Fapea Samuel 20:9 - Buka Blahi Ka Cheke Holo

⁹ Eghuteuna mae Joab ne cheke eghu ka mana, “Naublatha keli thabusigna.” Aonu mana ne loku ka gremohogna mae Amasa na fei khame nhetagna ne gnanghoni mae Amasa.

Fapea Samuel 20:9 ပူးပေါင်းရင်းမြစ်များ

Profet Maeka 7:2

Uve, jateula nafnata puhi tuana eghu mana theome tangomana te filoni kaisei gano na, ka kantri igne, theo kaisei naikno te leghuni puhigna God te doglo na. Theo kaisei naikno te ghatho tahuni God. Naikno te gnafa gre ofou kolho te mala aknu faleheni keha mae na. Mare jateula mae ihei te horo phighoro te mala fakhale nanghaji ra eghu chaghidi kheradi thedi re.

Nodi Khoje Hatimare Mae Jiu 55:21

Nogna chekere mamahe fara jateula suka eghu, nu gaoghathogna mana na theome magnahaghei kaisei naikno te cheke faparini, eghuteuna nogna cheke igre fagano salhu jateula sedi eghu mala au kmu naiknore. Nu nogna cheke mana igre fagoreho ghami ghehati jateula naflahi te fnonu eghu.

Fapea Samuel 3:27

Kate posa mei mae Abna ka namono na, mae Joab hatani mana ne tei ka grengathagna namono te bara ka thina biꞌo na. Mana jateula te magnahaghei te mala cheke pouporu balugna thegna ra eghu. Mae Joab hata naflahi na ne thoghi ka thiꞌagna mae Abna na. Aonu mae Abna ne lehe soru ka vido igne. Mana neke eni igne, naugna mae Abna neke faleheni mae Asahel.

Fapea Samuel 15:5

Leuleghu fata kate mei ihei rhegna mana te pogho soru ka mana na, mae Absalom na kubaeni, haboni nei gnanghoni eghu mana.

Fapea Samuel 17:25

Mae Absalom ne vahini mae Amasa mala komanda gna nogna armi na, tughuni mae Joab. Mae Amasa gne thugna mae Jeta kaisei mae ka vike gna Israel. Idogna mae Amasa na Abigel gregagna Seruia, idogna mae Joab. Kmagna gaꞌase igne, mae Nahas.

Fapea Samuel 18:29

Nu mae king ne cheke eghu ka mana, “Faꞌunhau mae thugu iara Absalom ia? Mana keliu kolho ba theo?” Mae Ahimas ne cheke eghu, “King, iara neke filodi kmana mae neke eha nei thagru fabiꞌo eghu kate kuru mei ghau iara mae Joab balugna maegna Kus nou mae gloku iagho ia, nu iara theome laseni unha te eni mare na.”

Ululahu Kings 2:32

Lord ginauna nake tughu fapulo ka mae Joab dadaradi phia mae tura, naugna mae kmagu iara na theome laseni mae Joab te aknu falehedi mae Abna, thugna mae Neri mae komanda ka armi gna Israel, ghe mae Amasa, thugna mae Jeta mae komanda ka armi gna Juda. Phia mae igre thofno keli fara nei doglo eghu uluni mae Joab.

Profet Jeremaea 41:2

Ismael baludi nabotho mae igre kegra haghe ne atha nodi naflahi re ne aknu faleheni mae Gedalaea.

Jajis 3:15

Nu kate tanhi mare ka Lord te mala toghodi na, Lord ne vahini Ehud thugna Gera ka vikegna Benjamin mala fakharhidi. Mae igne loku ka khame maeri. Naiknodi Israel igre ne lisei takis ka khamegna mana mala fatei ka King Eglon.

Proveb 26:23

Nogna famane cheke mae te diꞌa na, jateula glele te peda te famane salhu ra eghu.

Proveb 27:6

Iagho tangomana te rouronuni mae kheramu te fadogli nigho na, nu fiofilo nighoi ka mae naoka te fariuriu famaemahe nigho na.