Fapea Samuel 2:18 - Buka Blahi Ka Cheke Holo

¹⁸ Thilo thugna Seruia igre jaola ne au ka magra igne. Mae Joab, mae Abisae, nei mae Asahel. Mae Asahel gne kaisei mae lase chari fara jateula deer eghu.

Fapea Samuel 2:18 ပူးပေါင်းရင်းမြစ်များ

Ululahu Kronikols 12:8

Eghuteuna keha mae ka vikegna mae Gad mei ne loku fodu ka nogna soldia mae Devet kate poru teu mare ka namono nagou na. Mae igre thofno mae soldia nheta fara, eghuteuna mare laseni fara lokugna greoreo nei goru teu ka magra na. Naiknore mhaghu nodi fara kate filodi mare na jateula te mhaghu fara kate filoni lion ia eghu. Eghuteuna mare lase chari fara.

Profet Habaku 3:19

God, nogu Lord iagho ginau tusu mei narheta ka iara. Iagho ginauna farerheta ghahegu iara gre mala rheta jateu ghahe glepo te kiloi diꞌa igne eghu mala theome tangomana iara te uka na kate tei iara ka thabafe ba ka vido aheva te ninhigrana.

Famane Khoje 8:14

Kheraguo, Faghose mei ka iara! Iagho faghose mei jateula kaisei glepo tautagu te chari faghose fara ka thogele te au gaju te khakladi re famane sisiri fara!

Famane Khoje 2:17

Kheraguo, kate ghaghafa mei nuri hamerane te reka na narane na funu thakle haghe, iagho faghose tei jateula glepo tautagu gasele, eghuteuna umhu tei jateula sua diꞌa ka thogele nei glogu.

Nodi Khoje Hatimare Mae Jiu 18:33

Mana fahetadi phei gahegu iara gre mala maku jateula ghahe nanigot eghu. Eghuteuna nogu naoka iara gre na filo ghau iara te theome uka iara kate tei ka phegu te ninhigrana na.

Profet Emos 2:14

Ka narane igne, mae te lase chari ra, ginauna theome tangomana te rikha na. Mae te nhetara ginauna nigra theome tangomana te fakarhidi thedi na.

Eklesiasti 9:11

Keha glepo te filoni iara ka nauthoglu na igne, keha fata mae te lase chari na theome uluni fangenghele na, keha fata mae te nheta na theome uluni magra na, keha fata mae te lalase na theome autagna nakarha te keli na, keha fata mae te ghaoghatho fakeli na theome dedei, keha fata mae te lalase fara na theome fnakno nanghagna na, naugna glepo te diꞌa na kafe thoke ghita hui.

Ululahu Kronikols 11:26

Igre nanghadi nogna soldia mae Devet te nheta fara re: Mae Asahel, thabusigna mae Joab. Mae Elhanan, thugna mae Dodo, maegna ka namono Betlehem.

Fapea Samuel 1:23

Naiknore neke keli tadi fara ka mae Sol ghe mae Jonatan. Phiamare neke kaisei loku fodu fabrahu neke ghilei thokeni narane glehedina. Phei mae igre theidire flalo jateula gaghata, ba rheta jateula lion.

Ululahu Samuel 26:6

Mae Devet ne ghusnadi mae Ahimelek maegna Het, ghe mae Abisae thugna mae Seruia thabusigna mae Joab, “Mae ihei ka ghopa nate mei balugu iara te mala ruma lamna ka vido te au teu mae Sol na?” Mae Abisae ne cheke eghu, “Iara na ari balumu iagho.”

Fapea Samuel 2:19

Aonu kate rikha mae Israel igre, mae Asahel ne funu ngolho leghuni mae Abna ne chari doglo ne tei ke leghugna mana.

Fapea Samuel 22:34

Mana taji fakeli ghau iara, mala theome uka iara, jateula deer te lase chari, ka thabafe te ninhigrana ra eghu iara.

Fapea Samuel 23:24

Igre nanghadi tolufulu mae soldiare: Mae Asahel thabusigna mae Joab; mae Elhanan thugna mae Dodo, maegna Betlehem;

Ululahu Kings 2:5

“Eghuteuna keha glepo na igne. Iagho laseni unha teke eni ranghi ghau iara mae Joab, thugna Seruia tifa ia. Mana neke aknu falehe phei mae komanda ka armi gna Israel: mae Abna thugna mae Ner ghe mae Amasa thugna mae Jeta. Mana theome aknu falehedi phiamare ka magra, nu mana neke eni igne ka vido pharikeli kolho. Mana lilisei dadaradi phiamae igre ka nogna nhugha nei sadol teure. Eghume, mae igne nabagna te au papara.

Fapea Samuel 14:1

Aonu mae Joab laseni mae king Devet te magnahaghei filoni mae thugna, Absalom.

Ululahu Kronikols 12:9

Igre nanghadi nogna soldia mae Gad re: Mae Esa nodi lida ululahu mare na. Fapea na, mae Obadaea. Fatilo na, mae Eliab.

Ululahu Kronikols 27:7

Ka fafati nhigra na, mae Asahel thabusigna mae Joab, mana ne batuni fafati tothoghei na. Eghuteuna ke leghu na, thugna mana mae Sebadaea mana neke tughuni mae kmagna na neke batudi varadaki fati soldia te au ka tothoghei igne.