Fapea Samuel 19:40 - Buka Blahi Ka Cheke Holo

⁴⁰ Aonu king Devet ne tei Gilgal. Eghuteuna mae Kimham ne tei balugna mana. Kate kasa king ka khoꞌu Jordan igne, maedi Juda nei keha maedi Israel eghu ne batuni mana.

Fapea Samuel 19:40 ပူးပေါင်းရင်းမြစ်များ

Matiu 21:9

Aonu kehare tei ke ulugna mae Jisas. Eghuteuna kehare mei ke leghugna mana. Mare kafe thagru, ne cheke eghu, “Hosanna! Kilo fnaknoni vikegna mae Devet!” “God fablahini mana te mei ka nanghagna Lord!” “Kilo fnaknoni God te au kligna!”

Jenesis 49:10

Naikno nate karha mei ka vikemu iagho re ginauna mala au fabrahu ka sapegna king na. Eghuteuna naikno te gnafa re ginauna leghuni mae funei ka vikemu iagho na.

Fapea Samuel 19:9

Eghuteuna naikno te gnafa ka vike te gnafa Israel igre ne fapholai fari thedi. Kehare ne cheke eghu, “Gognarona king Devet ia la jiflahi ka kantri igne, naugna mana ne rikhani mae Absalom, nu mana neke fakarhi ghita ka naiknodi Filistia nei ka keha noda naoka tahati ra.

Fapea Samuel 19:10

Tahati neke vahini mae Absalom mala funei fruni ghita neku, nu gognarona mare faleheni mana ka magra. Tahati jame hironi kaisei nabrou te keli mala ke pulo mei King Devet mala funei fruni ghita.”

Fapea Samuel 19:37

Iagho ginauna lisa ghau iara jare mala ke pulo lehe iara ka namonogu na rhegna bekudi kmagu nei idogu teku teke lehe tifa ra. Nu iagho tangomana te hata te tei balumu mae thugu iara mae Kimham igne. Eghuteuna unha glepo te magnahaghei eni iagho te mala toghoni mana na, iagho eni unha te magnahagheni iagho na.”