Fapea Samuel 19:1 - Buka Blahi Ka Cheke Holo

¹ Keha mae tei ne toutonu ka mae Joab te diꞌanagnafa King Devet te tanhi ni mae Absalom mae thugna na.

Fapea Samuel 19:1 ပူးပေါင်းရင်းမြစ်များ

Fapea Samuel 18:14

Mae Joab ne cheke eghu ka mana, “Ghema, iara theome magnahaghei te cheke balumu iagho mae igne!” Aonu mana hata thilo nogna gorure ne tei fada ka nagnafagna mae Absalom kate karha gefe teu mana ka grege gaju na.

Fapea Samuel 18:5

Aonu mana ne cheke faheta eghu ka mae Joab, ka mae Abisae nei ka mae Itai, “Ghotilo thosei goigoni ni mae Absalom, naugna mana mae thugu iara.” Eghuteuna hatimare mae soldia ne nomhini nogna cheke mae Devet ka thilo mare igne.

Proveb 17:25

Sua te fameomekro na, mana fadiꞌa nagnafani fabrahu kmagna na. Eghuteuna fatanhini idogna teke fakarhini na.

Fapea Samuel 18:33

King nomhini igne ne thono diꞌanagnafa gna fara. Mana kegra haghe ne tei ruma ka kaisei chogho kligna ka grengathagna bara thina na ne tanhi eghu fabiꞌo, “Thuguo Absalom! Thuguo Absalom! Te keli na jame iara nga teke lehe tughu nigho iagho na. Theome iagho, thuguo Absalom!”

Fapea Samuel 18:20

Nu mae Joab ne cheke eghu ka mana, “Theo, theome iagho te mala hata nonomho te tei gognarona. Iagho tangomana te eni tuana ka keha naranei, theome gognaro gne, naugna thugna mana na la lehehi.”

Fapea Samuel 18:12

Nu mae soldia igne ne cheke eghu, “Neuba iagho ne tusu mei kaisei thogha silva ka iara, iara theome tangomana te faleheni thugna king na. Naugna ghehati te gnafa na nomhinihi teke cheke eghu king ka ghotilo mae Abisae, mae Itai ra, ‘Ghotilo thosei goigoni ni mae Absalom, naugna mana mae thugu iara.’

Fapea Samuel 19:2

Neuba nogna soldia mae king igre ne uluni magra igne, mare theome gleale'a. Mare kafe diꞌanagnafa hui, naugna king diꞌanagnafa ne tanhini mae Absalom.

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Jenesis 37:35

Thugna nalhaꞌu nei thugna gaꞌase teure ne kafe mei fameomegoni mana mala ke keli nagnafa fapulo mana. Mana tirogna fara ne cheke eghu, “Iara gne na tanhini mana fabrahu ngala ghilei tei iara au balugna mana ka namonodi mae tela lehehi ra.” Aonu mae Jekop ne theome gnafa ne tanhini fabrahuni mae Josep.