Fapea Samuel 22:20 - Buka Blahi Ka Cheke Holo

²⁰ Mana togho ghau iara ka hoholo ne fakarhi ghau iara, naugna mana ne keli tagna fara ka iara.

Fapea Samuel 22:20 ပူးပေါင်းရင်းမြစ်များ

Nodi Khoje Hatimare Mae Jiu 31:8

Iagho neke theome snakredi mae nogu naoka iara re mala loki ghau iara. Iagho neke togho ghau iara neke fakarhi ghau iara.

Nodi Khoje Hatimare Mae Jiu 118:5

Kate au iara ka hoholo na, iara eha lao ka mana, aonu mana nomhini te eha iara na ne atha fasnagli ghau iara ka hoholo.

Fapea Samuel 15:26

Nu jame te theome kelitagna mana ka iara na, iara na lisa lao ghau thegu mala eni mana unha te ghathoni ka iara na.”

Nodi Khoje Hatimare Mae Jiu 22:8

Mare cheke eghu ka iara, “Uve, iagho fatutuani ni God, nu aheva ne tei si mana te theome mei te fakarhi nigho gnea? Jame te magnahaghe nigho God na, naugna unha si mana te theome mei te togho nigho gnea?”

Nodi Khoje Hatimare Mae Jiu 149:4

Lord na keli tagna fara ka tahati, naugna igne mana ghatho tahu ghita tahati nogna naiknore mala uluni tahati u magra na.

Matiu 27:43

Mana au nogna grouronu ka God chekeni koba ne Thugna God teuna. Eghuteuna te ghathoni mana tutuani God na lisa laoni mala mei God fakarhini mana.”

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Profet Hosia 4:16

Phaꞌumi ghotilo maemi Israel igre jateula phaꞌu buluka eghu theome lalase. Iara magnahaghei te faghamu ghami ghotilo jateula mae greireghi sipu ra eghu. Nu theo eghu, naugna ghotilo ne patugama fara.

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Ululahu Kronikols 4:10

Kaisei fata mae Jabes neke tarai eghu ka nodi God maedi Israel, “God, fablahi ghau nei tusu mei ka iara kmana vido glose. Iara tore nigho iagho mala au balugu iara, thosei snakreni kaisei hoholo mala thoke ghau iara mala theome haimini iara kaisei khabru.” Aonu God ne tusu ranghini mana gobigna lepo teke toredi mana igre.

Jenesis 26:22

Mae Isak jifla jare neke tei dokha keha khoꞌu seu na. Eghuteuna gognaro na mare neke theome fapholai balugna mana. Aonu mae Isak ne kiloi khoꞌu seu igne, “Namono biꞌo.” Naugna mana neke cheke eghu, “Lord neke tusu ranghi ghita kaisei namono biꞌo igne eghuteuna tahati ginauna thovu e kmana naikno na ka namono igne.”

Fapea Samuel 22:37

Iagho eni nogu nabrou iara gna krepa nei salhu, mala theome tangomana iara te uka na.

Nodi Khoje Hatimare Mae Jiu 31:9

Lord, iagho kokhoni ghau iara, eigna iara gne la au hila ke lamna puhi biꞌo. Iara tanhi la ghilei huge phei tathagure. Thinigu na la ghilei glaꞌe soru, nei gaoghathogure la ghilei theome doglo eghu.