Fapea Samuel 2:7 - Buka Blahi Ka Cheke Holo

⁷ Eghume, ghotilo kegra heta fabrahu, thosei mhaghu. Tutuani, mae Sol nomi king ghotilo la lehehi. Eghuteuna naiknodi Juda igre neke vahi ghau iara mala nodi king mare.”

Fapea Samuel 2:7 ပူးပေါင်းရင်းမြစ်များ

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Fapea Samuel 10:12

Iagho thosei mhaghu! Iagho magra heta mala fakarhidi noda naiknora, nei nogna namono God ra. Lord ginauna eni unha te magnahagheni mana na.”

Ululahu Samuel 31:12

ne jifla bongiro ne tei atha thinigna mae Sol na baludi thinidi thilo mae thugna mana re Bet-San. Mare pala thinidi fati mae igre neke pulo Jabes ne gnubra jare.

Ululahu Samuel 31:7

Naiknodi Israel te au ka keha phile glogu Jesrel, nei ke maghati khoꞌu Jordan teu igre ne nomhini te rikha armi gna Israel na, eghuteuna mae Sol baludi thilo mae thugna re te kafe lehe ka magra igne. Aonu mare mhaghu nodi fara ne rikha ne jifla ka nodi namono re. Mae Filistia igre mei ne atha nodi namono mare igre.

Ululahu Samuel 4:9

Tahati mala kegra heta! Jame te theo na, tahati ginauna mala nodi naikno sneka mae Hibru kolho, jateula mare teke noda naikno sneka tahati tifa ra eghu. Uve, tahati nalhaꞌu sia! Gognarona tahati mala magra heta!”

Jenesis 15:1

Ke leghudi te edi glepo igre, Lord ne cheke eghu ka mae Ebram ka mifi na, “Ghema Ebram, thosei mhaghu. Iara jateula kaisei nou greoreo eghu iagho mala pophoru nigho, nei iara tangomana te reireghi fakeli nigho iagho. Iara ginauna na tusu ari glepo te keli ka iagho naugna iagho ne namha ghau iara.”

Ululahu Korin 16:13

Reireghi fakeli ghami themi, brana ka nomi fatutuani na, thosei mhaghu, nei au heta fabrahu ka gaoghathomire.

Fapea Samuel 2:6

Eghuteuna gognarona, Lord ginauna reireghi fakeli ghami ghotilo, eghuteuna mana ginauna au fabrahu balumi ghotilo. Eghuteuna na jaola na keli ranghi ghami ghotilo tughugna puhi te keli teke eni ghotilo ranghini King Sol.

Fapea Samuel 2:8

Ka narane te lehe mae Sol ka armi gna Filistia igne, mae Abna thugna mae Ner, mae komanda ka nogna armi mae king Sol igne ne hata balugna mae Isboset thugna mae Sol igne ne tei kasa ka khoꞌu Jordan. Mare tei ne au ka namono Mahanaem.

Nehemaea 2:18

Eghuteuna iara chekeni ka mare eigna God te togho ghau fara iara na, baludi cheke te edi king ka iara re. Aonu mare ne cheke eghu, “Tahati mala fufunu gloku igne!” Eghuteuna mare tarabana mala fufunu gloku igne.

Fapea Samuel 5:3

Aonu mae biꞌo te gnafa Israel igre ne kafe mei ka King Devet Hebron. Mana ne eni kaisei nhaꞌa cheke baludi mare ke ulugna Lord. Mare ne kaisei nodi gaoghatho ngala te mala king mae Devet ranghidi te gnafa na. Aonu mare ne tofa oel ka phaꞌugna mana na mala king gna Israel.

Fapea Kings 11:12

Aonu mae Jehoeada ne batuni mae Joas ne jifla mei ka Sugablahi na ne lisei lao khepi nafnakno na ka phaꞌugna mana na. Eghuteuna tusu lao ka mana kaisei buka vetula te mala leghuni hatimare mae king, eghuteuna tofa oel ka phaꞌugna mana na. Eghuteuna chekeni ka naiknore te mana ngala te king gognarona. Aonu naiknore ne proaprosa ne eha eghu fabiꞌo, “Iagho king fabrahu!”