Fapea Samuel 19:19 - Buka Blahi Ka Cheke Holo

¹⁹ Eghuteuna mae Simei ne cheke eghu, “Nogu funei, iara magnahaghei nigho iagho te hata fadelei nakhibogu iara ra. Thosei ghathodi najafra biꞌo teke edi iara ranghi nigho ka narane teke jifla iagho Jerusalem. Thosei ke tughu fapulo puhi te diꞌa teke edi iara tura.

Fapea Samuel 19:19 ပူးပေါင်းရင်းမြစ်များ

Ululahu Samuel 22:15

Uve, iara neke taraini mana ka God, nafnata te eni te mei iara tifa ra. Nu cheke te eni iagho vikegna mae kmagu iara na ne ghaoghaho mala eni kaisei puhi te diꞌa ranghi nigho iagho teu igne theome tutuani. Iara theome laseni kaisei glepo eigna igne!”

Matiu 27:4

Mae Judas ne cheke eghu ka mare, “Iara la jafrahi, naugna iara ne majorani mae te theo kaisei nakhibogna na ka glehe.” Mare ne cheke eghu ka mana, “Tuana nou puhi iagho themu kolho, theome nomi puhi ghehati.”

Profet Jeremaea 31:34

Ginauna na theo kaisei naikno nate farirhiuni kheragna ba thabusigna na ka puhi te cheke eghu igne, ‘Ghotilo mala laseni Lord!’ Naugna ka narane tuana, naikno te gnafa igre ginauna lase ghauhi iara, neuba ihei ne fnakno ba theo. Iara ginauna atha fadelei thua glepo te diꞌa teke edi mare re, eghuteuna iara ginauna nake theome ghathodi nakhibodire.” Igne chekegna Lord.

Profet Isaia 43:25

“Nu tutuani fara, iara Lord nomi God ghotilo. Eghuteuna iara hata koko nakhibomi ghotilo tuare leghuni puhigu iara na. Eghume iara ginauna nake theome ghathodi nakhibomi ghotilo re.

Eklesiasti 10:4

Jame kaisei mae mala baubatu diꞌatagna ka iagho, iagho thosei lisa kokoni nou gloku na, jame te au kmu kolho iagho na, mana ginauna hata fadelei nakhibomu iaghore.

Nodi Khoje Hatimare Mae Jiu 79:8

God, thosei para ghami ghehati eidi nakhibo teke edi ghehati tifara. Faghosei kokhoni ghami ghehati sagho, naugna gaoghathomire ghehati la thofno glaꞌe soru fara.

Nodi Khoje Hatimare Mae Jiu 32:2

Mae ihei Lord te theome filoni kaisei najafra ka nakarhagna na nei theome leghuni puhi te chaichaghi na teuna, mae tuana thono keli tagna fara.

Fapea Samuel 13:33

King, thosei fatutuanini thoutonu te nomhini iagho la kafe lehe mae thumu re teu igne! Kaisei mae Amnon kolho.”

Fapea Samuel 13:20

Kate filoni mae Absalom gregagna te tanhi te tei na, mana ne ghusna eghu ka naꞌa, “Ne faꞌunha nigho mae thabusimu Amnon? Mana ne huhuru nigho ne thuru balugna mana? Mae tuana mae thabusida tapa, eghume iagho au kmu.” Aonu Tama tei ne au ka sugagna mae Absalom, thabusigna na. Nu naꞌa ne thofno diꞌanagnafa gna fara ne au sopa thegna ka vido igne.

Ululahu Samuel 26:21

Aonu mae Sol ne cheke eghu, “Ghema Devet, thofno tututani fara. Puhi te eni iara igne thofno diꞌa fara. Thuguo, ke pulo mei. Iara ginauna na theome falehe nigho, naugna iagho ne ghatho tahu ghau iara, eghuteuna bongi ia iagho neke theome falehe ghau iara. Iara naikno fameomekro fara te eni glepo te diꞌa igne ka iagho.”

Ululahu Samuel 25:25

Iagho those ghathoni Nabal, mae igne theome ghatho tahuni ihei. Iagho laseni, nangha Nabal teu igne gaoghathogna na, ‘Fameomekro.’ Eghume, puhigna na nanaba fara ka nanghagna thegna na. Funei, iara neke theome au kani teke mei nou mae majaghani iagho ra.

Naba 12:11

Aonu mae Eron mei ne cheke eghu ka mae Moses, “Moses, thosei lisa mei papara igne eigna nakhibo teke edi ghepa gre mala au ka ghepa!

Fapea Samuel 19:18

Naiknore kasa ka keha phile na mala mei toghoni king baludi thugnare mala kasa ke demei mala eni unha te magnahagheni king. Kate tarabana mala kasa teu king na, mae Simei mei ne pogho soru ke ulugna mana.