Fapea Samuel 20:15 - Buka Blahi Ka Cheke Holo

¹⁵ Aonu nogna soldia mae Joab igre nomhini te au teu mae Seba ke lamna gna namono igne ne tei bara ligohoni namono na. Mare pulei glose ne fafofodu ke kosigna bara igne mala tangomana mare te haghe ka bara gna namono na. Eghuteuna mare ne funu paꞌe soru bara gna namono na.

Fapea Samuel 20:15 ပူးပေါင်းရင်းမြစ်များ

Fapea Kings 19:32

Profet Isaia ne cheke eghu, “Eghume, igne unha te chekeni Lord eigna king gna Asiria na. King gna Asiria baludi nogna soldiare ginauna theome tangomana te ruma mei Jerusalem, ba nate fada mei kaisei jata tagna na. Theo kaisei soldia balu greoreo nate mei namo ka namono biꞌo igne. Eghuteuna mare ginauna theome tangomana nate salofodu thina nei glose teu ka pesigna gringni thina igne te mala fada mei lamna na.

Profet Jeremaea 32:24

“Gognarona maedi Babilonia igre la mei kegra faligohoni namono biꞌo Jerusalem. Mare salo mei thina nei glose eghu pari ka pesigna baragna namono na mala tangomana mare te apla te ruma lamna te mala magra athini namono biꞌo igne. Ka magra igne, ghehati kmoꞌe ka gano, eghuteuna fogra biꞌo thoke ghami ghehati. Eghuteuna maedi Babilonia igre ginauna atha namono biꞌo Jerusalem. Uve, Lord, unha teke chekeni iagho ia la thoke mei tutuani gognarona.

Luku 19:43

Tutuani, narane nate mei nomi naoka ghotilo re na mei magra. Eghuteuna mare ginauna mei kegra falithui ghami ghotilo, eghuteuna mare na fothi ghami ghotilo mala theome tangomana kaisei naikno te rikha na.

Profet Esikiel 4:2

Horo kopi ikoi ka nafnata glepo mala magra te edi hatimare mae naokare ranghini namono igne. Horo keha kopi ikodi ka thoa teke horo mare ka thaba ana mala fada soru ka gringni thina na. Pulei mei glose mala fafofodu ligoho ka gringni thina na mala apla haghe lamna namono. Horo kopi ikoi ka nodi suga tapuale mae naokare, eghuteuna jaola horo gaju ikoi jateula kopi ikoi eghu ka thaba biꞌo tangomana te edi mae naoka te mala paꞌe soru gringni thina nei grengathagna namono gne eghu.

Profet Jeremaea 33:4

Igne unha te chekeni Lord, nodi God maedi Israel eidi sugadi Jerusalem balu nogna suga king gna Juda. Mare paꞌe suga igre mala atha glepodi suga tuare mala eni famaku bara thina gna namono na, mala theome tangomana armi gna Babilonia igne apla te ruma lamna namono te magra na. Mana ne cheke eghu:

Profet Jeremaea 6:6

Lord mae ihei te au nolaghi fateote'o igne ne cheke eghu, “Ghotilo mae soldia ra kato soru gaju te au rhegna namono Jerusalem mala tothoghei balu thina nei glose eghu mala bligi mare te kegra te ruma lamna namono na. Ghotilo goigoni namono tuana, naugna naiknogna namono tuana ne faparidi fabrahu keha naiknore.

Profet Isaia 37:33

Mae profet Isaia ne cheke eghu, “Eghume, Lord ne cheke eghu eigna king gna Asiria: “King gna Asiria baludi nogna soldiare ginauna theome tangomana te ruma mei Jerusalem, eghuteuna mare theome tangomana te fada mei kaisei jata agne. Theo kaisei soldia balu greoreo nate mei namo ka namono biꞌo igne. Eghuteuna mare theome tangomana nate bubukrei thina nei glose teu ka pesigna bara igne te mala fada mei lamna na.

Fapea Kings 15:29

Ka narane tuare, King Tiglat-Pilesa gna Asiria mei ne magra Israel. Mana uluni magra igne ne hata namono igre: Ijon, Abel-Bet-Maka, Janoa, Kedes, Haso. Mana jaola ne uludi namono te au ka thilo nohi Gilead, Galili nei ka nohi Naftali, eghuteuna mana hata naiknore ne tei Asiria.

Ululahu Kings 15:20

Aonu King Ben-Hadad ne kaisei gaoghatho ka nogna cheke King Asa igne ne kurudi hatimare mae komanda balugna nogna armi na ne tei magra Israel. Ka magra igne, King Ben-Hadad ne uludi thilo namono igre, Ijon, Dan nei Abel-Bet-Maka, nei vido te namo ka Kholo Galili, nei ka nohi Naftali.

Fapea Samuel 20:14

Mae Joab ne tei salaꞌu ka nohi te au vikegna Israel igre. Aonu mare ne tei ka namono Abel-Bet-Maka, eghuteuna mae te au ka nohi igne ne kafe leghuni mana.

Eklesiasti 9:14

Kaisei namono ikoi te theome autagna kmana naikno. Nu kaisei king te nheta fara na mei magra ka namono igne. Mana na tei faligohoni namono igne, mana tarabana mala paꞌe soru bara thina gna namono igne mala ruma lamna.