Fapea Samuel 17:27 - Buka Blahi Ka Cheke Holo

²⁷ Kate posa mae Devet Mahanaem, thilo mae mei ne thafoni mana jare. Mae ulu lahu na mae Sobi, thugna mae Nahas, maegna Raba ka kantri Amon. Fapea na, mae Makia, thugna mae Amiel, maegna ka namono Lo-Deba. Eghuteuna fatilo na mae Basilae maegna ka namono Rogelim ka nohi Gilead.

Fapea Samuel 17:27 ပူးပေါင်းရင်းမြစ်များ

Ululahu Kings 2:7

“Nu iagho mala keli ranghidi thugna mae Basilae, maegna Gilead ra. Iagho hata meidi mala ima fabrahu ka sugamu na. Naugna tifa na, kani teke rikhani iara mae thabusimu Absalom na, mare neke thofno keli fara ranghi ghau iara.

Fapea Samuel 9:4

Eghuteuna king ne cheke eghu ka mana, “Mana na au aheva?” Mae Siba ne cheke eghu, “Mana na au ka namono Lo-Deba, ka sugagna mae Makia, thugna mae Amiel.”

Esra 2:61

Eghuteuna keha pris teke figri funudi Babilonia igre neke karha mei ka tharaknadi mae Hobaea, nei mae Hakos, nei mae Basilae. (Mae Basilae gne neke tolaghi ka kaisei thugna gaꞌase kaisei maegna Gilead, nanghagna na Basilae, eghume mana hata nanghagna kmagna khetogna na.)

Ululahu Samuel 11:1

Ka narane tuana, King Nahas gna kantri Amon ne haghe balu nogna soldia ka nohi Gilead, aonu mare mei ne kegra faligohoni namono Jabes tarabana mala magra. Nu naiknogna namono igne ne cheke eghu ka King Nahas, “Ghehati magnahaghei ghita tahati te eni kaisei nhaꞌa cheke gognarogne, jame te theome mei ghotilo te magra balumi ghehati na, ghehati ginauna snakre ghami ghotilo mala funei fruni ghami ghehati.”

Fapea Samuel 12:26

Ka narane tuare, Joab nei nogna armi na eghu ne magra heta ka armi gna namono Raba, namono biꞌo lahu ka kantri Amon. Aonu mana ne ulunihi nogna vido keli te mala poru mae king na.

Fapea Samuel 17:26

Aonu, mae Absalom baludi hatimare mae soldia di Israel gre ne tei au ka nohi Gilead.