Fapea Samuel 22:28 - Buka Blahi Ka Cheke Holo

²⁸ Iagho fakarhidi iheire te au faparidi thedi, nu iagho nhaꞌa faparidi iheire te fahaehaghe fara.

Fapea Samuel 22:28 ပူးပေါင်းရင်းမြစ်များ

Profet Isaia 5:15

Eghuteuna Lord ginauna nhaꞌa fapari nodi gaoghatho fahaehaghe naiknore.

Profet Isaia 2:17

Jateula puhi igne eghu, Lord ginauna tapla faparidi naikno te fahaehaghe. Eghuteuna mumuju god igre ginauna gnafa dofidi, eghuteuna naikno te gnafa gre ginauna ghatho tahuni Lord kolho.

Matiu 5:3

“Keli tadi iheire te laseni te fnota ka God na, mare ginauna theome ludeni nakarha te tutuani na. Naugna God ginauna funei frunidi nafnata naikno igre.

Profet Daniel 4:37

Iara mae Nebukadnesa, iara gognarona cheke fakelini God mae king gna kligna. Gobigna lepo fateote'o te edi Mana igre thofno keli fara nei doglo eghu. Eghuteuna Mana tangomana te nhaꞌa faparini ihei te magnahaghei nhaꞌa hagheni thegna kligna lahu na.”

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Profet Isaia 37:23

Ihei gne te cheke faparini iagho na? Ihei gne te eha fabiꞌoni nei cheke faparini teu iagho na? Iara nodi God maedi Israel te blahi fara, nu iagho cheke fapari ghau iara!

Proveb 21:4

Naikno te eni puhi te diꞌa na, mana fahaehaghe nei filo faparidi eghu keha naiknore. Eghume nakhibo na fodu ka thiꞌagna mana na.

Nodi Khoje Hatimare Mae Jiu 140:12

Lord God, iara lase nigho iagho te toghodi iagho naikno te kumare, nei tusu ranghidi unha te nabadi.

Nodi Khoje Hatimare Mae Jiu 138:6

Neuba iagho ne fnakno fara, iagho reireghidi koba iheire te au faparadi thedire. Nu naikno te fahaehaghedi thedire theome tangomana te poru ka iagho na.

Nodi Khoje Hatimare Mae Jiu 12:5

Nu God ne cheke eghu, “Iara ginauna mei, naugna naikno te diꞌa gre ne goigonidi naikno te kuma gre ne au kokhonidi nei tanhi neu. Iara ginauna na tusu ranghidi u nablagna te magnahagheni fara mare na.”

Eksodas 18:11

Gognaro na iara thofno laseni Lord na thono uludi fara keha god te pogho sorudi keha naikno re, naugna Mana ne reireghi fakeli ghami ghotilo ka narane te fakokhoana ghami ghotilo mae Ijep ra.”

Eksodas 10:3

Aonu mae Moses ghe Eron ne leghuni chekegna Lord na ne tei filoni king, ne cheke eghu ka mana, “Nomi Lord God ghehati mae Hibru gre na ne cheke eghu: Ba? Niha fata tirou fanomho nei au fapari nigho themu eghu sagho ia? Snakredi nogu naikno iara gre mala tei pogho soru ghau iara.

Luku 14:11

Eghume, mae ihei te nhaꞌa faꞌuluni thegna na, God ginauna nake nhaꞌa faleghuni mana. Nu mae ihei te nhaꞌa faleghuni thegna na, God ginauna nake nhaꞌa faꞌuluni mana.”

Nodi Khoje Hatimare Mae Jiu 131:1

Lord God, iara la liliseihi puhi fahaehaghera, nei jaola liliseihi te cheke fahaehaghera eghu. Iara na theome fariuriu edi unha te ninhigrana fara te mala edi iara re, nei mala lasedi unha te ninhigrana naba te mala lasedi iara re.