Fapea Samuel 20:21 - Buka Blahi Ka Cheke Holo

²¹ Theome tuana te magnahagheni iara na. Nu ghehati mei mala hata kaisei mae nanghagna na, mae Seba thugna mae Bikri. Mae igne maegna Efrem ka vido te kmana thogele. Mae igne magnahaghei te tapla faparini King Devet. Jame hata te mei ghotilo mae igne ka ghehati na, ghehati ginauna jifla ka nomi namono ghotilo igne.” Aonu naikno biꞌo igne ne cheke eghu, “Ghotilo ofou jare! Ghehati ginauna koko fakosi phaꞌu gna mae tuana ka ghotilo.”

Fapea Samuel 20:21 ပူးပေါင်းရင်းမြစ်များ

Profet Jeremaea 50:19

Nu iara ginauna nake atha fapulo nogu naiknodi Israel igre ka nodi thofno namono na. Mare ginauna na jateula sipu te au ka vido aheva te au famane buburu ra eghu. Sipu igre ginauna ghamu buburu te karha ka Thogele Kamel, nei ka gukhu Besan. Eghuteuna ka thogele ka phei nohi Efrem ghe Gilead, rehati ginauna ghamu ghilei boho fakeli.

Profet Jeremaea 4:15

Kaisei nonomho na mei funu ke raru ka nohi Dan nei ka thogele te au ka nohi Efrem. Nonomho igne eigna kaisei puhi biꞌo ginauna thoke mei ka mare.

Fapea Kings 10:7

Kate filoni mae mala baubatu igre nogna fapea letas mae Jehu igne, mare ne kafe aknu falehe fitusalei mae igre, eghuteuna mare ne kusu koko phaꞌudi re. Eghuteuna mare hohono ka kharaꞌo phaꞌudi mae igre hata ne tei ka mae Jehu Jesrel.

Fapea Kings 5:22

Mae Gehasi ne cheke eghu, “Uve, gobigna lepore keliau kolho, nu nogu mae funei iara na kuru mei ghau iara mala cheke eghu ka iagho, ‘Gognaro ao ngala phei mae profet majaghani ne mei ka sugagu iara na. Phiamare mei funudi ka thogele ka nohi Efrem. Iagho famei tolufulu fati kilo silva, eghuteuna phei famane pohe eghu maladi phiamare.’ ”

Fapea Samuel 23:18

Joab thabusigna mae Joab, thugna Seruia igne nodi lida hatimare tolufulu soldia. Eghuteuna ke lamnagna ka kaisei magra mana fada falehe thilo gobi soldia ka nogna goru na. Naugna igne te hata nafnakno biꞌo mana ka tathadi tolufulu soldia igre.

Fapea Samuel 20:1

Ka narane igre, kaisei mae te diꞌa fara puhigna na au ka namono Gilgal. Mae igne nanghagna na, mae Seba thugna mae Bikri ka vikegna mae Benjamin. Mae Seba gne kufli, ne eha eghu ka maedi Israel, “Mae Devet gne theome vikeda tahati. Tahati theome vikegna thugna mae Jesi igne! Tahati te gnafa maeda Israel ra kafe figri ke pulo ka namonoda ra!”

Ululahu Samuel 26:9

Nu mae Devet ne cheke faꞌikoi eghu ka mana, “Theo, iagho thosei faleheni mana! Eigna God ginauna parani ihei te faleheni king teke vavahi mana na.

Ululahu Samuel 24:6

Mana ne cheke faꞌikoi eghu ka mae te tei balugna re, “Lisa lao ka Lord, iara theome tangomana te eni kaisei puhi te diꞌa ka nogu funei na, eigna Lord neke vahini mana.”

Jajis 7:24

Eghuteuna mana kurudi keha mae mala tei chekedi mae iheire te au ka thogele kantri Efrem. Mare ne cheke eghu, “Ghotilo faghose soru mei mala magrini tahati armigna Midian. Ghotilo reireghidi vido aheva mare tangomana te kasa ka Khoꞌu biꞌo Jordan. Ghotilo thosei snakreni kaisei ka mare te tei kasa ka keha phile Khoꞌu biꞌo Jordan te mala tei posa namono Bet-Bara.” Aonu soldia di Efrem kafe mei ne reireghi vido te gnafa aheva te mala kasani Khoꞌu biꞌo Jordan te tei posa Bet-Bara.

Josua 24:33

Kate lehe Eliesa thugna Eron igne, mare ne giugiluini mana ka namono Gibea ka thogele nogna rijon Efrem, ke lamnagna glose teke tusu lao mare ka thugna mana Finehas.

Fapea Samuel 20:2

Aonu maedi Israel igre nomhini cheke mana igne ne tei kokoni king Devet ne leghuni mae Seba. Nu maedi Juda igre ne au balugna king Devet. Mare jifla ka khoꞌu Jordan ne tei Jerusalem.

Fapea Samuel 20:20

Aonu mae Joab ne cheke eghu, “Theo! Iara theome magnahaghei te mei roꞌeni nomi namono ghotilo igne.

Ululahu Kings 11:26

Eghuteuna kaisei nogna ofisa King Solomon, mana jaola ne naoka ranghini mae Solomon. Mae igne nanghagna na mae Jeroboam, thugna mae Nebat maegna Sereda, vikegna mae Efrem, eghuteuna idogna na Serua, kaisei thau glehe kokoi.

Jajis 9:55

Eghuteuna kate filoni soldia di Israel igre tela lehehi nodi lida na, mare neke pulo ka nodi namono re.