Fapea Samuel 2:5 - Buka Blahi Ka Cheke Holo5 Aonu mana ne kurudi keha mae mala tei cheke eghu ka mare, “Lord ginauna fablahi ghami ghotilo, naugna ghotilo ne giugiluni thinigna king Sol. Ka puhi igne, ghotilo falalase ghami themi te ghatho tahuni nomi king na. အခန်းကိုကြည့်ပါ။ |
Fapea Samuel 2:5
16 ပူးပေါင်းရင်းမြစ်များ
Naomi ne cheke eghu, “Tutuani fara, Lord na fablahini mae igne! Lord na thofno keli fara ranghi ghita, eghuteuna mana theome ghatho ihoni nogna nhaꞌa cheke teke eni mana ka iheire tela lehehira nei ka iheire te karha nga teu gre eghu.” Naomi ne cheke eghui, “Uve, thau igne kaisei vike ngala ka thau teke tolaghi iara tagna ulu lahu ia. Eghume jame mana meu ngala jame te gijagna te mala reireghi ghita tapa na eghu.”
Mae Boas nomhidi nogna cheke Rut igre ne cheke eghu ka naꞌa, “God te fablahi nigho, thuguo, naugna puhi te eni iagho igne tei la salaꞌuni fara unha teke eni iagho ranghini nanghomu Naomi ia. Eghume, iara thofno jaglo nogu fara te tirou hironi iagho kaisei mae te majaghani te thofno dedei ba mae majaghani te kuma, nu iagho na theome gaoghatho te mala tolaghi ka nafnata mae majaghani igre na.
Naomi ne cheke eghu ka Opa ghe Rut, “Jame te keli na ghopa ke figri ka namono mala ke au keu ka kmami, idomi nei vikemi teure. Iara na toreni God mala falalase ranghi ghami nogna namha na, jateula te eni ghopa te namha ghau iara gne eghu. Phei thugu nalhaꞌu iara ra la lehehi eghu ra. Eghuteuna ghopa neke jaola neke keli ranghidi phei thugu nalhaꞌu iara ra.
Nu mae Ebram ne cheke eghu ka mae king gna Sodom na, “Lord, God te fnakno fara, mae ihei teke vuavuhadi maloa ghe nauthoglu gre, iara nhaꞌa cheke ka nanghagna mana, iara theome tangomana te tathaji kaisei nou glepo iagho malagu thegu na tulao kaisei glepo ikoi fara jateula naglaja mala susuki ba gnarho mala famamhaku sadol. Thono theo fara. Ka puhi igne iagho theome tangomana te cheke eghu na, ‘Ka iara neke dedei fara nga si mae Ebram gnea teuna.’
Aonu phei mae igre ne cheke eghu ka naꞌa, “Snakreni Lord mala falehe ghami ghepa jame te theome leghuni ghepa nhaꞌa cheke igne. Eghuteuna jame te theome chekeni iagho ka ihei nga eigna glepo te eni ghepa igne na, ghepa ginauna na theome eni kaisei glepo te diꞌa ka ghotilo. Eghuteuna kate snakreni Lord kantri igne ka ghehati na, ghehati ginauna keli ranghi nigho iagho baludi iheire fateo ka tharaknamu iagho igne.”
Ka narane tuana, King Nahas gna kantri Amon ne haghe balu nogna soldia ka nohi Gilead, aonu mare mei ne kegra faligohoni namono Jabes tarabana mala magra. Nu naiknogna namono igne ne cheke eghu ka King Nahas, “Ghehati magnahaghei ghita tahati te eni kaisei nhaꞌa cheke gognarogne, jame te theome mei ghotilo te magra balumi ghehati na, ghehati ginauna snakre ghami ghotilo mala funei fruni ghami ghehati.”
Ghotilo mei au katha vido kmoꞌei kolho agne balugu iara. Theome doglo iara te hata ghami ghotilo te tei tafri balugu iara na. Naugna iara theome laseni ka vido aheva nate tei au iara na. Te keli na iagho hata mae kheramu igre mala ke kafe pulo. Iara toreni Lord mala fablahi ghami nei reireghi fakeli ghami eghu.”
mana tei Jabes Gilead neke hata fapulo nhubradi king Sol ghe mae Jonatan. Nhubradi phei mae igre au jare, naugna naiknodi Jabes Gilead igre neke hata poru thinidi phei mae igre Bet-San tifa ka narane teke lehe king Sol Gilboa ka hatimare mae Filistia. Mare neke fagefe haghe thinidi mae king Sol ghe mae Jonatan igre fari hotei glalaba ka namono Bet-San.
ကြော်ငြာတွေ