Fapea Samuel 17:7 - Buka Blahi Ka Cheke Holo

⁷ Mae Husae ne cheke eghu ka mae Absalom, “Leuleghu fata na mae Ahitofel chekedi famane farirhiu ka tahati, nu gaoghatho te chekeni mana gognarogne theome keli.

Fapea Samuel 17:7 ပူးပေါင်းရင်းမြစ်များ

Proveb 31:8

Iagho mala cheke ranghidi iheire te theome tangomana te cheke fajifladi puhidi thedi re, eghuteuna iagho toghodi ka cheke. Eghuteuna iagho kegra heta ka fate te mala eni puhi te doglo na. Eghuteuna iagho toghodi naikno te kuma.

Fapea Samuel 16:21

Aonu mae Ahitofel ne cheke eghu ka mana, “Iagho tei thuru baludi nogna gaꞌase gloku mae kmamu teke lisa faleghu mana mala reireghini nogna suga king teku ra. Ka puhi igne naikno te gnafa Israel igre ginauna laseni mae kmamu iagho na thofno tirogna nigho iagho fara. Aonu naikno te leghu nigho iagho igre ginauna ghaoghatho heta te mala leghu nigho iagho na.”

Fapea Samuel 17:6

Kate mei mae Husae ka mare na, mae Absalom ne toutonu ka mana nogna gaoghatho mae Ahitofel igne. Aonu mae Absalom ne ghusna eghu ka mana, “Unha eghu te ghathoni iagho na? Tahati ginauna leghuni unha te chekeni mana igne ba theo? Jame te theo na, iagho chekeni ka ghehati unha glepo nate eni ghehati na.”

Fapea Samuel 15:31

Kate nomhini king te tei mae Ahitofel te toghoni mae Absalom igne, mae Devet ne tarai eghu, “Lord God, iagho figri nogna farirhiu mae Ahitofel igne mala fameomekro kolho!”

Fapea Samuel 15:34

Nu jame te magnahaghei togho ghau iara teuna, iagho ke pulo Jerusalem mala tei cheke eghu ka mae Absalom, ‘King, iara nou mae gloku iagho. Tifa na iara neke loku ranghini mae kmamu iagho, nu gognarona iara magnahaghei te loku ranghi nigho iagho.’ Ka puhi igne iagho tangomana te figri nogna cheke mae Ahitofel igre mala theo nafudi kolho.