Fapea Samuel 22:23 - Buka Blahi Ka Cheke Holo

²³ Iara leghudi koba nogna vetula manare. Iara theome huhughudi nogna cheke manare.

Fapea Samuel 22:23 ပူးပေါင်းရင်းမြစ်များ

Nodi Khoje Hatimare Mae Jiu 119:102

Iagho themu ngala teke farirhiu ghau iara nou vetula na, eghume iara theome magnahaghei te lisa kokodi chekemu iagho re.

Nodi Khoje Hatimare Mae Jiu 119:30

Tutuani, iara neke kulu vahinihi te mala leghu nigho na, nei iara la lasedihi nou vetula iagho ra.

Jone 15:14

Ghotilo thofno kheragu iara, eghu te edi koba ghotilo unha te chekedi iara re.

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Nodi Khoje Hatimare Mae Jiu 119:128

Eghume, iara thono tirogudi fara puhi diꞌa te gnafare mala leghuni kolho nou famane cheke iagho na.

Nodi Khoje Hatimare Mae Jiu 119:86

Iara thofno fatutuanidi nou cheke te gnafare iagho na. Naugna nou cheke iaghore thofno tutuani fara. Togho mei ghau iara sagho naugna naikno te diꞌa gre chekedi kolho cheke te chaichaghi re eigu iara na.

Nodi Khoje Hatimare Mae Jiu 119:13

Iara ginauna toutonu eidi nou vetula iagho teke chekedi iagho ka ghehati ra.

Nodi Khoje Hatimare Mae Jiu 119:6

Jame te fanomho fakeli iara ka nou famane cheke iagho re meuna, naiknore ginauna theome tangomana te famamaja ghau iara na.

Diutronomi 8:11

Fiofilo ghami, glahu ghatho ihoni ghotilo Lord nomi God, ba theome leghudi nogna cheke mana ra, nei vetula nei farirhiu eghu te tusu ari ka ghotilo gognaro igre.

Diutronomi 7:12

Mae Moses ne cheke eghu, “Jame te leghudi nei nomhidi teu ghotilo vetula igre na, Lord nomi God ghotilo igne ginauna tajini nogna nhaꞌa cheke na eghuteuna namha ghami ghotilo fabrahu jateula teke nhaꞌa chekeni mana ka kuꞌemi ghotilo ra eghu.

Diutronomi 17:20

Ka puhi igne mana ginauna theome fahaehaghe nei theome ghathoni ne keli fara thegna ne salaꞌudi kheragna Israel igre teuna. Eghuteuna mana ginauna theome ghatho ihoni nogna vetula Lord na. Jame te ghatho tahuni Lord mana na, mana ginauna king fabrahu kmana finogha, eghuteuna vikegna mana re ginauna jaola king fabrahu Israel.”