Fapea Samuel 2:14 - Buka Blahi Ka Cheke Holo

¹⁴ Mae Abna ne cheke eghu ka mae Joab, “Snakre mei keha mae majaghani ka ghotilo mala mei magra baludi mae majaghani ghehati igre.” Mae Joab ne cheke eghu ka mana, “Keliu kolho.”

Fapea Samuel 2:14 ပူးပေါင်းရင်းမြစ်များ

Fapea Samuel 2:17

Ka narane igne mare ne eni kaisei magra biꞌo. Eghuteuna nogna soldia mae Devet igre ne uluni mae Abna nei hatimare mae Israel.

Proveb 25:8

Kate filoni iagho glepo te diꞌa na, iagho thosei faghose tei ka fate mala cheke fajiflani glepo igne. Glahu keha mae na chekeni ne jafra iagho teuna, eghuteuna iagho ginauna na mamaja nou.

Proveb 20:18

Kulu hata gaoghatho te keli ka keha naiknore, eghuteuna nou gloku iagho na ginauna keli fara. Jame te magnahaghei te tei magridi mae naokare teuna, iagho kulu hata ghaoghatho fakeli.

Proveb 17:14

Fufunu gna faripholai na jateula khoꞌu te jifla mei ka khora ikoi ka baket ra eghu, fakhusuni ame khora biꞌo nga baket na nei ame biꞌo nga magra na eghu.

Proveb 10:23

Naikno te theome autagna gaoghatho te keli na, keli tagna te eni puhi te diꞌa na. Nu naikno te autagna gaoghatho te keli na, mana kelitagna te eni puhi te keli nei doglo teuna.

Fapea Samuel 2:15

Aonu mare ne kaha nabotho phei mae soldia ka vikegna mae Benjamin mala magra nabotho phei nogna soldia mae king Devet.

Fapea Samuel 2:16

Mare te gnafa na ne kafe loku famaku ka phaꞌudi keha mae soldiare. Eghuteuna mare eni igne balu naflahi mala vahedi keha maere. Aonu varadaki fati mae khoko soru pari ne lehe. Naugna igne, mare kiloni vido igne, “Sare naflahi.”

Fapea Kings 14:8

Aonu mae Amasaea ne kuru tei keha mae mala tei filoni mae Jehoas king gna Israel mala magra ka mana.