Fapea Samuel 17:10 - Buka Blahi Ka Cheke Holo

¹⁰ Neubane nheta fara jateula lion neu nou mae soldia iagho igre, mare ginauna mhaghu nodi fara ka nafnata cheke igre. Naugna naikno te gnafa Israel igre lasenihi mae kmamu iagho na kaisei mae soldia keli, eghuteuna nogna soldia manare theome mhaghu.

Fapea Samuel 17:10 ပူးပေါင်းရင်းမြစ်များ

Profet Isaia 19:1

Lord ne fakakhana ka iara eigna Ijep: Mana ginauna tei Ijep ke kligna gna kaisei grokho te umhu fara. Kate tei te thoke mana Ijep na, nodi mumuju god mae Ijep igre mhaghu ne fififri fara. Eghuteuna naiknodi Ijep re jaola ne mhaghu nodi fara.

Profet Isaia 13:7

Naugna glepo igne, naiknore ginauna mhaghu nodi glaꞌe soru, eghuteuna nodi gaoghatho teke nheta re ginauna hui.

Famane Khoje 3:7

Ei! King Solomon! Mana gnokro ka nogna sape nafnakno, teke atha neke mei nogna mae glokure. Namno salei soldia nhetadi Israel neke reireghini mana.

Proveb 28:1

Naikno te diꞌa re tangomana te rikha na neubane theo kaisei mae te ngolhidire. Nu naikno te doglo na kegra heta jateula lion eghu.

Fapea Samuel 23:20

Benaea thugna mae Jehoeada kaisei mae frane gna Kabsel, mana jaola kaisei mae soldia nheta te hata nafnakno biꞌo. Eghuteuna mana edi kmana glepo te biꞌo, eghuteuna kaisei glepo na, mana neke aknu falehe phei mae soldia nheta di Moab. Eghuteuna ka narane te khoveo maku te kiloi aes igne, mana soru ka khora na neke aknu falehe kaisei lion.

Fapea Samuel 1:23

Naiknore neke keli tadi fara ka mae Sol ghe mae Jonatan. Phiamare neke kaisei loku fodu fabrahu neke ghilei thokeni narane glehedina. Phei mae igre theidire flalo jateula gaghata, ba rheta jateula lion.

Ululahu Samuel 18:17

King Sol ne cheke eghu ka mae Devet, “Iara magnahaghei nigho iagho te tolaghi ka thugu gaꞌase biꞌo lahu iara Merab. Nu praes gna thugu iara igne, iagho mala nogu mae soldia nheta iara, eghuteuna iagho mala loku rheta fabrahu gaoghathomu na ka iara. Iagho mala tei koba ka magra leghuni unha te chekeni Lord ka iagho na.” Mae Sol magnahagheni mae Devet te tei lehe ka magra, eigna mana theome tangomana te faleheni mana na. Eghume, te ghathoni mana na, armi gna Filistia kolho te tangomana te faleheni mana na.

Diutronomi 1:28

Mala unha kolho si tahati te tei ka namono ignea? Mae teke tei fasigho ka namono igne pulo mei neke famamhaghu ghami ghehati kate chekeni mare te maedi ka namono tuana mare rheta fara nei thono brahu salaꞌu ghita tahati. Eghuteuna nodi namono biꞌo mare igre bara ka thina haghe fara kligna. Eghuteuna mare jaola filodi goigholi ka kokhologna mae Anak jare.’

Eksodas 15:15

Aonu hatimare mae biꞌo te mala baubatu ka phei kantri Idom nei Moab teu gre ne nanga nodi fara. Eghuteuna nodi nanheta naiknodi Kenan re ne blalho jateula nabubla hamerane ra neu kolho.

Jenesis 49:9

Juda, iagho jateula kaisei lion majaghani te falelehe bosu te ghamu ghegna ra eghu, eghuteuna gnafa teuna gnokro soru me thuru nogna, eghuteuna theo kaisei naikno te frane te mala lao fadofrai ia eghu.

Fapea Samuel 17:9

Jau gognarona mana poruhi lamna ka kaisei khora thina ba ka kaisei vido aheva nga. Eghuteuna jame te tei magra tahati gognarogne, eghuteuna aknu falehe mare keha mae soldia ka tahati teuna, naiknore ginauna nomhini igne na cheke eghu, ‘Kmana mae ka nogna armi mae Absalom ia la kafe lehehi!’

Nodi Khoje Hatimare Mae Jiu 89:19

Tifa tifa na, iagho neke mei ka nou mae gloku te kelire neke cheke eghu ka mare ka mifi na, “Iara neke toghoni kaisei mae sitei mala kaisei mae soldia te fnakno fara nanghagna na. Eghuteuna iara neke vahini mana ka mare mala king.

Profet Esikiel 21:15

Gaoghathodi naiknore ginauna glaꞌe soru naugna iara lilisei nogu naflahi na ka grengatha te gnafa ka nodi namono mare na. Thono siasigla fara jateula nakafli ra eghu tarabana mala falehe naikno.

Ululahu Samuel 16:18

Kaisei mae ka mae igre ne cheke eghu ka mana, “Kaisei maegna Betlehem, thugna mae Jesi, mana lase lalahu gita fara. Mana kaisei mae soldia keli nei theome mhaghu eghu. Mae igne thofno keli fara filogna na, eghuteuna mana kaisei mae lase cheke fara, eghuteuna Lord na au balugna mana.”