Fapea Samuel 20:1 - Buka Blahi Ka Cheke Holo

¹ Ka narane igre, kaisei mae te diꞌa fara puhigna na au ka namono Gilgal. Mae igne nanghagna na, mae Seba thugna mae Bikri ka vikegna mae Benjamin. Mae Seba gne kufli, ne eha eghu ka maedi Israel, “Mae Devet gne theome vikeda tahati. Tahati theome vikegna thugna mae Jesi igne! Tahati te gnafa maeda Israel ra kafe figri ke pulo ka namonoda ra!”

Fapea Samuel 20:1 ပူးပေါင်းရင်းမြစ်များ

Ululahu Kings 12:16

Nu kate filoni maedi Israel igre te theome fanomho king ka mare na, keha maere ne eha eghu fabiꞌo, “Mae Devet na theome noda tahati! Thugna mae Jesi igne theome noda tahati! Tahati te gnafa naiknoda Israel ra, tahati ke pulo ka namonoda ra! Lisa laodi mare mala reireghidi thedi!” Aonu maedi Israel igre neke kafe pulo ka namonodire.

Fapea Kronikols 10:16

Nu kate laseni maedi Israel gre filoni king te theome fanomho ka mare na, naiknore ne eha eghu fabiꞌo, “Devet na theome nomi ghehati! Thugna Jesi igne theome nomi ghehati! Tahati kafe naiknoda Israel, Tahati ke pulo ka namonoda ra! Lisa lao ka tharaknagna mae Devet mala fiofilo thedi!” Aonu naiknore neke pulo ka namonodi re.

Diutronomi 13:13

Glahu nomhidi ghotilo keha mae te diꞌa ka keha namono te au ghotilo tadi are batu fadelei ghami ghotilo cheke eghu, ‘Tahati ari mala tarai ka keha god teke theome laseni ghotilo tifa igne.’

Luku 19:27

Eghuteuna, nogu mae naoka iara te theome magnahaghei ghau iara te funei frunidire, hata mei agne mala falelehe ke ulugu iara.’ ”

Luku 19:14

“Nu naiknogna namono teke jifla kokoni mana igne ne theome magnahagheni mana. Aonu, mare ne kurudi keha mae ke leghugna mana mala tei cheke eghu, ‘Ghehati theome magnahaghei nigho te mala nomi king ghehati na!’

Proveb 26:21

Gaju na mala ngaja khaꞌaghi na. Eghuteuna mae te fapholai koba na, mae mala faꞌeiꞌei magra.

Proveb 25:8

Kate filoni iagho glepo te diꞌa na, iagho thosei faghose tei ka fate mala cheke fajiflani glepo igne. Glahu keha mae na chekeni ne jafra iagho teuna, eghuteuna iagho ginauna na mamaja nou.

Nodi Khoje Hatimare Mae Jiu 34:19

Kmana glepo te diꞌa thoke mei ka nogna naikno Lord re, nu Lord na toghodi mala theome tangomana glepo te diꞌa igre te tapla sorudire.

Nodi Khoje Hatimare Mae Jiu 17:13

God, mei sagho mala magra e tapla sorudi nogu naoka iara gre. Iagho hata nou naflahi na mala magra ka mare mala ke hata fapulo ghau ka khamedi mae te gnognoro gre.

Fapea Kronikols 10:6

Aonu King Rehoboam tei ne filodi hatimare mae biꞌo nogna advaesa mae kmagna mana tifa ra, mana ne ghusna eghu ka mare, “Ba, ghotilo au keha nomi gaoghatho te keli te mala cheke iara ka mare na?”

Fapea Samuel 23:6

Nu naikno te diꞌare jateula phono te mala koko kolho ra eghu. Theo kaisei naikno tangomana te habo ka khame kolho na.

Fapea Samuel 15:10

Nu mae Absalom kurudi keha mae mala hata tei nogna cheke mana igre ka vike te gnafadi Israel. Nogna cheke mana igre, “Kate nomhini ghotilo naoglagna khufli na, ghotilo eha eghu fabiꞌo, ‘Mae Absalom na la kegra king Hebron!’ ”

Ululahu Samuel 30:22

Nu keha mae teke tei balugna mae Devet te diꞌa puhidire nei ghamu nhoto teu igre ne cheke eghu, “Mae igre neke theome tei baluda tahati! Mare theo nodi nolaghi ka gobigna lepo teke tei atha tahatira! Te keli na mare atha khetodi nei thudi teu are kolho.”

