Fapea Samuel 2:8 - Buka Blahi Ka Cheke Holo

⁸ Ka narane te lehe mae Sol ka armi gna Filistia igne, mae Abna thugna mae Ner, mae komanda ka nogna armi mae king Sol igne ne hata balugna mae Isboset thugna mae Sol igne ne tei kasa ka khoꞌu Jordan. Mare tei ne au ka namono Mahanaem.

Fapea Samuel 2:8 ပူးပေါင်းရင်းမြစ်များ

Ululahu Samuel 14:50

Khetogna mae Sol na, Ahinoam, thugna mae Ahimas. Eghuteuna mae komanda ka nogna armi mana na, mae Abna, thugna mae Na. Mae Na gne nebugna mae Sol.

Jenesis 32:2

Kate filodi mare na mana ne cheke eghu, “Igne nogna tothoghei soldia God!” Aonu mae Jekop ne kiloni namono igne Mahanaem. Nangha igne gaoghathogna na “Phei namono” eghu.

Ululahu Kronikols 9:39

Mae Ner na kmagna mae Kis, eghuteuna mae Kis na kmagna mae Sol. Mae Sol neke au fati thugna nalhaꞌu, mae Jonatan, mae Malkisua, mae Abinadab, nei mae Es-Baal.

Ululahu Kronikols 8:33

Mae Ner na kmagna mae Kis, eghuteuna mae Kis na kmagna mae Sol. Mae Sol neke au fati thugna nalhaꞌu, mae Jonatan, mae Malkisua, mae Abinadab, nei mae Es-Baal.

Ululahu Samuel 26:14

Mae Devet ne eha eghu fabiꞌo ka mae Abna nei ka nogna armi mae king, “Ghema Abna! Iagho nomhi ghau iara ba theo?” Mae Abna ne eha eghu fabiꞌo, “Iagho mae ihei te eha mei igne, iagho fadofrani king.”

Ululahu Samuel 17:55

Kate filoni mae Sol te tei magra mae Devet te faleheni mae Golia igne, mana ne ghusna ka mae Abna, mae komanda gna nogna armi na, “Abna, thugna mae ihei si mae majaghani ignea?” Mae Abna ne cheke eghu, “Iara cheke kate tutuani fara, iara theome laseni.”

Josua 21:38

Eghuteuna ka nogna vido Gad, mare khotodi fati namono baludi glose te au faligoho ka mala lilisei buluka, nei sipu nei nanigot. Ulu lahu na, namono igre Ramot jare Gilead, kaisei ka namono te mala poru igre, baludi Mahanaem,

Fapea Samuel 2:7

Eghume, ghotilo kegra heta fabrahu, thosei mhaghu. Tutuani, mae Sol nomi king ghotilo la lehehi. Eghuteuna naiknodi Juda igre neke vahi ghau iara mala nodi king mare.”

Fapea Samuel 2:29

Ka bongi igne, mae Abna ne jifla ka vido igne baludi nogna soldiare ne tei ka glogu Khoꞌu biꞌo Jordan. Eghuteuna ka keha narane na mare ne kasa ka keha phile khoꞌu na. Mare nolo narane thongana igne ne tei thoke Mahanaem.

Fapea Samuel 3:6

Kate theome gnafa magra igne fari hoteidi naikno te leghuni king Sol, nei mae te leghuni mae king Devet teu igre, mae Abna ne kaisei nodi lida rheta mae te leghuni mae Sol igre.

Fapea Samuel 17:24

Aonu King Devet nei mae te balugna mana re eghu la tei posahi ka namono Mahanaem. Ka narane tuare mae Absalom ne hata armigna Israel na ne batudi ne tei kasa ka Khoꞌu biꞌo Jordan.

Ululahu Kronikols 12:29

Ka vikegna mae Benjamin, mare au thilo thogha soldia, tifa na mare neke ghatho tahuni King Sol.

Jenesis 32:3

Mae Jekop ne kurudi keha mae mala kulu tei ka kantri Seia, keha nanghagna na Idom, mala hata cheke tei ka mae Iso, mae ke biꞌogna na.

Fapea Samuel 3:38

Eghuteuna mae Devet ne cheke eghu ka nogna mae funeire, “Ghotilo laseni kaisei noda mae lida biꞌo tahati la lehe agne Israel.

Ululahu Kronikols 12:30

Ka vikegna mae Efrem, mare au varadaki thogha, nhana gobi soldia te nheta tulao, eghuteuna naikno te gnafa ka vikedi mare na ghatho tahudi mae igre.