Fapea Samuel 2:16 - Buka Blahi Ka Cheke Holo

¹⁶ Mare te gnafa na ne kafe loku famaku ka phaꞌudi keha mae soldiare. Eghuteuna mare eni igne balu naflahi mala vahedi keha maere. Aonu varadaki fati mae khoko soru pari ne lehe. Naugna igne, mare kiloni vido igne, “Sare naflahi.”

Fapea Samuel 2:16 ပူးပေါင်းရင်းမြစ်များ

Fapea Samuel 2:14

Mae Abna ne cheke eghu ka mae Joab, “Snakre mei keha mae majaghani ka ghotilo mala mei magra baludi mae majaghani ghehati igre.” Mae Joab ne cheke eghu ka mana, “Keliu kolho.”

Fapea Samuel 2:15

Aonu mare ne kaha nabotho phei mae soldia ka vikegna mae Benjamin mala magra nabotho phei nogna soldia mae king Devet.

Fapea Samuel 2:17

Ka narane igne mare ne eni kaisei magra biꞌo. Eghuteuna nogna soldia mae Devet igre ne uluni mae Abna nei hatimare mae Israel.

Josua 19:25

Nodi rijon mare igne au keha namono lamna ka nodi rijon mare igne na Helkat, nei Hali, nei Beten, nei Aksaf,

Fapea Samuel 2:26

Aonu kate filodi phia mare na, mae Abna ne eha eghu tei ka mae Joab, “Ba, na magrau si tahati gnea? Filo sagho, nafnata puhi igne mala diꞌanagnafa kolho leghu lahu na. Tahati thabusigna kolho. Chekedi sagho nou mae soldiare mala thosei ngolhi ghami ghehati!”

Ululahu Kings 20:20

Mare ne aknu falehe ne hui soldia di Siria teke tarabana mala mei magra ka mare teku ra. Aonu hatimare mae soldia di Siria ra mhaghu ne rikha, nu mae soldia di Israel ra ne tei ke leghudi mare. Nu King Ben-Hadad ne tei ka nogna hose na ne rikha baludi keha nogna soldia te saghe ka hose.

Mae Khuru 1:19

Naikno te gnafa Jerusalem nomhini unha te eni mae Judas igne, ne kiloni vido glose tuana ka nodi cheke thedi na, “Akeldama”, gaoghathogna na “U vido dadara”.