Fapea Samuel 2:1 - Buka Blahi Ka Cheke Holo

¹ Ke leghugna te lehehi mae Sol ghe mae Jonatan igne, mae Devet ne tarai eghu ka Lord, “Lord, iara tangomana te tei au ka kaisei namono jare Juda na, ba theo?” Lord ne cheke eghu, “Uve, iagho tangomana te tei na.” Aonu mae Devet ne cheke eghu ka Lord, “Ka namono aheva nate tei au iara na?” Lord ne cheke eghu ka mana, “Iagho tei au ka namono Hebron.”

Fapea Samuel 2:1 ပူးပေါင်းရင်းမြစ်များ

Ululahu Samuel 30:31

nei Hebron. Eghuteuna mana jaola fatei namha ka hatimare mae mala baubatu ka keha namono teke au balugna mana tifa ra.

Ululahu Samuel 23:2

Aonu mae Devet ne tarai eghu ka Lord, “Ba? Keliu kolho te tei magra iara ka mae Filistia igre, ba theo?” Lord ne cheke eghu, “Uve, tei sagho magra ka mare mala fakarhini namono Keila.”

Ululahu Samuel 23:4

Mae Devet neke fapea tarai ka Lord, aonu Lord ne cheke eghu ka mana, “Ghotilo tei Keila. Iara ginauna togho ghami ghotilo mala tapla faparidi ghotilo soldiadi Filistia tuare.”

Jenesis 32:2

Kate filodi mare na mana ne cheke eghu, “Igne nogna tothoghei soldia God!” Aonu mae Jekop ne kiloni namono igne Mahanaem. Nangha igne gaoghathogna na “Phei namono” eghu.

Profet Esikiel 36:37

Lord God neke cheke eghu, “Iara ginauna snakredi naiknodi Israel ra mala tore ka iara mala toghodi. Eghuteuna iara ginauna toghodi mare mala kmana nei vuragha eghu jateula kaisei bukrei sipu eghu.

Nodi Khoje Hatimare Mae Jiu 143:8

Ka hamerane di gre cheke mei sagho mala ghathoni iara nou namha biꞌo iagho na, naugna iagho ngala te rouronu nigho iara na. Leuleghu fata ngala iara te tarai ari ka iagho na. Falalase mei sagho ranghi ghau iara u nabrou te mala leghuni iara na.

Nodi Khoje Hatimare Mae Jiu 27:4

Iara la torenihi kaisei glepo ka Lord, kaisei glepo kolho te magnahagheini fara iara na. Iara magnahaghei te au fabrahu ka sugagna Lord na mala filoni nei ghaoghathoni eghu puhigna Lord te thofno keli fara na. Eghuteuna iara magnahaghei te toreni mana mala falalaseni tagu u nabrou te keli na.

Ululahu Kronikols 29:7

Mare ne tusu lao glepo igre te mala horogna nogna Sugablahi God na. Kaisei gobi fitusalei thogha kilo ka gol, eghuteuna nabotho thogha gol sileni, eghuteuna thilo gobi phiatutu glima thogha kilo ka silva, eghuteuna namno gobi nabotho thogha kilo ka bras, eghuteuna thilo mola fati gobi glimafulu thogha kilo ka aean.

Ululahu Kings 2:11

Mana neke funei fruni Israel phiatutu finogha. Fitu finogha Hebron, eghuteuna tolufulu thilo finogha Jerusalem.

Fapea Samuel 15:7

Ke leghu fati finogha, mae Absalom ne cheke eghu ka mae king Devet, “King, snakre ghau iara mala ke pulo Hebron. Iara magnahaghei te fatothoke nogu nhaꞌa cheke teke eni iara ka Lord.

Fapea Samuel 5:23

Eghuteuna kate ghusna mae Devet ka Lord na, Lord ne cheke eghu ka mana, “Kate tei ghotilo te magra ka mare na, ghotilo thosei doglo tei ka mare. Nu ghotilo lithui ke leghu mala magra ka mare rhedi gaju balsam are.

Fapea Samuel 5:19

Aonu mae Devet ne ghusnani Lord, ne cheke eghu, “Lord, iara tangomana te tei magra ka maedi Filistia igre, ba theo? Jame te tei iara na, iagho tangomana nate togho ghau iara na, ba theo?” Lord ne cheke eghu, “Uve, tei sagho magra ka mare! Iara ginauna togho nigho iagho.”

Fapea Samuel 2:11

Mae Devet ne au soru ka namono Hebron ne funei frunidi naiknodi Juda nabagna fitu finogha namno nhigra.

Jajis 1:1

Ke leghugna te lehe mae Josua na, naiknodi Israel igre ne ghusna eghu ka Lord, “Vikegna ihei gne nate kulu tei magra ka naiknodi Kenan igre?”

Naba 27:21

Eghuteuna mana mala lelheghu kolho ka mae pris Eleasa mala tangomana mana te lasedi gaoghathogu iara re. Mae pris igne ginauna eni ka nafnata thina te kiloni Urim nei Thumim mala lalahu khale ke ulugu iara Lord, mala lasedi gobigna lepo te magnahaghedi iara re. Eghume ka puhi igne, iara ginauna batuni mana baludi naiknodi Israel gre ka gobigna lepo te edi mare re.”

Naba 13:22

Ulu lahu na mare doglo ne tei mala filoni keha phile vido glose ke raru na ne ghilei thoke Hebron te au mae Ahiman, mae Sesae, nei mae Talmae. Naikno te au Hebron gre jifla mei ka tharakna gna mae Anak. Eghuteuna namono biꞌo Hebron gne neke eni haghe fitu finogha ke ulugna namono Soan jare Ijep.

Jenesis 13:18

Aonu mae Ebram ne jifla ka vido igne ne tei au ka namono Hebron. Jare mana ne hohoro haghe nogna suga tapuale na rhegna gaju biꞌo Mamre. Aonu mana ne hohoro nogna olta Lord na jare.

Josua 15:13

Mae Josua ne eni unha teke chekeni Lord ka mana na. Mana ne snakre lao keha nogna vido glose mae Juda ka vikegna mae Kelab. Mae Josua ne snakre lao namono Hebron igne, tifa na mare neke kiloni Kiriat-Aba, gaoghathogna na, “Nogna Namono mae Aba,” eghuteuna Aba gne gragna mae Anak tifa.

Ululahu Samuel 10:22

Aonu mare ne tarai eghu ka Lord, “Lord, au aheva si mana gnea?” Eghuteuna Lord ne falalase ne cheke eghu, “Mae Sol na tei poru delei, ka nomi glepo ghotilo ra.”