Fapea Samuel 18:14 - Buka Blahi Ka Cheke Holo

¹⁴ Mae Joab ne cheke eghu ka mana, “Ghema, iara theome magnahaghei te cheke balumu iagho mae igne!” Aonu mana hata thilo nogna gorure ne tei fada ka nagnafagna mae Absalom kate karha gefe teu mana ka grege gaju na.

Fapea Samuel 18:14 ပူးပေါင်းရင်းမြစ်များ

Ululahu Tesalonika 5:3

Kate chekeni naiknore, “Pharikeli nei nasnagla,” God ginauna ghosei roꞌedi, jateula khabru ghosei te mei ka gaꞌase te namo karha sua ia eghu. Eghuteuna naikno tuare ginauna theome rikha.

Matiu 12:40

Mae Jona neke au ka thi'agna sasa te biꞌo fara na thilo narane nei thilo bongi. Eghuteuna ginauna na jateula tuana eghu iara mae teke mei funu ka God na ginauna au ke lamna glose thilo narane nei thilo bongi eghu.

Nodi Khoje Hatimare Mae Jiu 45:5

Nou jata iagho te fnonu na ginauna churu ka thinidi nou naokare ghilei tei posa ka nagnafadire. Eghuteuna maedi ka keha kantri are ginauna pogho soru ke ulumu iagho.

Fapea Samuel 18:5

Aonu mana ne cheke faheta eghu ka mae Joab, ka mae Abisae nei ka mae Itai, “Ghotilo thosei goigoni ni mae Absalom, naugna mana mae thugu iara.” Eghuteuna hatimare mae soldia ne nomhini nogna cheke mae Devet ka thilo mare igne.

Fapea Samuel 14:30

Aonu mae Absalom ne cheke eghu ka nogna mae glokure, “Ghotilo lasenihi nogna nagare mae Joab te au rhegna nogu nagare iara ia. Ghotilo tei gnubra rais bali te kotu ka nagare tuana.” Aonu nogna mae gloku mana igre tei ne gnubra nagare igne.

Jajis 5:31

“Lord God, snakredi nou naoka iagho re mala lehe jateula Sisera eghu! Nu snakredi iheire te namha nigho iagho igre mala phae jateula naprai te haghe hamerane ia eghu!” Eghume naiknodi Israel igre na au ka pharikeli nabagna phiatutu finogha.

Jajis 5:26

Nu ke leghu na, naꞌa hata peg gna suga tapuale na. Naꞌa hata kaisei hama, ne tugeni phaꞌugna Sisera, ne phosa phaꞌugna mana na, eghuteuna gaju igne ne tei lamna ka glangi phaꞌugna na.

Jajis 4:21

Nu Sisera thono babaꞌo fara ne thuru iho. Nu Jael megei nga ne tei hata kaisei hama balugna kaisei gaju fnonu ka suga thapuale na. Eghuteuna naꞌa thoghei ne tei rhegna vido te thuru teu mana na. Eghuteuna naꞌa tuge soru gaju igne lamna ka glangi phaꞌugna mana na ne ghilei thoke pari ka glose ro. Aonu mae igne ne lehe.

Fapea Samuel 12:10

Iagho tirou ghau iara neke blau khetogna mae Uraea na. Eghume, keha naikno nate karha mei ka vikemu iagho re ginauna lehe ka magra.’

Fapea Samuel 18:15

Eghuteuna nabotho nogna soldia mae Joab igre jaola ne mei khapru faligohoni mae Absalom ne faleheni mana.

Fapea Samuel 19:1

Keha mae tei ne toutonu ka mae Joab te diꞌanagnafa King Devet te tanhi ni mae Absalom mae thugna na.

Fapea Samuel 19:11

Kate nomhidi mae Devet nodi cheke naiknodi Israel igre, mana ne fatei cheke ka pris Sadok ghe pris Abiata mala tei cheke eghu ka mae mala baubatu ka kantri Juda, “Naugna unha si ghotilo te leghu lahu ka naikno te togho ghau iara te mala ke pulo mei ka nogna suga king gnea?

Thoutonu Eigna Mae Job 20:5

naikno te diꞌa igre tangomana te glealeꞌa katha vido kmoꞌei kolho.

Nodi Khoje Hatimare Mae Jiu 37:35

Tifa na iara neke filoni kaisei mae te diꞌa te thono heta fara te goigonidi keha naiknore. Mana haghe uludi fara keha naiknore jateula gaju gurighau biꞌo te tei uludi keha gajura eghu.