Fapea Samuel 2:26 - Buka Blahi Ka Cheke Holo

²⁶ Aonu kate filodi phia mare na, mae Abna ne eha eghu tei ka mae Joab, “Ba, na magrau si tahati gnea? Filo sagho, nafnata puhi igne mala diꞌanagnafa kolho leghu lahu na. Tahati thabusigna kolho. Chekedi sagho nou mae soldiare mala thosei ngolhi ghami ghehati!”

Fapea Samuel 2:26 ပူးပေါင်းရင်းမြစ်များ

Profet Jeremaea 46:14

“Ghema Jeremaea, iagho tei Ijep mala toutonu ka thilo namono igre, Migdol, Memfis nei Tapanes. Iagho cheke eghu: ‘Tarabana mala magra. Naoka na ginauna mei aknu falehe naikno te au faligoho ghami ghotilo igre ka naflahi.’

Mae Khuru 7:26

Ka keha narane na, mae Moses neke filodi phei maedi Israel ne magra neu. Mana ne fariuriu salo fodudi phiamare ka namha mala thosei magra. Mana ne cheke eghu, ‘Sei, phia mae! Ghopa thabusigna sia, ba magra unha si ghopa ia?’

Profet Jeremaea 46:10

Nu neuba mare ne tarabana eghu ngau, tuana nogna narane mala fate Lord, mae ihei te au nolaghi fateote'o. Ka narane tuana, mana ginauna nake tughu fapulo glepo te diꞌa fateote'o teke edi mae naokara. Nogna naflahi biꞌo mala magra mana na ginauna na jateula nasava eghu ghamudi mare boho, nei koꞌu fahui dadaradi re eghu. Lord mae ihei te au nolaghi fateote'o igne ginauna goigonidi mare ke raru Khoꞌu biꞌo Iufretis, jateula kaisei fafara biꞌo te mala ei gaghamu te mala kafe ghamu naiknora eghu.

Profet Hosia 11:6

Uve, naugna te leghudi kolho mare gaoghathodi thedire, mae naokare ginauna mei goigoni nodi namono biꞌo mare na. Eghuteuna grengathagna nodi namono biꞌo mare igne ginauna groꞌe theo tokagna.

Profet Jeremaea 12:12

Mae naoka ginauna mei ke kligna thogele namono nagou mala goigoni gobigna lepo ka glose igne. Mae igre jateula nogu naflahi biꞌo iara Lord eghu, naugna iara teke kuru meidi re mala paradi naikno ka glose igne, eghuteuna theo kaisei naikno nate karha na.

Profet Jeremaea 4:21

Niha fata filoni si iara flagi magra ignea? Niha fata nomhini si iara naoglagna khufli ignea?

Profet Jeremaea 2:30

Iara neke para ghami ghotilo, naugna iara magnahaghei te fadoglodi puhimi ghotilore, nu ghotilo tiromi tughu puhimi te diꞌare. Eghuteuna ghotilo jateula lion te rofo ra neu ne falehedi koba nogu mae profet iara ra.

Profet Isaia 1:20

Nu jame te tiromi leghuni ghotilo nogu cheke iara igne te figri tagru ghau iara na, iara ginauna snakredi mae naokare mala mei falehe ghami ghotilo.” Iara Lord te chekeni igne!

Proveb 17:14

Fufunu gna faripholai na jateula khoꞌu te jifla mei ka khora ikoi ka baket ra eghu, fakhusuni ame khora biꞌo nga baket na nei ame biꞌo nga magra na eghu.

Nodi Khoje Hatimare Mae Jiu 4:2

Ghotilo naikno ra, niha fata ghotilo nate tapla faparini nanghagu iara na? Niha fata magnahagheidi fabrahu si ghotilo glepo te theo nafudi igrea? Niha fata leghudi si ghotilo puhi te chaichaghi igrea?

Thoutonu Eigna Mae Job 19:2

“Niha fata eghu ghotilo thilo mae igre te mala cheke te mala para ghau iara na?

Thoutonu Eigna Mae Job 18:2

“Niha nau ame gnafa nga iagho cheke igne? Jame te roi lalase te cheke iagho na, ghehati ginauna tangomana te cheke fakeli balumu iagho na.

Fapea Samuel 11:25

Aonu mae Devet nomhini igne ne cheke eghu ka mana, “Iagho ke figri ka mae Joab mala tusu lao ka mana cheke igne mala tako hagheni nagnafagna mana na, ‘Joab, iagho thosei diꞌanagnafa eigna igne, naugna tahati theome laseni ihei nate lehe ka magra na. Iagho magra hetau ghilei hata namono biꞌo tuana.’ ”

Fapea Samuel 2:16

Mare te gnafa na ne kafe loku famaku ka phaꞌudi keha mae soldiare. Eghuteuna mare eni igne balu naflahi mala vahedi keha maere. Aonu varadaki fati mae khoko soru pari ne lehe. Naugna igne, mare kiloni vido igne, “Sare naflahi.”

Fapea Samuel 2:14

Mae Abna ne cheke eghu ka mae Joab, “Snakre mei keha mae majaghani ka ghotilo mala mei magra baludi mae majaghani ghehati igre.” Mae Joab ne cheke eghu ka mana, “Keliu kolho.”

Fapea Samuel 2:25

Eghuteuna phia mare tei ne filodi hatimare mae Benjamin. Mare tarabana mala magra kegra faligohoni neu mae Abna ka thogele ikoi na jare.

Fapea Samuel 2:27

Mae Joab ne cheke eghu, “Ka nanghagna God mae ihei te karha te tifa, iara cheke kate tutuani ka iagho. Jame theome eni iagho cheke igne na, nogu mae soldia iara igre jame ari ngolhi ghami ghotilo ghilei hamerane nathuꞌu.”