Fapea Samuel 17:22 - Buka Blahi Ka Cheke Holo

²² Aonu, mae Devet balugna nogna mavitu na ne funu kasa ka Khoꞌu biꞌo Jordan. Kate funu agha narane na, mare te gnafa na la tei kasahi.

Fapea Samuel 17:22 ပူးပေါင်းရင်းမြစ်များ

Jone 18:9

Igne ne horoghoto ka unha teke cheke eghu mana tifa ia, “Mama, iara na theome lisa lao mala sniki kaisei naikno ka teke chekedi iagho mala reireghidi iara teku gre.”

Matiu 10:16

“Kulu fanomho fakeli ghotilo ia! Naugna iara ginauna na kuru fajifla ghami ghotilo ka naikno te diꞌa tuare. Kate tei ka mare na ghotilo ginauna jateula sipu ke lamnadi khuma te fakaukathu ra eghu. Nu ghotilo mala jateula mogo te lalase fara, nei jateu balhu te theome magra te au kmu ra eghu.

Proveb 27:12

Mae te lalase na, mana filoni puhi biꞌo, mana tei ka vido te keli. Mae te theome lalase na, mana au fabrahu ka puhi biꞌo, eghuteuna mana au papara.

Fapea Samuel 17:24

Aonu King Devet nei mae te balugna mana re eghu la tei posahi ka namono Mahanaem. Ka narane tuare mae Absalom ne hata armigna Israel na ne batudi ne tei kasa ka Khoꞌu biꞌo Jordan.

Naba 31:49

Mare ne cheke eghu ka mana, “Nou mae gloku iagho gre neke kahadihi nomi mae soldia ghehati gre, eghuteuna theo kaisei mae ka mare te dofi na.

Fapea Samuel 17:21

Ke leghugna tela teihi mae igre na, phia mae igre jifla ka seu igne ne tei toutonu ka King Devet eigna nogna gaoghatho mae Ahitofel igne, eghuteuna phiamare ne cheke ka mana mala ghosei tei kasa ka Khoꞌu biꞌo Jordan.

Fapea Samuel 17:23

Kate laseni mae Ahitofel te theome leghuni mare nogna cheke na, mana saghe ka nogna dongki na neke pulo ka nogna namono na. Kate fadoglidi te gnafa tharakna gna nei nogna bisnis teure, mana froro ne lehe. Tharakna gna mana re hata thinigna mana na ne giugilui ka nodi beku thedi na.

Nodi Khoje Hatimare Mae Jiu 42:6

Ka vido te au teu iara ke kosigna nogu kantri na, iara gaoghathogu na thono diꞌa fara, eghume gaoghathogu na iara ke ghatho fapulo nigho. Uve, iara ghatho nigho naugna iagho neke togho ghami fabrahu ka namono Israel, ka vido aheva te au Khoꞌu biꞌo Jordan, nei phei Thogele Hemon ghe Misa. Nu gognaro na puhi biꞌo thoke ghau iara jateula galo fari hotei nhorora eghu. Puhi biꞌo igre mei jateula nabritha te mei te knoho iara ra eghu. Tutuani fara, puhi igre mei jateula khoꞌu te jaja soru te oa'ongha fabiꞌo ra eghu, ba jateula fila teura eghu.