Fapea Samuel 19:43 - Buka Blahi Ka Cheke Holo

⁴³ Eghuteuna maedi Israel igre ne cheke eghu, “Uve, tutuani fara, king igne mae kherami ghotilo, nu ghehati au nomi nolaghi ke tulaomi ghotiloi. Ghehati nabotho vike, nu ghotilo kaisei vike kolho. Eghume king igne nomi ghehati nabotho fata salaꞌuni puhi te nomi themi teu ghotilo igne. Ghaoghatho fakelini si ghotilo. Ghehati ngala teke kulu ghathoni mala ke hata fapuloni mana tekuna!” Nu maedi Juda igre ne cheke faparidi fara maedi Israel gre.

Fapea Samuel 19:43 ပူးပေါင်းရင်းမြစ်များ

Galesia 5:20

tufru soru ka mumuju, neilehe, majora, fapholai, goghotu, faheaheta, fabiꞌobiꞌo, famamagra, fafoafota,

Fapea Samuel 5:1

Hatimare mae biꞌo ka vike te gnafa Israel igre ne tei ka mae Devet Hebron ne cheke eghu ka mana, “Filo sagho, ghehati gne thabusimu iagho ngala.

Jemes 1:20

Naugna ihei te diꞌatagna na, mana theome tangomana te eni unha te doglo ke ulugna God na.

Filipae 2:3

Eghuteuna ghotilo thosei ghatho ghami themi ba fahaehaghe eidi unha glepo keli te edi ghotilo re. Nu nhaꞌa fapari ghami themi, eghuteuna ghatho tahudi keha naiknore.

Galesia 5:26

Thosei fahaehaghe ghita theda, thosei eꞌei puhi ranghini ihei nei thosei goghotu fari theda.

Galesia 5:15

Nu jame diꞌatami fabrahu nei magra teu ghotilo fari themi na, fiofilo ghami, na eghunu roꞌe fahui ghami themi ghotilo ginauna eghu.

Letas Teke Riso Tei Mae Pol Ka Khiloau Rom 12:21

Thosei snakreni puhi te diꞌa na mala tapla fapari ghami, nu tapla faparini unha te diꞌa na kate eni unha te keli na.

Proveb 18:19

Ninhigrana fara te tei namo ka mae thabusigna te diꞌatagna ka iagho na, naugna mana jateula namono biꞌo te bara te lithui ka thina ra eghu. Nogna fapholai mana igne jateula grengatha aean te loki mare ra eghu.

Proveb 17:14

Fufunu gna faripholai na jateula khoꞌu te jifla mei ka khora ikoi ka baket ra eghu, fakhusuni ame khora biꞌo nga baket na nei ame biꞌo nga magra na eghu.

Proveb 15:1

Thoghei famane cheke ka mae te thono diꞌatagna fara na, mana ginauna ke jemnu soru. Nu jame te cheke faheta fara iagho na, mana ginauna brana salaꞌui.

Proveb 13:10

Mae te fahaehaghe na, mae mala magra nei fapholai eghu. Nu mae te fanomho ka farirhiu na, mana mae glalase.

Ululahu Kings 12:16

Nu kate filoni maedi Israel igre te theome fanomho king ka mare na, keha maere ne eha eghu fabiꞌo, “Mae Devet na theome noda tahati! Thugna mae Jesi igne theome noda tahati! Tahati te gnafa naiknoda Israel ra, tahati ke pulo ka namonoda ra! Lisa laodi mare mala reireghidi thedi!” Aonu maedi Israel igre neke kafe pulo ka namonodire.

Fapea Samuel 20:6

Aonu mae Devet ne cheke eghu ka mae Abisae, “Mae Seba thugna mae Bikri igne ginauna ei puhi biꞌo fara ka tahati salaꞌuni unha teke eni mae Absalom ia. Iagho hata nogu mae soldia iara ra mala tei hironi mana. Glahu rikha tei mana ka kaisei namono te bara te maku ka thina.”

Fapea Samuel 20:1

Ka narane igre, kaisei mae te diꞌa fara puhigna na au ka namono Gilgal. Mae igne nanghagna na, mae Seba thugna mae Bikri ka vikegna mae Benjamin. Mae Seba gne kufli, ne eha eghu ka maedi Israel, “Mae Devet gne theome vikeda tahati. Tahati theome vikegna thugna mae Jesi igne! Tahati te gnafa maeda Israel ra kafe figri ke pulo ka namonoda ra!”

Fapea Samuel 19:14

Aonu nogna cheke mae Devet igre ne doglo ka gaoghathodi naiknodi Juda igre ne kaisei gaoghatho te mala toghoni mana na. Eghuteuna mare ne fatei cheke ka mana nei ka nogna naikno manare eghu mala ke pulo mei Jerusalem.

Fapea Samuel 19:9

Eghuteuna naikno te gnafa ka vike te gnafa Israel igre ne fapholai fari thedi. Kehare ne cheke eghu, “Gognarona king Devet ia la jiflahi ka kantri igne, naugna mana ne rikhani mae Absalom, nu mana neke fakarhi ghita ka naiknodi Filistia nei ka keha noda naoka tahati ra.

Jajis 9:23

God ne kuruni kaisei naitu ne faꞌeiꞌei puhi biꞌo farihoteigna Abimelek nei naiknodi Sekem, eghuteuna naiknodi Sekem ne magra ka funei igne.

Jajis 8:1

Soldia ka vikegna Efrem ne diꞌanagnafadi ne cheke eghu ka Gidion, “Naugna unha sagho te theome kilo mei ghami ghehati kate tei ghotilo te magra ka armigna Midian gnea? Naugna unha sagho te eghu ranghi ghami ghehati gnea?” Eghuteuna mare ne fapholai balugna mae Gidion.