Fapea Samuel 21:1 - Buka Blahi Ka Cheke Holo

¹ Ka narane te kegra funei King Devet igre, kaisei nhigra behu ne thoke mei. Eghuteuna naiknodi phei kantri Israel ghe Juda igre ne theome naba gano ne rofo nabagna thilo finogha. Aonu mae Devet ne tarai ka Lord mala laseni gaoghathogna te theo gano te rofo mare igne. Lord ne cheke tughuni nogna tharai mana igne, ne cheke eghu ka mana, “Puhi biꞌo igne thoke mei naugna King Sol nei vikegna teu mana igre ne falehe naikno. Uve, mana neke aknu falehe maedi Gibeon ra.”

Fapea Samuel 21:1 ပူးပေါင်းရင်းမြစ်များ

Jenesis 26:1

Keha fata te theo gano jateula teke eni ka narane gna mae Ebraham tifa igne teuna ne thoke mei ka namono Kenan. Aonu mae Isak jifla ne tei ka namono Gerara mala filoni mae Abimelek, mae king gna Filistia.

Jenesis 12:10

Ka narane tuare jare na ne theo gano fara, eghuteuna mae Ebram balugna nogna vike na ne tei au Ijep.

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Thoutonu Eigna Mae Job 10:2

Iara ginauna cheke ka iagho God, iagho thosei chekeni iara naba te mala papara na, nu iagho cheke mei ka iara unha te eni fadiꞌa iara na.

Fapea Kings 8:1

Tifa na, mae Elisa neke cheke eghu ka naikno biꞌo gna Sunem teke lehe thugna na, eghuteuna ke fakarha fapulo mae profet teku ia, “Te chekeni Lord na heva heva agne Israel na ginauna theo gano nabagna fitu finogha. Eghume te keli na iagho balugna tharaknamu na jifla ka vido igne mala tei au ka keha kantri delei.”

Fapea Kings 6:25

Mare au neu jare ne ghilei thoke mei narane te theo gano ka namono biꞌo igne. Aonu gano re theome naba sileni te mala folidi re, naugna foligna gna gano na thono haghe fara. Kaisei phaꞌugna dongki na, mare foli ka nhana salei silva, eghuteuna kaisei kapu bini na, mare foli ka glima silva.

Ululahu Kings 18:2

Aonu mae Elija kegra haghe ne tei filoni King Ehab. Ka narane igre, grofo na thofno diꞌa fara jare Samaria.

Ululahu Kings 17:1

Profet Elija mae gna Tisbe, ka nohi Gilead. Mana tei ne cheke eghu ka King Ehab, “Iara nogna mae gloku Lord, nodi God mae Israel te karha te tifa. Ka nanghagna Lord iara na cheke fadoglo ari ka iagho, ginauna na theome nakhete keha finogha. Jare ginauna theo kaisei nakhete ba nabubla nate soru mei na ghilei chekeni iara na teke soru mei nakhete na.”

Fapea Samuel 5:23

Eghuteuna kate ghusna mae Devet ka Lord na, Lord ne cheke eghu ka mana, “Kate tei ghotilo te magra ka mare na, ghotilo thosei doglo tei ka mare. Nu ghotilo lithui ke leghu mala magra ka mare rhedi gaju balsam are.

Fapea Samuel 5:19

Aonu mae Devet ne ghusnani Lord, ne cheke eghu, “Lord, iara tangomana te tei magra ka maedi Filistia igre, ba theo? Jame te tei iara na, iagho tangomana nate togho ghau iara na, ba theo?” Lord ne cheke eghu, “Uve, tei sagho magra ka mare! Iara ginauna togho nigho iagho.”

Ululahu Samuel 23:11

Ba, mana ginauna mei agne tutuani? Jame te mei mana agne na mae biꞌogna namono igne ginauna snakre lao ghau iara ka mana? Lord, nodi God mae Israel cheke tughu mei ranghi ghau!”

Ululahu Samuel 23:4

Mae Devet neke fapea tarai ka Lord, aonu Lord ne cheke eghu ka mana, “Ghotilo tei Keila. Iara ginauna togho ghami ghotilo mala tapla faparidi ghotilo soldiadi Filistia tuare.”

Ululahu Samuel 23:2

Aonu mae Devet ne tarai eghu ka Lord, “Ba? Keliu kolho te tei magra iara ka mae Filistia igre, ba theo?” Lord ne cheke eghu, “Uve, tei sagho magra ka mare mala fakarhini namono Keila.”

