Fapea Samuel 21:16 - Buka Blahi Ka Cheke Holo

¹⁶ Kaisei mae biꞌo fara jateula goigholi teuna au ka armigna Filistia, nanghagna na Isbi-beno, mana magnahaghei te faleheni mae Devet. Mana hata kaisei goru te horo ka bras kheꞌigna na, eghuteuna tahu gna na, thilo kilo gram vidogna, eghuteuna mana jaola au kaisei naflahi majaghani mala magra.

Fapea Samuel 21:16 ပူးပေါင်းရင်းမြစ်များ

Fapea Samuel 21:20

Ke leghudi igre, mare neke tei magra ka namono Gat. Kaisei naoka soldia vikegna mae Rafa te nheta fara ka magra na au ka namono igne. Mae igne mae biꞌo fara jateula goigholi eghu, mana au nabotho phei geghesu ka khame re, namnoi ka keha khame, eghuteuna namnoi ka keha khame na. Eghuteuna mana jaola au nabotho phei geghesu ka ghahe re, namno geghesu ka keha ghahe na eghuteuna namno geghesu ka keha ghahe na.

Fapea Samuel 21:18

Ke leghudi narane igre, mare neke tei magrai ka maedi Filistia ka namono Gob. Eghuteuna mae Sibekae kaisei maegna Husa mana ne faleheni mae Saf, kaisei mae gna Filistia te mae biꞌo fara jateula goigholi teu na.

Fapea Samuel 21:22

Fati mae nheta igre vikegna mae Rafa ka namono Gat. Mae Devet baludi nogna mae soldiare ne kafe falehedi ne gnafa mae igre.

Fapea Samuel 5:18

Hatimare mae Filistia jaola ne mei ikotongana ka glogu Refaem.

Diutronomi 9:2

Eghuteuna naiknore brahu fara, nei thono nheta fara, mae igre vikegna mae Anak. Ghotilo lasedi eghuteuna te nomhidi ghotilo eidi mae igre na, mare chekeni te theome tangomana kaisei mae te uludi vikegna mae Anak.

Diutronomi 3:11

King Og gna Basan igne, mana mae leghu lahu ka vikedi mae te nheta nei brahu teu te kilodi mare Refaem. Eghuteuna kate lehe King Og na, mare horo bokis gna mana na ka thina pipito te fati mita brahugna na eghuteuna namo phei mita krepagna na. Bokis thina igne au ngala posa gognaro ka namono Raba te au ka nodi nohi naiknodi Amon.

Diutronomi 2:21

Mae igre brahu fara jateula mae ka vikegna Anak igre eghu. Tifa na, mae igre neke kmana fara, eghuteuna mare mae nheta fara, nu Lord neke kafe falehe fahuidi gnafa. Eghuteuna vikegna mae Amon igre neke ngolhi fajifladi neke hata kasa namono igne.

Diutronomi 2:10

(Ghotilo laseni, tifa te mei na kaisei vike ka mae te nheta igre neke au Ara, vike te kiloi mare vikegna mae Emim. Mae igre thono brahu fara jateula vikegna mae Anak eghu.

Diutronomi 1:28

Mala unha kolho si tahati te tei ka namono ignea? Mae teke tei fasigho ka namono igne pulo mei neke famamhaghu ghami ghehati kate chekeni mare te maedi ka namono tuana mare rheta fara nei thono brahu salaꞌu ghita tahati. Eghuteuna nodi namono biꞌo mare igre bara ka thina haghe fara kligna. Eghuteuna mare jaola filodi goigholi ka kokhologna mae Anak jare.’

Jenesis 6:4

Ka narane tuare ba ka narane te mei nathuꞌu nei nauriha teu igre, mae te kilodi Nefilim te au ka nauthoglu igne. Mae igre mae brahu fara nei lase magra fara eghu. Ka narane tuare la, goro gaꞌase teke thuru baludi nogna engel God ra. Thudire neke biꞌo haghe neke nheta fara tutuani. Eghuteuna mare tangomana te edi kmana nafnata gloku te biꞌo nei nanghadire fnakno fara neku tifa na.

Naba 13:22

Ulu lahu na mare doglo ne tei mala filoni keha phile vido glose ke raru na ne ghilei thoke Hebron te au mae Ahiman, mae Sesae, nei mae Talmae. Naikno te au Hebron gre jifla mei ka tharakna gna mae Anak. Eghuteuna namono biꞌo Hebron gne neke eni haghe fitu finogha ke ulugna namono Soan jare Ijep.

Naba 13:28

Nu naikno te au jare re nheta fara, nei namono dire thono biꞌo fara, eghuteuna au gringni thina biꞌo faligohoni namono na. Ghehati jaola filodi mae ka vikegna Anak. Mae iheire te nheta fara, brahu fara nei biꞌo fara.

Josua 15:14

Aonu mae Kelab ne ngolho fajifladi vikegna mae Anak ka namono igne. Mae igre ka vikegna mae Sesae, nei ka vikegna mae Ahiman nei ka vikegna mae Talmae.

Diutronomi 2:11

Phei vike igre, kmana naikno kilodi mare Refaem, nu naiknodi Moab igre kilodi mae igre Emim.

Josua 11:22

Theo kaisei ka vikegna Anak te au teu Israel. Nu theome kmana kolho te au teu ka namono Gasa nei Gat nei Asdod.

Ululahu Samuel 17:7

Eghuteuna nogna goru na thono biꞌo fara, kheꞌigna goru igne thono fnonu fara neke horo ka aean, eghuteuna tahugna goru igne thogra thokeni fitu kilo. Mana au kaisei nogna mae soldia te mala pala nogna greoreo na. Eghuteuna mae igne tei ke ulugna mana.