Fapea Samuel 18:20 - Buka Blahi Ka Cheke Holo

²⁰ Nu mae Joab ne cheke eghu ka mana, “Theo, theome iagho te mala hata nonomho te tei gognarona. Iagho tangomana te eni tuana ka keha naranei, theome gognaro gne, naugna thugna mana na la lehehi.”

Fapea Samuel 18:20 ပူးပေါင်းရင်းမြစ်များ

Fapea Samuel 18:33

King nomhini igne ne thono diꞌanagnafa gna fara. Mana kegra haghe ne tei ruma ka kaisei chogho kligna ka grengathagna bara thina na ne tanhi eghu fabiꞌo, “Thuguo Absalom! Thuguo Absalom! Te keli na jame iara nga teke lehe tughu nigho iagho na. Theome iagho, thuguo Absalom!”

Fapea Samuel 18:29

Nu mae king ne cheke eghu ka mana, “Faꞌunhau mae thugu iara Absalom ia? Mana keliu kolho ba theo?” Mae Ahimas ne cheke eghu, “King, iara neke filodi kmana mae neke eha nei thagru fabiꞌo eghu kate kuru mei ghau iara mae Joab balugna maegna Kus nou mae gloku iagho ia, nu iara theome laseni unha te eni mare na.”

Fapea Samuel 18:27

Mae mala reireghi igne ne cheke eghu, “Mae te kulu mei igne jateula mae Ahimas thugna mae Sadok eghu.” Eghuteuna king ne cheke eghu, “Iara laseni mae Ahimas gne kaisei mae keli, mana ginauna hata mei nonomho te keli.”

Fapea Samuel 18:5

Aonu mana ne cheke faheta eghu ka mae Joab, ka mae Abisae nei ka mae Itai, “Ghotilo thosei goigoni ni mae Absalom, naugna mana mae thugu iara.” Eghuteuna hatimare mae soldia ne nomhini nogna cheke mae Devet ka thilo mare igne.

Fapea Samuel 18:19

Aonu mae Ahimas, thugna mae Sadok ne cheke eghu ka mae Joab, “Snakre ghau iara sagho mala chari tei iara mala toutonu ka king eigna Lord te hata fadelei nodi nolaghi nogna naoka re.”

Fapea Samuel 18:21

Eghuteuna mae Joab ne cheke eghu ka kaisei maegna Kus, “Iagho tei toutonu ranghini king gobigna lepo teke filodi iagho ka vido igne.” Maegna Kus igne ne pogho soru ka mae Joab, aonu mana kegra haghe chari ne tei.

Fapea Samuel 19:1

Keha mae tei ne toutonu ka mae Joab te diꞌanagnafa King Devet te tanhi ni mae Absalom mae thugna na.