Fapea Samuel 20:19 - Buka Blahi Ka Cheke Holo

¹⁹ Nomi namono ghehati igne kaisei namono ulu fara ka kantri Israel. Ghehati naikno gna namono igne, ghehati magnahaghei te au ka pharikeli, eghuteuna ghehati ghatho tahuni fabrahu noda Lord. Nu gognarona iagho magnahaghei te mei roꞌeni namono igne. Naugna unha sagho te magnahaghei goigonidi nogna glepo Lord igrea?”

Fapea Samuel 20:19 ပူးပေါင်းရင်းမြစ်များ

Ululahu Samuel 26:19

Nogu funei nei nogu king, iagho fanomho ka cheke nate chekeni iara igne. Jame teke gaoghatho Lord te mala diꞌatamu iagho ka iara na, kaisei fafara jame teke figrini gaoghathogna mana na mala teke keli ka iara na. Nu jame teke keha maei kolho te eni ka iagho te mala diꞌatamu ka iara na, lisa lao ka Lord mala thoke mei puhi biꞌo ka mare. Naugna mare ne khi fajifla ghau iara ka namono gna Lord na, eghuteuna mare eni igne mala tei tarai iara ka keha god delei.

Fapea Samuel 21:3

Aonu king Devet ne kilo meidi maedi Gibeon igre, ne cheke eghu ka mare, “Iara magnahaghei te fadoglini glepo te diꞌa teke eni mae Sol ka ghotilo tifa igne. Unha nate eni iara te mala fadoglini najafra igne na te mala chekeni ghotilo kaisei fablahi ka ghehati nogna naikno Lord igre?”

Ululahu Timoti 2:2

Iagho mala taraidi hatimare mae King nei iheire fateo te au ka sape nafnakno. Taraidi hatimare mae biꞌo are mala tangomana tahati te au kmu ke paridi nei au fakeli baludi keha naiknore, ba au doglo nei ghatho tahuni God.

Fapea Samuel 17:16

Aonu mana ne cheke eghu ka phiamare, “Ghopa faghose tei! Fatei cheke ka King Devet, cheke ka mana nei ka hatimare nogna mae soldia ra eghu mala jifla bongi, thosei au meu ka vido te thoe te mala kasa ka khoꞌu Jordan. Mare mala faghose kasa tei ka keha phile khoꞌu gno, na eghunu lehe mare eghu.”

Fapea Korin 5:4

Nu tahati au ngau ka thinida ka nauthoglu igne eghuteuna thini igre tahu nei hongo ghitani eghu, nu tahati theome magnahaghei te koko thini igre. Theo. Tahati magnahagheni ngala thinigna kligna na te mei toku tafru ghita, eghuteuna thini te lehe igre ginauna thafru kau karha.

Ululahu Korin 15:54

Eghuteuna kate eni te hui igne, cheke te eghu ka grioriso te blahi na igne thofno tutuani fara, “Glehe na, God thofno roꞌenihi, nei tapla sorunihi eghu pari!”

Lamentations 2:16

Nou naoka iagho igre maꞌe nigho iagho eha eghu fabiꞌo, “Tahati la goigoni nodanihi! Igne narane teke ofoni tahati ia, eghuteuna narane igne la meihi!”

Lamentations 2:5

Lord jateula mae naoka te mei goigoni ni Israel eghu. Mana jaola goigoni vido mala poru, baludi nodi suga biꞌo naikno te dedei. Mana eni igne ka naiknodi Juda mala diꞌanagnafadi fara nei tanhi eghu mare.

Lamentations 2:2

Suga te gnafa ka namono te gnafa Juda igre, Lord theome kokhoni nognadi. Mana diꞌatagna fara ne paꞌe soru ne gnafa suga mala poru ka namono igne. Mana goigoni fahui kantri igre baludi hatimare mae funei te gnafa igre mala mamaja nodi naiknore.

Profet Jeremaea 51:44

Iara ginauna jaola parani Bel, nodi god mae Babilonia. Iara ginauna faluꞌani mana mala luꞌa fajifladi mana gobigna lepo teke tomno soru mana ra. Naikno gna nauthoglu igne ginauna nake theome pulo mei mala pogho soru, eghuteuna iara ginauna paꞌe soru gringni gna nogna namono mana na!

