Fapea Samuel 20:22 - Buka Blahi Ka Cheke Holo

²² Aonu naꞌa tei ka naikno gna namono igne ne cheke fajiflani nogna gaoghatho na. Mare leghuni nogna cheke naikno biꞌo igne ne tei kusu grara gna mae Seba. Eghuteuna mare hata phaꞌu gna mana igne ne haghe ka gringni gna namono na ne koko soru ka mae Joab. Aonu mae Joab kufli mala jifla mae soldiare mala ke figri mare ka king Jerusalem.

Fapea Samuel 20:22 ပူးပေါင်းရင်းမြစ်များ

Eklesiasti 7:19

Gaoghatho te keli na tangomana te toghoni kaisei mae mala uludi nodi nanheta nabotho mae funei te funei frunini kaisei namono biꞌo.

Fapea Samuel 20:1

Ka narane igre, kaisei mae te diꞌa fara puhigna na au ka namono Gilgal. Mae igne nanghagna na, mae Seba thugna mae Bikri ka vikegna mae Benjamin. Mae Seba gne kufli, ne eha eghu ka maedi Israel, “Mae Devet gne theome vikeda tahati. Tahati theome vikegna thugna mae Jesi igne! Tahati te gnafa maeda Israel ra kafe figri ke pulo ka namonoda ra!”

Eklesiasti 8:11

Kate theome ghosei te paradi mare naikno te edi puhi te diꞌa re, keha naiknore magnahagheni kolho te eni puhi te diꞌa na.

Fapea Samuel 20:16

Nu kaisei naikno biꞌo te lalase ka namono igne ne eha eghu fa kosi, “Ei! Ghotilo cheke meini Joab! Iara magnahaghei te cheke ka mana!”

Fapea Samuel 18:16

Aonu mae Joab ne kufli mala gnafa magra na. Eghuteuna nogna soldia manare ne theome ngohli leghudi mae soldia di Israel.

Fapea Samuel 2:28

Aonu kate kufli mae Joab na, nogna soldia manare ne kegra snoto ne theome ngolhidi soldiadi Israel igre. Aonu jareghu ne gnafa magra na.

Fapea Samuel 18:17

Mare hata thinigna mae Absalom igne ne koko soru ke lamnagna kaisei khora. Aonu mare koko thina ke kligna ne tafru mana. Ka narane igne, hatimare mae soldia di Israel igre ne kafe rikha ne tei ka nodi namonore.