Mana ginauna reireghi fakeli nigho jateula khokorako gaꞌasegna te toku tafrudi thugnare ke paridi bagigna ra eghu. Eghuteuna mana ginauna tajini nogna nhaꞌa cheke na mala reireghi nigho nei baubatu nigho eghu.

Nodi Khoje Hatimare Mae Jiu 84:9

God, iagho ngala teke vavahi na nomi king ghehati gne! Fablahini mana sagho.

Thakle 15:3

Mare ne kojeni kaisei khoje teke rioriso mae Moses, nogna mae gloku God. Tutuani, mana kilo fnaknoni God naugna God neke toghodi mare ka nogna tothogho mae Lam, ne cheke eghu, “Nomi Lord God, te nolaghi fara, nou gloku iagho re thono biꞌo fara, eghuteuna ghehati ne jaglo nomi fara. Iagho nodi King namono te gnafa ka nauthoglu igne, eghuteuna puhimu iagho re doglo nei tutuani fara eghu.

Profet Daniel 4:37

Iara mae Nebukadnesa, iara gognarona cheke fakelini God mae king gna kligna. Gobigna lepo fateote'o te edi Mana igre thofno keli fara nei doglo eghu. Eghuteuna Mana tangomana te nhaꞌa faparini ihei te magnahaghei nhaꞌa hagheni thegna kligna lahu na.”

Nodi Khoje Hatimare Mae Jiu 2:7

King na ne cheke eghu, “Gognarona iara na chekeni unha teke chekeni Lord ia. Mana neke cheke eghu ka iara, ‘Iagho mae thugu iara. Funu gognaro gne, iara mae kmamu iagho.

Nehemaea 9:8

Iagho filo glanini gaoghathogna mana na au rheta ka iagho, eghuteuna iagho neke eni kaisei nhaꞌa cheke ka mana. Iagho neke nhaꞌa cheke mala tusu lao ka vikegna mana na nodi vido glose vikegna mae Kenan, nei vikegna mae Het, nei vikegna mae Amo, nei vikegna mae Peris, nei vikegna mae Jebus, nei vikegna mae Gigas. Eghuteuna iagho tajini nou nhaꞌa cheke na, naugna puhimu iagho na doglo fara.

Thoutonu Eigna Mae Job 34:10

“Ghotilo thilo mae te lalase fara ra, ghotilo fanomho ka iara. God mae ihei te au nolaghi fateote'o igne, mana theome eni kaisei glepo te diꞌa.

Nodi Khoje Hatimare Mae Jiu 145:17

Gobigna lepo te edi Lord gre thofno doglo fara, eghuteuna gobigna lepo te edi mana re falalase ranghi ghita te mae keli fara mana ka tahati na.

Eklesiasti 3:14

Te laseni iara na, gobigna lepo te edi God re ginauna au fabrahu na theome gnafa. Theo kaisei naikno na teke nhaꞌa lao kaisei glepo tagna na, eghuteuna theo kaisei naikno na teke hata koko kaisei glepo tagna na. Gobigna lepo te edi God re thofno doglo fara, mala ghatho tahuni tahati.

Profet Daniel 4:34

Aonu King Nebukadnesa ne cheke eghu eidi narane igre, “Kate gnafa fitu finogha igre, iara mae Nebukadnesa filo haghe ka maloa kligna, eghuteuna gaoghathogu na iara neke snagla fapulo. “Aonu iara ne cheke fakelini God mae ihei te fnakno kligna lahu. Uve, iara ghatho tahuni nei pala hagheni eghu nanghagna mana te karha fabrahu tifa te tifa. Tutuani, God igne ginauna funei frunidi fabrahu naikno te gnafa ka nauthoglu gne.