Fapea Samuel 22:14 - Buka Blahi Ka Cheke Holo

¹⁴ Lord na thofno haghe fara, eghuteuna mana eni fila na mala poha. Kate cheke mana na, naikno te gnafare tangomana te nomhini naogla gna mana na.

Fapea Samuel 22:14 ပူးပေါင်းရင်းမြစ်များ

Ululahu Samuel 2:10

Lord ginauna fatedi naikno te au ka namono te gnafa ka nauthoglu igne. Mana ginauna goigonidi nogna naoka re. Mana ginauna au kligna, mala fapoha mei fila ka mare. “Eghuteuna mana ginauna tusu lao nolaghi ka king teke vavahi mana na. Uve, mana ginauna pala hagheni nei toghoni eghu mana mala ulu fabrahu.”

Thakle 11:19

Aonu grengathagna nogna Sugablahi God te au kligna na ne thora, eghuteuna iara ne filoni bokis te au nogna nhaꞌa cheke God teke rioriso ranghidi nogna naiknore. Ka vido tuana nakafli, fila, nakheu, nei nakhete thina eghu ne khoko soru mei ka maloa na.

Profet Esikiel 10:5

Eghuteuna naogla baghidi engel igre thono biꞌo fara, mala tangomana naiknore te nomhidi neubane kegra mei neu delei ka keha philegna glalaba biꞌogna Sugablahi na. Naogla igne thono biꞌo fara jateula naogla gna Lord mae ihei te au nolaghi fateote'o eghu kate cheke teu mana na.

Profet Isaia 30:30

Nu Lord mae ihei te noda King tahati igne, mana toghodi nogna naiknore mala nomhini naoglagna mana te biꞌo na. Eghuteuna mana ginauna na fakakhana nogna nolaghi biꞌo te jateula khaꞌaghi te ghamu fahui gobigna lepo fateo ra teuna ka mare. Mana ginauna mei jateula fila eghu soru mei balu nakhete thina.

Thoutonu Eigna Mae Job 40:9

Ba, iagho nheta jateula iara eghu? Iagho tangomana te cheke fabiꞌo jateula iara te naoglagu na te jateula fila teu igne?

Ululahu Samuel 7:10

Ka narane te eni mae Samuel u fafara igne, maedi Filistia gre ne kafe thugha mei mala fufunu gna magra na. Nu Lord ne famei fila ne soru poha ke klignadi mare. Aonu mare ne mhaghu nodi fara balu fagoigoli ne rikha kokodi maedi Israel.

Jajis 5:20

Nathunu ka maloa na igre jaola loku fodu mala magra. Nathunu igre au ka nodi vido re magra ka funei biꞌo Sisera.

Eksodas 19:6

iara ginauna fablahi ghami ghotilo mala nogu naikno gloku iara mala loku jateula nogu mae pris eghu iara.’ Igre nogu cheke iara te mala toutonudi iagho ka naiknodi Israel.”