Fapea Samuel 21:6 - Buka Blahi Ka Cheke Holo

⁶ Eghume, ghehati magnahaghei nigho iagho te hata mei fitu mae ka vikegna king Sol. Ghehati ginauna aknu falehe mae igre, eghuteuna fagefe haghe thinidire ke ulugna nogna vido blahi Lord na Gibea. Naugna igne nogna namono mae Sol aheva Lord teke vahini mana te mala king.” Aonu king ne cheke eghu, “Iara ginauna hata mei mae igre ka ghotilo.”

Fapea Samuel 21:6 ပူးပေါင်းရင်းမြစ်များ

Ululahu Samuel 10:24

Eghuteuna mae Samuel ne cheke eghu, “Igne mae ihei teke vavahi Lord na! Theo kaisei mae ka tahati te jateula mana teuna.” Eghuteuna naiknore ne thagru eghu fabiꞌo, “Iagho king fabrahu tifa tifa!”

Ululahu Samuel 11:4

Aonu mare tei ne toutonu nonomho igne Gibea, ka namono aheva te au teu mae Sol. Kate nomhini igne, naiknore ne diꞌanagnafadi fara ne tanhi fabiꞌo.

Ululahu Samuel 10:26

Eghuteuna King Sol neke figri Gibea, eghuteuna keha mae nheta mala magra langau eghu ne tei balugna mana, naugna God magnahaghedi naiknore te ghatho tahuni King Sol.

Mae Khuru 13:21

Ka vido tuana naiknore neke toreni mae Samuel mala vavahi kaisei mae nodi king. Aonu God ne vahini mae Sol thugna mae Kis, mana karha ka vikegna mae Benjamin. Eghuteuna mana King nabagna phiatutu finogha.

Matiu 27:5

Mae Judas tei ne koko soru sileni tuana ka Sugablahi na. Aonu mana tei ne froro thegna.

Esra 6:11

“Eghuteuna iara nake chekei ka ghotilo, jame ihei ka ghotilo te theome faꞌuveni nogu cheke iara igne, ba fariuriu tuthughu cheke igne teuna, nogu mae gloku iara gre ginauna hata kaisei vido thaba ka Suga na, eghuteuna fafofnonu khukrugna na eghuteuna fakegra haghe ke lamna glose. Aonu mare na pala haghe mae igne ke kligna gna thaba fnonu igne, mala churu suplu mana thiꞌa na ka thaba igne mala lehe mana. Eghuteuna mare ginauna thofno paꞌe soru nogna suga mana na mala jateula kaisei vido mala koko chara ra eghu kolho.

Fapea Samuel 18:10

Aonu kate gefe teu mana ka grege gaju na, kaisei mae soldia mei filoni mana ne cheke eghu ka mae Joab, “Iara filoni mae Absalom gefeu ka grege gaju na.”

Fapea Samuel 17:23

Kate laseni mae Ahitofel te theome leghuni mare nogna cheke na, mana saghe ka nogna dongki na neke pulo ka nogna namono na. Kate fadoglidi te gnafa tharakna gna nei nogna bisnis teure, mana froro ne lehe. Tharakna gna mana re hata thinigna mana na ne giugilui ka nodi beku thedi na.

Ululahu Samuel 10:1

Aonu mana ne hata kaisei botol oliv oel ikoi ne tofa ka phaꞌugna mae Sol, gnafa teuna mae Samuel ne gnanghoni mae Sol ne cheke eghu ka mana, “Lord neke vahi nigho iagho mala king nei mala batudi naiknodi Israel.

Josua 10:26

Aonu mana ne aknu falehe glima mae king igre ne fagefe haghe thinidire kligna. Thinidi glima mae king igre gefe neu jare ne ghilei figri naprai na.

Josua 8:29

Hatimare ne faleheni mae king gna Ai, eghuteuna mae Josua ne fagefe haghe thinigna mana ka gaju na, thinigna mana igne gefe neu jare ne ghilei rafi. Aonu ka grafi tuana mae Josua ne chekedi mare mala koko soru thinigna mae king igne pari ka grengatha gna namono na. Aonu mare pulei kmana thina ne koko lao ke kligna gna mana. Bukrei thina igne au ngala gognarona.

Diutronomi 21:22

Mae Moses ne cheke eghu, “Jame kaisei mae eni kaisei najafra te nabagna te lehe na, eghuteuna ghotilo aknu faleheni mana eghuteuna fagefe hagheni thinigna mana na ka kaisei gaju.

Jenesis 40:22

Nu mae king ne chekedi hatimare mae soldia re ne faleheni mae te mala reireghi nogna suga bret mae king na jateula te chekeni mae Josep igne neu tutuani fara.

Jenesis 40:19

Ke lamnadi thilo narane igre mae king ginauna na hata fajifla nigho iagho ke kosi suga sosolo, eghuteuna mana ginauna na chekedi hatimare mae soldia ra mala kusu graramu iagho na. Eghuteuna mare ginauna na fagefe haghe thinimu iagho na ka kaisei gaju, eghuteuna nanghajire ginauna na mei ghamu thinimu iagho na.”

Ululahu Samuel 24:21

Iagho nhaꞌa cheke ka nanghagna Lord mala thosei goigonidi iheire nate karha mei ka vikegu iara gre, nei thosei ghiha koko nanghadi thabuknagu iara ra.”

Fapea Samuel 19:28

Tutuani, iagho nabamu te kafe aknu falehe ghami ghehati teke vikegna mae kuꞌegu iara king Sol. Nu iagho kokhoni ghau iara ne snakre ghau iara te mala mei ima koba ka sugamu iagho na. Iara theo kaisei nogu nolaghi te mala toreni kaisei glepo ka iagho na.”

Ululahu Samuel 24:22

Aonu mae Devet ne leghuni unha te chekeni mae Sol igne ne nhaꞌa cheke ka mana. Mae Sol figri neke pulo ka namono, nu mae Devet neke figri balu nogna soldia ka nodi vido mala poru na.

Ululahu Kronikols 12:3

Mae Ahiesa ghe mae Joas phei mae thabusigna igre thugna mae Sema maegna ka namono Gibea. Eghuteuna mae Ahiesa gne nodi lida mae soldia igre. Mae Jesiel ghe mae Pelet, phei thugna mae Asmavet. Mae Beraka, ghe mae Jehu kaisei maegna ka namono Anatot.