Fapea Samuel 21:7 - Buka Blahi Ka Cheke Holo

⁷ Nu mae Devet neke ghathoni teke nhaꞌa cheke phiamare Jonatan thugna mae Sol ke ulugna Lord tifa igne ne fakarhini mae Mefiboset thugna mae Jonatan.

Fapea Samuel 21:7 ပူးပေါင်းရင်းမြစ်များ

Fapea Samuel 4:4

Mae Jonatan thugna mae king Sol igne au kaisei thugna nalhaꞌu. Nanghagna na mae Mefiboset. Mana glima finogha gna kolho funu karhagna te mei nonomho funu Jesrel glehedi mae Sol ghe mae Jonatan. Gaꞌase te reireghini mana na papani mana ne rikha. Nu kate nanga nogna fara naꞌa te rikha na, mana uka ne klopa phei gahegnare. Aonu mana blughu ne theome tangomana te nonolo na.

Ululahu Samuel 23:18

Phiamare ne nhaꞌa cheke ka nanghagna Lord mala theome gnafa nodi fofodu na. Ke leghugna igne, mae Jonatan figri neke pulo ka namono, nu mae Devet ne au neu Hores.

Ululahu Samuel 20:15

Kate falehedi te gnafa Lord nou naoka iagho ka nauthoglu igne, iagho ghathoni fabrahu tharaknagu iara gne.”

Ululahu Samuel 18:3

Mae Jonatan ne eni kaisei nhaꞌa cheke balugna mae Devet mala theome gnafa phiamare nodi namha na.

Fapea Samuel 9:10

Eghuteuna iagho baludi thumu nei nou mae gloku teura, ghotilo mala loku nagare, nei hata mei gano ka nagare tuare eghu ranghini mana. Eghume ka puhi igne vikegna mae Sol igre ginauna au ghedi gano. Nu mae Mefiboset gne ginauna mei ima balugu iara koba.” Nu mae Siba gne au nabotho thugna nalhaꞌu, nei varadaki mae gloku.

Ululahu Samuel 20:8

Jonatan, togho ghau iara nou mae gloku gne, eigna tapa neke eni kaisei nhaꞌa cheke ke ulugna Lord. Jame teke eni iara kaisei najafra ka mae kmamu iagho na, theome naba iagho te atha te tei ghau iara ka mana na, te keli na iagho ngala te falehe ghau iara na.”

Ululahu Samuel 20:42

Aonu mae Jonatan ne cheke eghu ka mae Devet, “Tei sagho, thosei diꞌanagnafa, naugna tapa nhaꞌa chekehi ke ulugna Lord. Mana ginauna na fiofilo ghita baludi vikedare, tahati te gnafa na mala tajini fabrahu nhaꞌa cheke igne.” Aonu mae Devet jifla ka vido igne ne tei, eghuteuna mae Jonatan figri neke pulo ka namono na.

Ululahu Samuel 20:17

Aonu mae Jonatan ne toreni mae Devet mala ke nhaꞌa chekei mala ghatho tahuni nhaꞌa cheke igne, naugna mae Jonatan namhani fara mae Devet jateula Devet te namhani mae Jonatan eghu.

Fapea Samuel 19:25

Mae Mefiboset posa Jerusalem ne tei thafoni king. Aonu king Devet ne ghusna eghu ka mana, “Ghema Mefiboset, naugna unha sagho te theome rikha balugu iara ia?”

Fapea Samuel 16:4

Mae Devet nomhini igne ne cheke eghu ka mae Siba, “Uve, iara ginauna lisa ari ka iagho nogna gobigna lepo mae Mefiboset ra.” Aonu mae Siba ne cheke eghu ka mae Devet, “King, iara thofno cheke fakeli nigho. Iara magnahaghei te edi koba unha glepo te keli jame te kelitamudi iaghore.”

Fapea Samuel 9:7

Aonu mae Devet ne cheke eghu ka mana, “Iagho thosei mhaghu. Iara magnahaghei te togho nigho iagho, naugna mae kmamu iagho mae Jonatan ia neke mae kheragu keli iara. Nogna vido glose te gnafa mae kuꞌemu iagho mae king Sol ra, iara ginauna nake tusu fapulo ka iagho, eghuteuna iara magnahaghei nigho iagho te mei ima balugu iara koba ka nogu tevo iara igne.”

Ululahu Samuel 20:12

Mae Jonatan ne cheke eghu ka mae Devet, “Ka nanghagna Lord, God gna Israel, iara nhaꞌa cheke ka iagho, jateula gognarogne teu nauriha na, iara ginauna hironi gaoghathogna mae mama na. Jame te keli tagna mana ka iagho na, iara ginauna famei cheke mala fanomhi nigho iagho.

Fapea Samuel 9:1

Aonu kaisei narane, mae Devet ne ghusna eghu ka nogna mae biꞌore, “Keha mae karhau ka thugna mae king Sol ra, ba theo? Jame te au teu kaisei ka mare na, iara magnahaghei te toghoni mana, naugna mae Jonatan ia neke mae kheragu keli fara iara tifa na.”

Eklesiasti 8:2

Iagho mala leghuni chekegna king, naugna iagho neke nhaꞌa chekehi ka God te mala eni iagho igne.

Ululahu Samuel 24:22

Aonu mae Devet ne leghuni unha te chekeni mae Sol igne ne nhaꞌa cheke ka mana. Mae Sol figri neke pulo ka namono, nu mae Devet neke figri balu nogna soldia ka nodi vido mala poru na.

Fapea Samuel 9:6

Mae Mefiboset gne thugna mae Jonatan, thugna mae Sol. Kate mei ka sugagna gna king na, mana pogho soru ke ulugna king Devet ne fafnaknoni mana. Aonu mae Devet ne ghusna eghu ka mana, “Iagho mae Mefiboset?” Mana ne cheke eghu, “Uve, iara nou mae gloku iagho.”