Profet Jeremaea 51:34

Naiknodi Jerusalem igre ne cheke eghu ka Lord, “King Nebukadnesa gna Babilonia igne, mana goigoni ghami ghehati fara. Ghehati gne jateula kaisei botol khoꞌu te koꞌu fateo king te peso ra eghu. King igne jateula kaisei mogo biꞌo te au ka nhorora na te tomno fahui gano te magnahaghedi thegna ra eghu, eghuteuna ke luꞌa koko gobigna lepo te theome magnahaghedi ra eghu. Ke tughu fapulo sagho puhi biꞌo teke edi mae Babilonia te thoke ghami ghehati gre. Maedi Babilonia igre nabadi na au papara eidi dadarami ghehati ra, naugna mare neke falehe ghami ghehati.”

Jajis 5:7

Namono ikodire krogha. Uve, nakarha ka namono na theome keli ghilei posa ka narane iara Debora, iara kegra haghe kaisei naikno biꞌo jateula idogna eghu Israel.

Diutronomi 32:9

Nu ghotilo nogna naikno Lord. Ghotilo naikno ka vikegna Jekop ra, ghotilo nogna Lord.

Naba 26:10

Aonu kate mei khaꞌaghi biꞌo te faleheni mae Kora baludi nogna phei gobi glimafulu mae re, eghuteuna braga pea glose na, phiamare jaola ne lehe balugna mana. Igne kaisei faglaglana ka iheire naikno te theome leghuni Lord re.

Naba 16:32

Glose na ne thofno thora fabiꞌo ke paridi mae Kora, mae Datan ghe mae Abiram ne uka ne tei pari baludi keha mae te phile ka thilomare re, nei gobigna lepo te khotodi mare re.

Jenesis 18:23

Mae Ebraham ne lao rhegna Lord ne cheke eghu, “Lord, iagho magnahaghei te roꞌedi naikno te doglo gre baludi naikno te diꞌa gre sia?

Diutronomi 20:10

“Kate tei magra ghotilo ka kaisei namono biꞌo na, ulu lahu na ghotilo tusu ranghidi pharikeli.

Fapea Samuel 14:16

Te ghathoni iara na, iagho ginauna theome snakreni mae igne mala goigoni ghami ghepa thugu iara igne. Jame te eghu na, ghepa ginauna theome hata unha teke tusu mei God ka ghepa na.

Fapea Samuel 20:18

Eghuteuna naikno biꞌo igne ne cheke eghu ka mae Joab, “Tifa na, mare neke cheke eghu, ‘Jame ihei te au nogna puhi na, naikno igne tei Abel mala fadoglini puhi tuana.’

Fapea Samuel 20:20

Aonu mae Joab ne cheke eghu, “Theo! Iara theome magnahaghei te mei roꞌeni nomi namono ghotilo igne.

Ululahu Samuel 10:1

Aonu mana ne hata kaisei botol oliv oel ikoi ne tofa ka phaꞌugna mae Sol, gnafa teuna mae Samuel ne gnanghoni mae Sol ne cheke eghu ka mana, “Lord neke vahi nigho iagho mala king nei mala batudi naiknodi Israel.

Ululahu Kings 8:53

Iagho neke vahi fadelei ghami ka naikno te gnafa ka nauthoglu igne, mala nou naikno themu. Lord, iagho neke chekeni glepo igne ka nou mae gloku Moses, mala cheke mana ka kuꞌemi ghehati ra ka narane teke hata fajifladi iagho Ijep ra.”

Nodi Khoje Hatimare Mae Jiu 33:12

Keli tadi fara naiknodi kantri te nodi Lord na God ngala teu igre. Keli tadi fara naikno teke vavahi mana te mala atha unha teke nhaꞌa cheke ranghidi mana re.

Nodi Khoje Hatimare Mae Jiu 106:5

Jame te eghu na, iara ginauna filoni nakarha te keli na ka nou naikno iagho re, nei iara ginauna tangomana te glealeꞌa baludi. Uve, mala tangomana ghau iara te mala kaisei baludi te mala kilo fnaknoni nanghamu iagho na.