Ululahu Samuel 2:12

Phei thugna mae Pris Eli igre theome mae pris keli, eghuteuna phiamare theome ghatho tahuni Lord.

Jajis 19:22

Kate ghamu glealeꞌa teu mare na, kaisei tothoghei mae te diꞌa ka namono igne falithuini suga na tutini grengatha na ne eha eghu, “Iagho hata mei mae te mei ka sugamu iagho agne ia, mala lalahu nomi ka mana.”

Jone 13:8

Mae Pita ne tirogna fara ne cheke eghu ka mae Jisas, “Lord, iagho theome tangomana te titihi ghahegu iara gre funu gognaro te haghe na.” Mae Jisas ne cheke eghu ka mana, “Uve, ghema Pita, te theome titihi iara ghahemu iagho re, iagho theome tangomana te kaisei mae nogu gloku iara na.”

Jenesis 46:21

Teke thugna nalhaꞌu mae Benjamin re nanghadire mae Bela nei mae Beka nei mae Asbel nei mae Gera nei mae Naman nei mae Ehi nei mae Ros nei mae Mupim nei mae Hupim nei mae At.

Ululahu Samuel 13:2

eghuteuna mana neke vavahi thilo thogha mae ka nogna armi na, eghuteuna mana neke kuru fapulodi kehare ka namono. Mana neke vavahi phei thogha soldia kolho te mala au balugna ka namono Mikmas, nei ka thogele Betel, eghuteuna kuru tei kaisei thogha soldia balugna mae Jonatan, mae thugna na Gibea ka nohi Benjamin.

Fapea Samuel 16:7

Mae Simei heta ghegna ne cheke fadiꞌani mae Devet, ne cheke eghu, “Tei nou delei! Iagho mae falehe naikno! Iagho mae diꞌa!

Fapea Samuel 18:17

Mare hata thinigna mae Absalom igne ne koko soru ke lamnagna kaisei khora. Aonu mare koko thina ke kligna ne tafru mana. Ka narane igne, hatimare mae soldia di Israel igre ne kafe rikha ne tei ka nodi namonore.

Fapea Samuel 20:2

Aonu maedi Israel igre nomhini cheke mana igne ne tei kokoni king Devet ne leghuni mae Seba. Nu maedi Juda igre ne au balugna king Devet. Mare jifla ka khoꞌu Jordan ne tei Jerusalem.

Fapea Samuel 20:22

Aonu naꞌa tei ka naikno gna namono igne ne cheke fajiflani nogna gaoghatho na. Mare leghuni nogna cheke naikno biꞌo igne ne tei kusu grara gna mae Seba. Eghuteuna mare hata phaꞌu gna mana igne ne haghe ka gringni gna namono na ne koko soru ka mae Joab. Aonu mae Joab kufli mala jifla mae soldiare mala ke figri mare ka king Jerusalem.

Ululahu Kings 21:10

Ghotilo hata mei phei mae mala vuavuha cheke, phei mae igre mala gnokro rhegna mana mala cheke faparini mana ke uludi hatimare mae biꞌo. Phiamare mala cheke chaghi eigna mana te cheke faparini God nei jaola cheke faparini king. Eghuteuna ghotilo hata fajiflani mana mala fada falehe ka thina.”

Thoutonu Eigna Rut 2:3

Aonu Rut ne tei ka nagare na. Naꞌa ne tei ke leghudi mae glokure ne salo phaꞌudi bali te lilisei faleghu teke tei mae glokure. Nu Rut theome laseni nagare igne te nogna nagare mae Boas, vikegna mae Elimelek teu na.

Fapea Samuel 16:11

Mae Devet jaola ne cheke eghu ka mae Abisae, nei ka hatimare mae biꞌo, “Mae thugu iara Absalom magnahaghei te falehe ghau iara, eghuteuna mae Simei vikegna mae Benjamin igne jaola magnahaghei te cheke fadiꞌa ghau iara! Ghotilo lisa lao mala lelheghu ka mana, glahula Lord snakreni mana mala cheke fadiꞌa ghau iara.

Nonomho Te Keli Teke Risoi Mae Mak 3:24

Filo si ghotilo, jame naiknogna kaisei namono magra fari thedi, namono tuana theome tangomana te au raugha.