Fapea Samuel 21:9 - Buka Blahi Ka Cheke Holo

⁹ Mae king Devet ne snakre lao fitu mae igre ka naiknodi Gibeon. Mare tei ne falelehe fitu mae igre ne fagefe haghe thinidire ka kaisei thogele rhegna nogna vido blahi Lord. Mare eni igne ka narane te funu ukli bali mare ka nagare na.

Fapea Samuel 21:9 ပူးပေါင်းရင်းမြစ်များ

Thoutonu Eigna Rut 1:22

Thoutonu igne eigna Naomi te jifla kokoni kantri Moab. Naꞌa neke figri balugna Rut gaꞌasegna Moab. Repa neke pulo Betlehem ka narane teke katogna mare nagare bali na.

Fapea Samuel 21:6

Eghume, ghehati magnahaghei nigho iagho te hata mei fitu mae ka vikegna king Sol. Ghehati ginauna aknu falehe mae igre, eghuteuna fagefe haghe thinidire ke ulugna nogna vido blahi Lord na Gibea. Naugna igne nogna namono mae Sol aheva Lord teke vahini mana te mala king.” Aonu king ne cheke eghu, “Iara ginauna hata mei mae igre ka ghotilo.”

Fapea Samuel 6:21

Nu mae Devet ne cheke eghu ka Mikal, “Iara prosa nei koje eghu mala kilo fnaknoni nanghagna Lord. Mana neke vahi ghau iara mala tughuni mae kmamu iagho ia, nei mae thugna mana ra eghu. Mana jaola neke vahi ghau iara mala nodi mae baubatu naiknodi Israel. Eghume, iara ginauna kilo fnaknoni Lord.

Fapea Samuel 6:17

Aonu mare pala ne tei lilisei Bokis Blahi igne ka suga tapuale teke tarabana mae Devet na. Aonu mana ne falelehe sipu mala fafara ka Lord. Kehare gahu ka khaꞌaghi, eghuteuna kehare fafara mala au ka pharikeli balugna Lord.

Ululahu Samuel 15:33

Nu mae Samuel ne cheke eghu, “Ka nou naflahi mala magra iagho ana kmana gaꞌase neke lehe thudi re tagna, Eghume idomu iagho na ginauna na jaola lehe thugna re ka naflahi.” Eghuteuna thinigna King Agag na mare ginauna vaevahe faꞌikoi ke ulugna olta na Gilgal.

Eksodas 20:5

Thosei tuturupuku soru tarai ka mumuju god nei keha tothoghaledi keha god delei. Naugna kaisei Iara ngala nou Lord nei God teu ghotilo te mala loku ranghini na. Iara ginau na theome keli tagu ka naikno te tuturupuku soru te tarai ka mumuju ba tothoghale igre. Jame te theome magnahaghei ghau iara ghotilo na, iara ginau na para ghami ghotilo eigna u nakhibo te eni ghotilo tuana. Theome ka ghotilo kolho eghu, nu iara ginau na jaola na paradi goro thumi, grami nei fapea grami teu ghotilo are.

Eksodas 9:31

Gognaro na gaju ikodi te mala eꞌei ghajo ka gulidi ra, nei rais teura la kafe diꞌahi, naugna reꞌe namo muitahi.

Eksodas 9:32

Nu sisi wit gre kolho teke theome diꞌare, naugna reꞌe neke theome biꞌo nga nekeu, igre na teke gano teu thogheiro re.

Naba 25:4

Aonu Lord ne cheke eghu ka mae Moses, “Iagho na kilodi mae biꞌo te gnafa Israel igre nei falehedi mare eghu, eghuteuna fagefe haghe kligna thinidi mare re ke ulugna Suga Thapuale te blahi ana mala filo naiknore. Eni tuana mala nu theome diꞌatagu iara ka ghotilo eghu.”

Diutronomi 21:22

Mae Moses ne cheke eghu, “Jame kaisei mae eni kaisei najafra te nabagna te lehe na, eghuteuna ghotilo aknu faleheni mana eghuteuna fagefe hagheni thinigna mana na ka kaisei gaju.