Fapea Samuel 17:23 - Buka Blahi Ka Cheke Holo

²³ Kate laseni mae Ahitofel te theome leghuni mare nogna cheke na, mana saghe ka nogna dongki na neke pulo ka nogna namono na. Kate fadoglidi te gnafa tharakna gna nei nogna bisnis teure, mana froro ne lehe. Tharakna gna mana re hata thinigna mana na ne giugilui ka nodi beku thedi na.

Fapea Samuel 17:23 ပူးပေါင်းရင်းမြစ်များ

Matiu 27:5

Mae Judas tei ne koko soru sileni tuana ka Sugablahi na. Aonu mana tei ne froro thegna.

Fapea Kings 20:1

Theome raugha armi gna Asiria igne mei ne magra Juda, King Hesekaea ne fogra fara ne ghilei namo lehe. Aonu profet Isaia thugna mae Amos, tei ne cheke eghu ka mana, “Lord ne cheke eghu, ‘Te keli na iagho fadoglidi nou gobigna lepore, eigna iagho ginauna lehe, eghuteuna iagho ginauna theome tangomana na teke keli fapulo na.’ ”

Fapea Samuel 15:12

Kate fafara na, mae Absalom ne fatei cheke ka mae Ahitofel, kaisei nogna advaesa mae king Devet te au ka namono Gilo. Mae Ahitofel jifla Gilo ne mei ka mae Absalom. Nogna gaoghatho mae Absalom te mala tapla faparini mae king Devet igne ne thofno keli fara. Eghuteuna kmana naikno funu mei toghoni mana.

Nodi Khoje Hatimare Mae Jiu 5:10

God, fatedi nei fapuhidi naikno te diꞌa tuare. Eghuteuna lisa laodi mala snoꞌo mare ka khora teke dokha thedi mala snoꞌo iara teku mare na! Eigna mare thono patugama fara ka iagho ne edi kmana nakhibo. Eghume thosei snakredi te kegra ke ulumu iagho na eghu.

Ululahu Kings 16:18

Ka narane igre mae Simri au neu Tiasa, eghuteuna kate laseni mana tela hatahila mare namono igne, mana rikha ne tei ruma ka nogna suga biꞌo king na ne gnubra suga igne ne lehe jare.

Fapea Samuel 15:31

Kate nomhini king te tei mae Ahitofel te toghoni mae Absalom igne, mae Devet ne tarai eghu, “Lord God, iagho figri nogna farirhiu mae Ahitofel igne mala fameomekro kolho!”

Proveb 19:3

Puhigna mae te fameomekro na goigonini nakarhagna thegna na. Eghume naugna unha si mana te diꞌatagna ka Lord gnea?

Proveb 16:18

Fahaehaghe na mei ului, puhi biꞌo na mei ke leghu. Patugama na mei ului, uka na mei ke leghu.

Nodi Khoje Hatimare Mae Jiu 55:23

God, iagho ginauna kuru teidi iheire te falehe naikno nei chaichaghi teu are mala tei au mare ka namonodi naikno te au ka glehera mala snivi fabrahu mare. Narane te mala lehedire na ghosei mei kolho. Nu iara gne fatutuani nigho iagho fabrahu kolho.

Thoutonu Eigna Mae Job 31:3

Mana kuru mei puhi biꞌo mala thokedi naikno te diꞌa. Uve, mana ginauna mala goigonidi iheire te tapla jafra ka nakhibo.

Fapea Samuel 16:23

Ka narane tuare, gaoghathodi naiknore, u cheke te edi mae Ahitofel igre thofno keli fara neke mei funudi ka God. Neubane mae Devet ba mae Absalom thofno leghudi fara nogna cheke mae Ahitofel igre.

Fapea Samuel 17:22

Aonu, mae Devet balugna nogna mavitu na ne funu kasa ka Khoꞌu biꞌo Jordan. Kate funu agha narane na, mare te gnafa na la tei kasahi.

Profet Isaia 38:1

Theome raugha ke leghugna igne, armi gna Asiria haghe ne snura Juda. Ka narane igre King Hesekaea ne fogra fara, ne ghilei namo lehe. Aonu mae profet Isaia thugna mae Emos tei ne cheke eghu ka mana, “Igne nogna cheke Lord na: Te keli na iagho fadoglini puhimu na, eigna iagho ginauna lehe, eghuteuna iagho ginauna theome tangomana na teke keli fapulo na.”

Nodi Khoje Hatimare Mae Jiu 109:20

Lord God, iagho la nomhidihi hatimare mae te diꞌa te cheke fapari ghau iara nei tore nigho iagho mala para ghau iara teu igre. Nu iara tore nigho iagho mala paradi mare jateula tuana eghu kolho.