Fapea Samuel 18:17 - Buka Blahi Ka Cheke Holo

¹⁷ Mare hata thinigna mae Absalom igne ne koko soru ke lamnagna kaisei khora. Aonu mare koko thina ke kligna ne tafru mana. Ka narane igne, hatimare mae soldia di Israel igre ne kafe rikha ne tei ka nodi namonore.

Fapea Samuel 18:17 ပူးပေါင်းရင်းမြစ်များ

Josua 8:29

Hatimare ne faleheni mae king gna Ai, eghuteuna mae Josua ne fagefe haghe thinigna mana ka gaju na, thinigna mana igne gefe neu jare ne ghilei rafi. Aonu ka grafi tuana mae Josua ne chekedi mare mala koko soru thinigna mae king igne pari ka grengatha gna namono na. Aonu mare pulei kmana thina ne koko lao ke kligna gna mana. Bukrei thina igne au ngala gognarona.

Josua 7:26

Eghuteuna mare ne bukru thina ke kligna thinigna mae Ekan. Tothoghei thina igne au ngala gognaro na. Naugna igne, mare kiloni vido igne, “Glogu Ako,” gaoghathogna na, Puhi Biꞌo. Ke leghugna igne, Lord ne theome diꞌatagna ka naiknodi Israel.

Proveb 10:7

Kate lehe kaisei naikno te doglo na, naiknore na ghathoni fabrahu nei gleꞌani eghu mana. Nu te lehe kaisei naikno te diꞌa na, naiknore na ghosei ghatho ihoni kolho mana.

Fapea Samuel 20:22

Aonu naꞌa tei ka naikno gna namono igne ne cheke fajiflani nogna gaoghatho na. Mare leghuni nogna cheke naikno biꞌo igne ne tei kusu grara gna mae Seba. Eghuteuna mare hata phaꞌu gna mana igne ne haghe ka gringni gna namono na ne koko soru ka mae Joab. Aonu mae Joab kufli mala jifla mae soldiare mala ke figri mare ka king Jerusalem.

Fapea Samuel 20:1

Ka narane igre, kaisei mae te diꞌa fara puhigna na au ka namono Gilgal. Mae igne nanghagna na, mae Seba thugna mae Bikri ka vikegna mae Benjamin. Mae Seba gne kufli, ne eha eghu ka maedi Israel, “Mae Devet gne theome vikeda tahati. Tahati theome vikegna thugna mae Jesi igne! Tahati te gnafa maeda Israel ra kafe figri ke pulo ka namonoda ra!”

Fapea Samuel 19:8

Aonu king kegra haghe ne tei gnokro ka grengatha gna namono na. Eghuteuna kate nomhini mae soldia igre te au teu mana jare na, mare ne kafe tei ka mana. Ka narane igne, mae soldia di Israel ra ne kafe rikha neke pulo ka nodi namonore.

Josua 10:27

Aonu mae Josua ne cheke ka mare ne hata soru thinidi glima mae king igre ne koko soru ka khora teke poru mare igne. Gnafa teuna, mare ne fofotho khora igne ka thina biꞌo. Thina biꞌo igre au ngala gognarona.

Diutronomi 21:20

Aonu repa mala cheke eghu ka hatimare mae lida igre, ‘Thumi ghepa igne patu gama fara nei tirogna leghu ghami ghepa eghu. Mana jojokei nomi sileni ghepa re, eghuteuna mana kaisei koꞌu thaviru toghei kolho.’

Diutronomi 21:21

Eghume nabagna na maegna ka namono igne fada faleheni mana ka thina mala ghilei lehe mana. Ka puhi igne, ghotilo ginauna fahuhui puhi te diꞌa igne ke lamnami ghotilo. Aonu kate nomhini igne, naiknodi Israel igre ginauna mhaghu nodi fara.”

Ululahu Samuel 4:10

Aonu mare tei neke magra, eghuteuna naugna te magra heta mare na, mare ne uludi hatimare maedi Israel. Mare ne aknu falehe tolufulu thogha soldia di Israel. Eghuteuna keha maedi Israel rikha ne tei ka nodi namono thedire.

Fapea Kings 8:21

Aonu king Jehoram ne tei Saia balu nogna chariot. Nu armi gna Idom na mei ne kegra faligohoni namono igne. King Jehoram baludi mae komanda di chariot igre jifla bongiro ne magra ka armi gna Idom, nu nogna armi mana na rikha neke pulo ka namonodi re.

Fapea Kings 14:12

Ka magra igne, King Amasaea balugna nogna armi na suaraghi fapulo rikha neke pulo ka namono dire.

Fapea Samuel 19:5

Aonu mae Joab tei ka king, ne cheke eghu, “Gognarona iagho thofno famamajadi fara nou mae soldia igre! Mare fakarhi nigho iagho baludi khetomu, thumu nei nou gaꞌase gloku teu igre.

Fapea Samuel 19:9

Eghuteuna naikno te gnafa ka vike te gnafa Israel igre ne fapholai fari thedi. Kehare ne cheke eghu, “Gognarona king Devet ia la jiflahi ka kantri igne, naugna mana ne rikhani mae Absalom, nu mana neke fakarhi ghita ka naiknodi Filistia nei ka keha noda naoka tahati ra.