Fapea Samuel 20:13 - Buka Blahi Ka Cheke Holo

¹³ Kate hata fadelei te gnafa mana thini gna mae Amasa na, mare leghuni mae Joab ne tei hironi mae Seba thugna mae Bikri.

Fapea Samuel 20:13 ပူးပေါင်းရင်းမြစ်များ

Nonomho Te Keli Teke Risoi Mae Mak 10:46

Mae Jisas nei nogna mae fanomhore eghu ne mei posa Jeriko. Kate jifla mare jare na, kmana naikno langau ne tei baludi mare. Aonu, kaisei mae te dofu, nanghagna na mae Batimeas, thugna mae Timeas. Mana gnokro koba rhegna nabrou na mala tore sileni ka naiknore.

Profet Jeremaea 31:21

“Ghotilo maemi Israel, ghotilo ghatho fakelini nabrou teke leghuni ghotilo kani teke jifla ghotilo ka thofno namonomi ia, eghuteuna ghotilo neke lilisei fagaglana ka nabrou na mala laseni aheva na teke pulo mei na. Ghotilo Israel, ghotilo mala ke pulo mei ka nomi namono igre.

Profet Isaia 62:10

Ghotilo naiknomi Jerusalem, ghotilo jifla mei mala tarabana kaisei nabrou biꞌo mala ke pulo mei naiknora, mare ginauna leghuni mei nabrou tuana. Ghotilo mala famane eni fakeli nabrou igne, eghuteuna ghotilo atha fadelei thina te gnafa te au ke lamnagna. Eghuteuna ghotilo mala lisei haghe kaisei flagi jateula kaisei fagaglana eghu mala filoni naikno te gnafa ka keha kantri igre.

Profet Isaia 36:2

King Senakerib au neu ka namono Lakis ne kuruni nogna komanda na mala tei Jerusalem balugna kmana soldia, ka namono aheva te au teu King Hesekaea. Mare mei ne au ka nabrou te mala tei ka vido aheva te mala titihi pohe na. Mare kegra neu rhegna khoꞌu te jifla mei ka kholo biꞌo ke holo na.

Profet Isaia 7:3

Lord ne cheke eghu ka iara, “Iagho hata balumu thumu Seajasub mala tei filoni King Ehas. Iagho ginauna filoni mana ka vido aheva te mala titihi pohe ka khoꞌu te soru mei funu ka kholo ke holo ia.

Proveb 16:17

Nogna nabrou naikno te keli na theome namo ka puhi te diꞌa na. Mae ihei te filo fakeli ka nabrou na, mana tangomana te fakarhini nakarhagna na.

Fapea Kings 18:17

King Senakerib au neu ka namono Lakis, aonu ne kuruni nogna mae komanda na, baludi keha phei mae biꞌo nei kmana mae soldia mala tei filoni King Hesekaea Jerusalem. Mare tei ne au ka nabrou te tei thoke ka vido te mala titihi pohe na. Mare kegra neu rhegna vido te jajaja soru khoꞌu ka kholo igne.

Ululahu Samuel 6:12

Gnafa teuna, phei buluka igre ne funu nolo, nu repa ne theome tei tafri. Repa leghuni nabrou na doglo ne tei Bet-Semes. Eghuteuna kate nolo te tei na, repa eha ne tei. Eghuteuna glima king di Filistia igre leghudi repa ne ghilei tei posa ka nohigna namono Bet-Semes.

Jajis 21:19

Aonu mare ne ghilei ghathoni leuleghu finogha na mare tei namono Saelo mala ei gaghamu mala ghatho tahuni Lord. Saelo gne au ke raru namono Betel, ke mata namono Lebona nei ke maghati gna nabrou te funu Betel te tei thoke namono Sekem igne.

Naba 20:19

Aonu maedi Israel ne cheke eghu, “Ghehati na leghuni kolho nabrou biꞌo na, eghuteuna jame te koꞌu, ba nomi gobi lepo te tautagu ghehati igre koꞌu ka seu ghotilo re, ghehati ginauna foli ka ghotilo. Ghehati magnahaghei tei salaꞌuni kolho nou vido iagho gne.”

Fapea Samuel 20:1

Ka narane igre, kaisei mae te diꞌa fara puhigna na au ka namono Gilgal. Mae igne nanghagna na, mae Seba thugna mae Bikri ka vikegna mae Benjamin. Mae Seba gne kufli, ne eha eghu ka maedi Israel, “Mae Devet gne theome vikeda tahati. Tahati theome vikegna thugna mae Jesi igne! Tahati te gnafa maeda Israel ra kafe figri ke pulo ka namonoda ra!”

Fapea Samuel 20:11

Kaisei nogna mae soldia mae Joab kegra rhegna thinigna mae Amasa na ne eha eghu, “Ghotilo mae te magnahaghedi mae Joab ghe mae Devet ra leghuni mae Joab!”

Fapea Samuel 20:14

Mae Joab ne tei salaꞌu ka nohi te au vikegna Israel igre. Aonu mare ne tei ka namono Abel-Bet-Maka, eghuteuna mae te au ka nohi igne ne kafe leghuni mana.