Josua 7:1

Lord neke cheke faheta fara ka naiknodi Israel igre mala thosei hata kaisei glepo ka namono Jeriko. Nu kaisei mae ka mare nanghagna na mae Ekan, thugna mae Kami, gragna mae Sabdi, vikegna mae Sera thugna mae Juda tifa igne ne theome leghuni chekegna Lord igne ne blau keha glepo. Lord ne thono diꞌatagna fara ka nafnata puhi te eni mana igne.

Naba 27:21

Eghuteuna mana mala lelheghu kolho ka mae pris Eleasa mala tangomana mana te lasedi gaoghathogu iara re. Mae pris igne ginauna eni ka nafnata thina te kiloni Urim nei Thumim mala lalahu khale ke ulugu iara Lord, mala lasedi gobigna lepo te magnahaghedi iara re. Eghume ka puhi igne, iara ginauna batuni mana baludi naiknodi Israel gre ka gobigna lepo te edi mare re.”

Levitikas 26:26

Ginauna na thoke mei thofno narane ninhigrana nate theo gano nate rofo ghotilo na, eghuteuna nabotho gaꞌase kolho nate tangomana nate kafe gahu bret ka kaisei biti kolho. Eghuteuna kate tufa ghotilo katha bret kolho, ghotilo ginauna rofo.

Jenesis 43:1

Rofo na biꞌo fara jare ka kantri Kenan.

Jenesis 42:5

Aonu thugna nalhaꞌu mae Jekop, mae ihei te kilonila mae Israel gne, ne teila baludi keha naikno te tei foli wit Ijep gre, naugna vido te theo gano igne ne tei thokela Kenan.

Fapea Samuel 16:8

Gognarona Lord para nigho iagho, naugna iagho neke aknu falehe kmana naikno ka tharaknagna mae king Sol ka narane teke hata kasa iagho sapegna mana te king iagho gne! Eghume, gognarona Lord la fapari nigho iaghohi, eghuteuna mana la vahinihi mae thumu iagho, mae Absalom mala king tughu nigho iagho! Iagho mae mala falehe naikno, gognarona puhi biꞌo thoke nigho iagho!”

Fapea Samuel 20:26

Eghuteuna mae Ira vikegna mae Jaea, mala nogna pris mae Devet.

Fapea Samuel 21:5

Mare ne cheke eghu ka mana, “Tifa na, king Sol neke magnahaghei te falehe ghami ghehati hui. Mana theome magnahagheni kaisei naikno ka ghehati te karha na agne Israel.

Fapea Samuel 24:1

Lord ne diꞌatagna ka naiknodi Israel. Aonu mana ne tusu lao gaoghatho ka mae Devet mala eꞌei puhi biꞌo ka mare. Lord ne cheke eghu ka mae Devet, “Iagho tei kaha naiknodi Israel ghe Juda.”

Josua 9:20

Tahati lisa laodi mala karhau mare, naugna tahati neke enihi nhaꞌa cheke tuana ka mare. Eghuteuna God ginauna para ghita tahati jame te falehedi mare tahati na.

Thoutonu Eigna Rut 1:1

Ka narane ame kegra king nga Israel teuna, vido te theo gano ka kantri tuana na ne thoke mei. Aonu mae Elimelek, kaisei maegna ka namono Betlehem ne tei au keha finogha ka kantri Moab. Mana ne jifla baludi khetogna nei thugna nalhaꞌu teure ne tei au jare. Nanghagna khetogna mae Elimelek na Naomi, eghuteuna nanghadi phei mae thugna mana re, mae Malon ghe mae Kilion. Naiknodi ka vikegna Efrata, ka namono Betlehem ka provins Juda. Mare au neu jare Moab ne ghilei lehe mae Elimelek. Naomi au soru jare baludi phei mae thugna re.

Ululahu Samuel 10:22

Aonu mare ne tarai eghu ka Lord, “Lord, au aheva si mana gnea?” Eghuteuna Lord ne falalase ne cheke eghu, “Mae Sol na tei poru delei, ka nomi glepo ghotilo ra.”

Nodi Khoje Hatimare Mae Jiu 27:8

Kate cheke eghu iagho ka iara na, “Mei sagho mala pogho soru ke ulugu iara,” iara na cheke eghu, “Lord, iara thofno keli tagu fara, iara na ari ka iagho.”