Fapea Samuel 17:25 - Buka Blahi Ka Cheke Holo

²⁵ Mae Absalom ne vahini mae Amasa mala komanda gna nogna armi na, tughuni mae Joab. Mae Amasa gne thugna mae Jeta kaisei mae ka vike gna Israel. Idogna mae Amasa na Abigel gregagna Seruia, idogna mae Joab. Kmagna gaꞌase igne, mae Nahas.

Fapea Samuel 17:25 ပူးပေါင်းရင်းမြစ်များ

Ululahu Kronikols 2:13

Mae Jesi neke au fitu thugna nalhaꞌu. Mae Eliab, mae Abinadab, mae Simea, keha nanghagna na, Sama.

Fapea Samuel 19:13

Eghuteuna mana jaola ne cheke ka phia mare mala tei cheke eghu ka mae Amasa, “Iagho mae thabusigu iara. Iara ginauna vahi nigho iagho mala tughuni mae Joab mala kaisei mae komanda biꞌo ka nogu armi iara gne. Jame te theome eni iara igne na, God ginauna para ghau iara.”

Ululahu Kings 2:32

Lord ginauna nake tughu fapulo ka mae Joab dadaradi phia mae tura, naugna mae kmagu iara na theome laseni mae Joab te aknu falehedi mae Abna, thugna mae Neri mae komanda ka armi gna Israel, ghe mae Amasa, thugna mae Jeta mae komanda ka armi gna Juda. Phia mae igre thofno keli fara nei doglo eghu uluni mae Joab.

Ululahu Kings 2:5

“Eghuteuna keha glepo na igne. Iagho laseni unha teke eni ranghi ghau iara mae Joab, thugna Seruia tifa ia. Mana neke aknu falehe phei mae komanda ka armi gna Israel: mae Abna thugna mae Ner ghe mae Amasa thugna mae Jeta. Mana theome aknu falehedi phiamare ka magra, nu mana neke eni igne ka vido pharikeli kolho. Mana lilisei dadaradi phiamae igre ka nogna nhugha nei sadol teure. Eghume, mae igne nabagna te au papara.

Fapea Samuel 20:4

Aonu king ne cheke eghu ka mae Amasa, “Iagho tei kilo meidi maedi Juda ra mala mei filo ghau iara ka fatilo narane.”

Fapea Samuel 17:26

Aonu, mae Absalom baludi hatimare mae soldia di Israel gre ne tei au ka nohi Gilead.

Ululahu Kings 2:28

Kate nomhini mae Joab eigna igne mana ne mhaghu nogna fara. Naugna mana laseni, neuba mana neke theome phile balugna mae Absalom tifa, nu mana neke phile ka mae Adonaeja. Aonu mana rikha ne tei ka Suga Tapuale te Blahi na ne tei loku ka olta na mala theome faleheni mare.

Fapea Samuel 19:14

Aonu nogna cheke mae Devet igre ne doglo ka gaoghathodi naiknodi Juda igre ne kaisei gaoghatho te mala toghoni mana na. Eghuteuna mare ne fatei cheke ka mana nei ka nogna naikno manare eghu mala ke pulo mei Jerusalem.

Ululahu Kronikols 12:19

Kani teke loku fodu mae Devet baludi mae king di Filistia te mala tei magra ka King Sol tifa na, keha mae ka vikegna mae Manase igre magnahaghei te mei mala loku fodu ka mana. Nu king di Filistia igre ne mhaghu nodi, glahu chaghidi mae Devet na lisa laodi ka khamegna King Sol, aonu mare ne kuru fapuloni mana ka namono Siklag, mala theome eni mana kaisei glepo te mala toghodi mare na.