Fapea Samuel 18:8 - Buka Blahi Ka Cheke Holo

⁸ Magra igne ne tei tongana mata heva heva ke lamna kantri. Nu mae soldia te lehe ka glepo te diꞌa mata igre kmana fara salaꞌudi mae te lehe ka magra igre.

Fapea Samuel 18:8 ပူးပေါင်းရင်းမြစ်များ

Eksodas 15:10

Nu, kate diꞌatamu fara na, iagho neke kaisei fata phanga lao kolho, eghuteuna thongna na ne mei toku tafrudi mae Ijep ra ne kafe plulu pari jateula thina neu ka nhorora gno.

Nodi Khoje Hatimare Mae Jiu 43:1

God, chekeni sagho ka naiknore te kaisei mae doglo iara te theome eni kaisei glepo te diꞌa na. Kaisei phile sagho ka iara mala tapla sorudi naikno te theome keli ranghi nigho re. Bara fothidi sagho naikno te chaichaghi nei naikno te diꞌa teu are mala fakarhi ghau iara.

Nodi Khoje Hatimare Mae Jiu 3:7

Nogu Lord, mei fakarhi ghau. Iagho nabamu te magridire nogu naoka iara igre! Tapla sorudi nodi nolaghi naikno te diꞌa igre!

Ululahu Kings 20:30

Eghuteuna keha soldia di Siria te karha teura ne kafe rikha ne tei ka namono Afek. Nu gringni thinagna namono na ne grofo soru ne lehe keha varadaki fitu thogha ka mare. Eghuteuna King Ben-Hadad ne jaola ne rikha ne tei lamna namono biꞌo ne tei poru ka kaisei suga.

Josua 10:11

Eghuteuna kate rikhani armi gna Israel igne te sukha ka thogele na, nodi soldia mae Amo igre, Lord ne koko soru aes funu kligna jateula thina neu fabrahu ke klignadi ne ghilei tei posa Aseka. Mae te lehe ka aes igre kmana fara salaꞌudi mae teke lehe ka mae Israel.

Fapea Samuel 18:7

Nogna Armi mae Devet igne ne uluni armi gna Israel. Eghuteuna varadaki thogha soldia ka armi gna Israel ne lehe ka narane igne.

Fapea Samuel 18:9

Aonu mae Absalom saghe ne tei ka nogna dongki na. Mana tei ne thafodi keha nogna soldia mae Devet igre. Mana ne fariu riu rikha ka nogna dongki na ne tei parigna gaju biꞌo na. Nu khaklagna mae Absalom re ne firi ka grege gaju. Nu nogna dongki mana na ne rikha ne tei kokoni mana.

Proveb 24:21

Thuguo, ghatho tahudi Lord ghe lida. Iagho au fadelei ka naikno te theome keli ranghidi phiamare are.

Proveb 24:22

Phiamare ginauna ghosei ei puhi biꞌo kolho ka mare. Eghuteuna iagho theome laseni unha nafnata puhi biꞌo nate thoke mei na.