Fapea Samuel 21:12 - Buka Blahi Ka Cheke Holo

¹² mana tei Jabes Gilead neke hata fapulo nhubradi king Sol ghe mae Jonatan. Nhubradi phei mae igre au jare, naugna naiknodi Jabes Gilead igre neke hata poru thinidi phei mae igre Bet-San tifa ka narane teke lehe king Sol Gilboa ka hatimare mae Filistia. Mare neke fagefe haghe thinidi mae king Sol ghe mae Jonatan igre fari hotei glalaba ka namono Bet-San.

Fapea Samuel 21:12 ပူးပေါင်းရင်းမြစ်များ

Josua 17:11

Vikegna Manase igne au keha namono ke lamnagna nogna rijon Asa nei nogna rijon Isaka, nanghadi re Bet-San ghe Ibleam, baludi namono ikodi te au falithui igre, baludi namono Endo, nei Tanak, nei Megido nei Doa te au ka geri thongna.

Ululahu Kronikols 10:1

Kaisei narane armigna Filistia haghe ne magra ka armigna Israel ka Thogele Gilboa. Eghuteuna armigna Filistia igne ne aknu falehe kmana soldia ka armigna Israel, eghuteuna kehare ne rikha.

Fapea Samuel 1:21

“Uve, ginauna theo kaisei nakhete ba kaisei nabubla nate soru mei ke kligna Thogele Gilboa. Eghuteuna nagare ka Thogele Gilboa are ginauna theo ganodi! Nodi greoreo phei mae nhetara la diꞌahi. Uve, theo kaisei mae nate tarabana nogna greoreo mae Sol te mala tei ka magra na.

Fapea Samuel 1:6

Mae majaghani igne ne cheke eghu, “Iara au neku ka Thogele Gilboa neke filoni King Sol kabru ghegna fara ghiu lao teu ka nogna goru na. Eghuteuna iara jaola neke filodi mae Filistia te saghe ka chariot, nei ka hose teu igre ne mei rhegna mae Sol.

Ululahu Samuel 31:1

Armi gna Filistia na mei ne magra ka armi gna Israel ka Thogele Gilboa. Eghuteuna mae Filistia igre magra heta ne aknu falehe kmana maedi Israel. Eghuteuna keha mae ka maedi Israel igre ne rikha.

Ululahu Samuel 28:4

Aonu, kate nomhini king Sol te mei armi gna Filistia igne te au rhegna namono Sunem gne, King Sol jaola ne loku fodu nogna armi na ne mei au ka Thogele Gilboa.

Ululahu Kronikols 10:8

Eghuteuna ka keha narane na, soldiadi Filistia igre mei ne hata nodi gobigna lepo maedi Israel teke lehe ka magra re. Mare mei ne filoni thinigna mae Sol baludi thinidi thilo mae thugna nalhaꞌu re ka Thogele Gilboa.

Ululahu Samuel 31:3

Magra igne raꞌe ne biꞌo fara ka vido te au teu mae Sol igne. Hatimare mae naoka gre ne fadi jatani mana.

Ululahu Samuel 31:4

Aonu mae Sol ne cheke eghu ka mae majaghani te pala nogna glepo mala magra mana re, “Iagho atha nou naflahi mala magra na mala aknu falehe ghaula iara. Theome keli te au teu iara agne te mei mae bongihehedi Filistia igre te mei maꞌe ghau nei falehe ghau teu iara na.” Nu mae majaghani igne ne thono mhaghu nogna fara, ne theome leghuni unha te chekeni mana na. Aonu mae Sol ne korho fajifla nogna naflahi mala magra thegna na ne uka soru ke kligna gna ne lehe.

Fapea Samuel 21:11

Kate nomhini king unha te eni Rispa igne,

Fapea Samuel 21:13

Aonu king hata nhubradi mae Sol ghe mae Jonata igre baludi nhubradi fitu mae teke lehe teke fagefe haghe hatimare maedi Gibeon igre.

Fapea Samuel 2:4

Aonu maedi Juda igre tei Hebron ne tofa oel ka phaꞌugna mae Devet na mala nodi king naiknodi Juda. Aonu mae Devet ne nomhidi naiknodi Jabes Gilead te giugilui thinigna King Sol.