Fapea Samuel 19:32 - Buka Blahi Ka Cheke Holo

³² Mae Basilae gne thono kuekuꞌe fara, mana nhana salei finogha funu karhagna. Mana kaisei mae dedei fara. Kani au teku mae Devet ka namono Mahanaem igne na, mana hata gano mei koba ka mae Devet.

Fapea Samuel 19:32 ပူးပေါင်းရင်းမြစ်များ

Ululahu Samuel 25:2

Ka keha narane na, kaisei mae dedei ka vikegna mae Kelab, nanghagna na mae Nabal, maegna ka namono Maon. Mana au nogna glose rhegna namono Kamel. Mana au nogna thilo thogha sipu nei kaisei gobi nanigot. Khetogna mana na, nanghagna na, Abigel. Naꞌa kaisei thau glalase nei famane gaꞌase fara eghu. Nu mae Nabal gne kaisei mae ninhigrana, nei jaola kaisei mae ghosei diꞌatagna.

Proveb 16:31

Khakla te nufa na jateula nogna khepi nafnakno eghu mae biꞌo na. Mana tangomana te thokeni ka nakarha te doglo.

Thoutonu Eigna Mae Job 1:3

Mana au nogna fitu thogha sipu, nei thilo thogha kamel, nei kaisei thogha buluka, nei glima gobi dongki. Eghuteuna mana au nogna kmana mae gloku. Eghuteuna mana kaisei mae dedei fara salaꞌudi mae te gnafa ka rijon ke maghati.

Diutronomi 34:7

Mae Moses neke thokeni kaisei gobi varadaki finogha neke lehe nga. Mana nheta fabrahu, eghuteuna tathagnare jaola keli kolho.

Jenesis 47:28

Mae Jekop ne au jare Ijep nabotho fitu finogha. Eghuteuna funu karhagna na mana kaisei gobi phia tutu fitu finogha.

Jenesis 25:7

Mae Ebraham gne neke kaisei gobi fitu salei glima finoghagna.

Jenesis 9:29

Mae Noa karha neu ne thokeni nheva gobi glima fulu finogha neke lehe nga.

Jenesis 5:27

Aonu mae Metusela ne nheva gobi namno salei nheva finogha gna ne lehe nga.

Jenesis 50:26

Mae Josep ne lehe kate kaisei gobi nabotho finoghagna na. Hatimare ne lilisei meresin ka thinigna mana na mala theome boto nei siri eghu. Mare ne lilisei thinigna mana na ka bokis ne lilisei neu ka namono Ijep.

Fapea Samuel 19:33

King ne cheke eghu ka mana, “Iagho na ari balugu iara Jerusalem, eghuteuna iara ginauna reireghi nigho iagho.”

Fapea Kings 15:20

Mae Menahem huhurudi mae te dedei di Israel igre mala tusu lao sileni ka mana mala folini King Tiglat-Pilesa. Mare te gnafa na ne sopa falao namno gobi gram silva. Eghuteuna King Tiglat-Pilesa hata sileni igne neke pulo ka nogna kantri na.

Matiu 25:17

Ke jaola ngau mae teke hata phia duku na. Mana tei ne loku neke tangomana teke horo haghe keha phei duku sileni.