Fapea Samuel 17:14 - Buka Blahi Ka Cheke Holo

¹⁴ Aonu mae Absalom baludi mae soldia di Israel gre ne nomhini igne ne cheke eghu, “Nogna cheke mae Husae igne thofno keli fara salaꞌuni nogna cheke mae Ahitofel tuana.” Mare ghaoghatho eghu naugna Lord la au nogna gaoghathohi te mala goigoni ni nogna gaoghatho keli mae Ahitofel igne mala thoke mei puhi biꞌo ka mae Absalom.

Fapea Samuel 17:14 ပူးပေါင်းရင်းမြစ်များ

Fapea Samuel 15:34

Nu jame te magnahaghei togho ghau iara teuna, iagho ke pulo Jerusalem mala tei cheke eghu ka mae Absalom, ‘King, iara nou mae gloku iagho. Tifa na iara neke loku ranghini mae kmamu iagho, nu gognarona iara magnahaghei te loku ranghi nigho iagho.’ Ka puhi igne iagho tangomana te figri nogna cheke mae Ahitofel igre mala theo nafudi kolho.

Profet Isaia 8:10

Ghotilo tangomana te salofodu mala roghe poru te mala eni unha te magnahagheni ghotilo na. Nu ginauna na theo nafugna kolho, naugna God na au balumi ghehati.

Proveb 21:30

Gaoghatho te keli, nei glalase te keli eghuteuna iagho laseni puhi te keli te mala horo glepo na teuna, igne theome naba te mala togho nigho kakatha na, jame te naoka iagho ka Lord na.

Proveb 19:21

Naiknore tangomana te gaoghatho te mala edi kmana nafnata glepo. Nu glepo te ghathoni Lord mala eni teu igne ngala nate kegra na.

Fapea Samuel 15:31

Kate nomhini king te tei mae Ahitofel te toghoni mae Absalom igne, mae Devet ne tarai eghu, “Lord God, iagho figri nogna farirhiu mae Ahitofel igne mala fameomekro kolho!”

Ululahu Korin 3:19

Naugna nogna glalase te keli nauthoglu gne theo nafudi kolho ka God. Tutuani, grioriso te blahi na cheke eghu, “God ginauna fatedi mae glalase te lase chaghi re.”

Luku 16:8

“Aonu ke leghugna igne, nogna funei mae te chaichaghi igne ne fafnaknoi mana naugna mana ne mae hiohiro fara ne hiro dedi puhi igre. Naugna naiknogna nauthoglu igne hiohiro fara kate reireghidi nodi glokure ke uludi fara naikno te au ka naphae re.”

Lamentations 3:37

Ba, ihei tangomana te eni kaisei glepo jame te theome snakreni Lord na? Thono theo fara!

Fapea Samuel 16:23

Ka narane tuare, gaoghathodi naiknore, u cheke te edi mae Ahitofel igre thofno keli fara neke mei funudi ka God. Neubane mae Devet ba mae Absalom thofno leghudi fara nogna cheke mae Ahitofel igre.

Jenesis 32:28

Aonu mana ne cheke eghu ka mana, “Tifa na mare neke kiloni nanghamu iagho na Jekop. Nu gognaro na nanghamu iagho na Israel, naugna iagho ne magra balugna God nei jaola magra balugna naikno neu, la heta gheuhi la ulunihi iagho magra igne.” Nangha igne gaoghathogna na “Magra balugna God” eghu.

Profet Emos 9:3

Neuba mare ne haghe poru tafri ke kligna Thogele Kamel, iara ginauna tei hirodi mala ke hata fapulodi. Eghuteuna neuba mare ne jufu pari ne tei poru pari ka khotogna nhorora gno, iara ginauna cheke faheta ka mogo biꞌo te au ka khotogna nhorora na mala ghamudi mare.

Nodi Khoje Hatimare Mae Jiu 9:16

Lord ne falalase puhigna te doglo na kate fatedi mana naiknore. Naikno te diꞌare ne eꞌei puhi mala goigonidi keha naiknore, nu glepo igre nake figri nake goigonidi kolho thedi.

Fapea Kronikols 25:20

Nu King Amasaea ne tirogna fanomho ka King Jehoas, naugna nogna gaoghatho God te mala snakre lao naiknodi Juda ka khamegna King Jehoas. Eghume mare ne tarai ka nodi god mae Idom.

Fapea Kronikols 25:16

Kate cheke teu profet ka mana igne, king ne cheke eghu, “Kmu sagho! Iara neke theome vahi nigho iagho te mala tusu mei gaoghatho te keli ka iara na! Jame te theome kmu iagho na, iara ginauna akni falehe nigho iagho!” Kate nomhini profet nogna cheke king igne, mana ne cheke eghu ka king, “Gognarona iara laseni, God na la kulu ghathonihi te mala goigoni nigho iagho na, naugna iagho ne eni glepo te diꞌa igne, eghuteuna iagho jaola tirou fanomho ka nogu cheke iara igre.”

Diutronomi 2:30

Nu King Sihon ne theome snakre ghita tahati te tei salaꞌu ka nogna namono na, naugna Lord neke eni gaoghathogna king mala patugama. Lord neke eni igne mala tangomana tahati te uluni King Sihon.

Eksodas 9:16

Nu iara snakre ghami ghotilo te mala karha teu te mala falalase ari iara nogu nolaghi biꞌo na ka ghotilo, eghuteuna naiknore ginau na toutonuni nanghagu iara na ka nauthoglu gne.

Fapea Kronikols 10:8

Nu mae Rehoboam ne tirogna nomhidi nodi advaes goro mae biꞌo igre, aonu mana tei ne filodi bukrei mae majaghani teke biꞌo haghe balugna re.

Nehemaea 4:15

Kate nomhini mae naoka gre tela lasenihi ghehati nodi gaoghatho poru na, mare laseni God la goigonihi nodi gaoghatho poru mare igne. Aonu ghehati kafe pulo neke loku ka gringni thina igne.

Nodi Khoje Hatimare Mae Jiu 9:15

Hatimare mae bongihehe gre neke dokha kaisei khora malami ghehati neku, nu ke snoꞌo kolho thedi. Phigoro malami ghehati teke lilisei mare na neke khale kolho thedi.

Josua 11:20

Lord thegna neke huhurudi mare mala magra mare ka mae Israel gre, eghume mae Israel theome kokhonidi mae igre. Thono theo fara. Eigna mae Israel gre mare leghuni cheke teke tusu lao thegna Lord ka mae Moses tifa igne ne falehedi ne gnafa vike igre.

Fapea Kronikols 10:15

Aonu mae Rehoboam ne tirogna fanomho ka nodi cheke mare re. Mana neke eni igne naugna Lord magnahaghei te thoke mei tutuani nogna cheke na. Cheke igne Profet Ahaeja maegna Saelo neke cheke ka Jeroboam tifa na.

Thoutonu Eigna Mae Job 12:17

Mana hata fadeleidi nei famamajadi eghu goro mae biꞌo, eghuteuna mae mala baubatu re mala ke fameomekro.