Fapea Samuel 18:29 - Buka Blahi Ka Cheke Holo

²⁹ Nu mae king ne cheke eghu ka mana, “Faꞌunhau mae thugu iara Absalom ia? Mana keliu kolho ba theo?” Mae Ahimas ne cheke eghu, “King, iara neke filodi kmana mae neke eha nei thagru fabiꞌo eghu kate kuru mei ghau iara mae Joab balugna maegna Kus nou mae gloku iagho ia, nu iara theome laseni unha te eni mare na.”

Fapea Samuel 18:29 ပူးပေါင်းရင်းမြစ်များ

Fapea Samuel 18:22

Nu mae Ahimas thugna mae Sadok igne, ghaoghatho heta fara te mala tei na, ne cheke eghu ka mae Joab, “Iara theome nangani unha nate eni ka iara na. Snakre ghau iara sagho mala tei iara ke leghugna maegna Kus tuana.” Nu mae Joab ne cheke eghu ka mana, “Mae sitei, naugna unha sagho te magnahaghei tei fara gnea? Theo kaisei glepo te keli nate hata te tei iagho nonomho igne.”

Fapea Samuel 20:9

Eghuteuna mae Joab ne cheke eghu ka mana, “Naublatha keli thabusigna.” Aonu mana ne loku ka gremohogna mae Amasa na fei khame nhetagna ne gnanghoni mae Amasa.

Fapea Samuel 18:30

Aonu king ne cheke eghu, “Iagho tei kegra ofou jare.” Aonu mae Ahimas tugha fadelei ne tei kegra neu delei.

Fapea Samuel 18:32

Aonu king ne ghusna eghu ka mana, “Faꞌunhau mae thugu iara mae Absalom ia, mana keliu kolho ba theo?” Aonu maegna Kus igne ne cheke eghu, “King, nogu funei, mae Absalom ia la lehehi. Puhi biꞌo te thokedi nou naoka iagho ra jaola thokeni mae majaghani igne.”

Fapea Kings 4:26

Faghose tei thafoni naꞌa, eghuteuna iagho ginauna ghusna eghu ka naꞌa, ‘Iagho keliu kolho? Khetomu thumu teu iagho ra ba, keliu kolho ba theo?’ ” Kate ghusna eghu mana na, naikno biꞌo na ne cheke eghu, “Ghetilo keliu kolho.”