Fapea Samuel 20:8 - Buka Blahi Ka Cheke Holo

⁸ Kate mei thoke mare ka thina biꞌo na jare Gibeon, mae Amasa ne thafodi mare. Ka narane tuana, mae Joab ne pipichi nogna pohe mala magra na. Aonu mana ne nhaꞌa lao nogna naflahi kmoꞌei na ka nogna nhugha na. Mana lilisei naflahi igne lamna pipihagna. Nu kate nolo te tei mana te mala thafoni mae Amasa na, naflahi igne ne khoko pari.

Fapea Samuel 20:8 ပူးပေါင်းရင်းမြစ်များ

Fapea Samuel 3:30

Mae Joab ghe mae Abisae faleheni mae Abna mala ke tughu fapulo dadara gna mae Asahel, thabusidi na. Naugna tifa na mae Abna neke falehe mana Gibeon.

Fapea Samuel 2:13

Eghuteuna mae Joab, thugna Seruia igne jaola ne hata nogna armi mae Devet na ne tei thafodi mare ka kaisei grano ikoi jare Gibea. Mae Abna gnokro neu baludi mae soldiare ka gerigna grano igne. Eghuteuna mae Joab baludi nogna soldiare mei ne au ka keha phile grano na.

Matiu 3:4

Pohe te pipichi mae Jone na neke horo ka khakla kamel, eghuteuna glepo te hugha mana ka sorogna na guli buluka. Gano te ghamu mana re khupo nei u jujurukuli.

Jajis 3:16

Aonu Ehud ne eni kaisei naflahi te fnonu piepile, eghuteuna brahugna na thokeni phiatutu glima sentemita. Eghuteuna mana haru naflahi igne ke lamna pohe fei ghahe nhetagna.