Fapea Samuel 18:33 - Buka Blahi Ka Cheke Holo

³³ King nomhini igne ne thono diꞌanagnafa gna fara. Mana kegra haghe ne tei ruma ka kaisei chogho kligna ka grengathagna bara thina na ne tanhi eghu fabiꞌo, “Thuguo Absalom! Thuguo Absalom! Te keli na jame iara nga teke lehe tughu nigho iagho na. Theome iagho, thuguo Absalom!”

Fapea Samuel 18:33 ပူးပေါင်းရင်းမြစ်များ

Fapea Samuel 19:4

King toku tafru tathagna nei foflogna teure ne tanhi eghu fabiꞌo, “Thuguo! Thuguo Absalom! Thuguo Absalom!”

Proveb 17:25

Sua te fameomekro na, mana fadiꞌa nagnafani fabrahu kmagna na. Eghuteuna fatanhini idogna teke fakarhini na.

Proveb 10:1

Igre nogna famane cheke king Solomon. Kmagna mae te au tagna gaoghatho te keli na, mana gleale'a fabrahu. Idogna mae te fameomekro na, diꞌanagnafa fabrahu nei tanhi eghu.

Nodi Khoje Hatimare Mae Jiu 103:13

God na jateula tahati te kokhonidi thudara eghu e kokhoni ghita tahati naikno te ghatho tahuni mana na.

Eksodas 32:32

Neuba, iara tore nigho iagho mala atha koko nakhibodi naikno re. Nu jame te theo na, uve, iara tore nigho iagho mala ghiha koko nanghagu iara na ka buka teke rioriso nanghadi nou naikno iagho re ke lamnagna.”

Jemes 5:17

Tahati laseni eigna mae profet Elija ia. Mana kaisei mae jateula tahati eghu kolho. Nu mana neke tarai heta ka God mala theome soru nakhete ka nauthoglu gne. Aonu theome nakhete naba thilo finogha namno nhigra.

Jenesis 21:11

Mae Ebraham ne diꞌanagnafagna fara ka cheke te edi Sera igre, naugna mae Ismael gne jaola neke thugna mana.

Fapea Samuel 14:1

Aonu mae Joab laseni mae king Devet te magnahaghei filoni mae thugna, Absalom.

Fapea Samuel 19:1

Keha mae tei ne toutonu ka mae Joab te diꞌanagnafa King Devet te tanhi ni mae Absalom mae thugna na.