Fapea Samuel 21:15 - Buka Blahi Ka Cheke Holo

¹⁵ Kaisei narane maedi Filistia mei ne magra ka maedi Israel. Kate tei mae Devet baludi nogna soldia gre te magra ka maedi Filistia igre na, mae Devet magra ka mare ne ghilei babaꞌo fara ne glaꞌe soru.

Fapea Samuel 21:15 ပူးပေါင်းရင်းမြစ်များ

Eklesiasti 12:3

Ka narane tuare khamemi ghotilo are ginauna theome nheta nei fififri eghu. Eghuteuna ghahemi ghotilo are ginauna nigra, na theome nheta te mala nonolo na. Kheꞌimi ghotilo are ginauna na jaola brusu, eghuteuna phei thiloi kolho nate au na. Eghuteuna tathami ghotilo are ginauna na jaola diꞌa na theome filo fakeli.

Nodi Khoje Hatimare Mae Jiu 71:9

Neuba iara ne mae biꞌohi, iagho thosei thodo ghau iara. Thosei tei koko ghau ka vido te glaꞌe iara gne.

Ululahu Kronikols 20:4

Ke leghu, armigna Israel neke tei magrai ka armigna Filistia ka namono Gesa. Ka narane tuana, mae Sibekae maegna Husa, mana ne aknu faleheni mae Saf, kaisei mae soldia nheta ka vikegna mae Rafa maegna Filistia, mae igre mae biꞌo nei nheta fara eghu. Eghuteuna mare ne thofno uluni armigna Filistia.

Fapea Samuel 5:25

Aonu mae Devet ne leghuni unha te chekeni Lord igne. Eghuteuna mana balugna nogna armi na ne ngolho leghudi soldia di Filistia igre, aonu mare ne aknu falehedi ne hui funu Geba tei posa Gesa.

Fapea Samuel 5:22

Nu ke leghugna igne, maedi Filistia igre neke pulo mei ne ikotongana ka glogu Refaem.

Fapea Samuel 5:17

Kate nomhini maedi Filistia gre te tofa oel mare ka mae Devet te mala king frunini Israel igne. Maedi Filistia igre haghe ne hironi mae Devet. Nu kate nomhini mae Devet igne, mana soru ne poru ka vido te keli.

Nodi Khoje Hatimare Mae Jiu 73:26

Gaoghathogu nei thinigu teu iara gre tangomana te glaꞌe na, nu iagho God ngala te mala farheta ghau iara na, iagho ngala te au fabrahu ka nakarhagu iara na.

Nodi Khoje Hatimare Mae Jiu 71:18

Gognaro na iara la mae biꞌohi la nufahi khaklagure, God thosei tei koko ghau iara. Au balugu kate chekeni iara nou nolaghi iagho na ka naikno nate karha mei ke leghugu iara re.

Fapea Samuel 21:16

Kaisei mae biꞌo fara jateula goigholi teuna au ka armigna Filistia, nanghagna na Isbi-beno, mana magnahaghei te faleheni mae Devet. Mana hata kaisei goru te horo ka bras kheꞌigna na, eghuteuna tahu gna na, thilo kilo gram vidogna, eghuteuna mana jaola au kaisei naflahi majaghani mala magra.

Fapea Samuel 8:1

Kaisei fata ke leghugna igne, mae Devet tei ne thofno goigonidi mae Filistia, ne uludi mare. Eghuteuna mae Devet neke hata fapulo namono Metegama ka khamedi mae Filistia.