Fapea Samuel 16:4 - Buka Blahi Ka Cheke Holo

⁴ Mae Devet nomhini igne ne cheke eghu ka mae Siba, “Uve, iara ginauna lisa ari ka iagho nogna gobigna lepo mae Mefiboset ra.” Aonu mae Siba ne cheke eghu ka mae Devet, “King, iara thofno cheke fakeli nigho. Iara magnahaghei te edi koba unha glepo te keli jame te kelitamudi iaghore.”

Fapea Samuel 16:4 ပူးပေါင်းရင်းမြစ်များ

Proveb 18:17

Kate kegra kaisei mae te cheke ka fate na, keha naiknore te ghathoni na ne ginau uluni mana fate gne eghu. Nu kate ghusnani mare mala lase fakelini cheke igne teuna, mare theome laseni ihei te uluni fate igne.

Proveb 18:13

Mae te theome fanomho fakeli te cheke tughu na, mana ginauna fameomekro na mamaja nogna.

Proveb 19:2

Te theome laseni na, iagho thosei nananga. Te nananga iagho na, iagho na tei fajafra.

Diutronomi 19:15

Aonu mae Moses ne cheke eghu, “Ghotilo theome tangomana te fateni ihei jame te kaisei witnes kolho te chekeni najafragna mana na. Phei ba thilo mae te mala witnes ka najafra teke eni mana na ame fateni nga ghotilo mana eghu.

Eksodas 23:8

“Iagho thosei atha sileni ka ihei te magnahaghei nigho iagho te mala cheke chaichaghi ka fate na, naugna sileni igne ginau na fadofu nigho iagho mala theome filo glani iagho unha te doglo na. Nafnata sileni igne mala cheke chaichaghi ngala naikno te keli na.

Fapea Samuel 14:22

Mae Joab nomhini igne ne pogho soru pari ne cheke fakelini mae king. Mana ne cheke eghu, “Nogu funei, God fablahi nigho. Gognarona iara lase nigho iagho mae king, iagho keli tamu ka iara, naugna iagho ne eni unha te toreni iara na.”

Fapea Samuel 14:4

Naikno igne tei ne filoni mae king. Aonu naꞌa pogho soru pari ke ulugna king ne fafnaknoni mana. Eghuteuna naꞌa ne cheke eghu, “King, iara magnahaghei nigho iagho te togho ghau iara.”

Fapea Samuel 9:6

Mae Mefiboset gne thugna mae Jonatan, thugna mae Sol. Kate mei ka sugagna gna king na, mana pogho soru ke ulugna king Devet ne fafnaknoni mana. Aonu mae Devet ne ghusna eghu ka mana, “Iagho mae Mefiboset?” Mana ne cheke eghu, “Uve, iara nou mae gloku iagho.”

Fapea Samuel 9:9

King ne kiloni mae Siba ne cheke eghu ka mana, “Gobigna lepo teke nogna king Sol nei vikegna mana teku tifa ra, gognarona iara kela tusu fapulo ka mae Mefiboset, gragna mana igne.

Fapea Samuel 16:3

Eghuteuna king ne ghusna eghu, “Nu iara magnahaghei te laseni nou mae funei iagho mae Mefiboset ia, mana na au aheva?” Mae Siba ne cheke eghu, “Mana na auꞌau Jerusalem, naugna te ghathoni mana gognarona, naiknodi Israel ginauna vahini mana mala king jateula kuꞌegna mana mae king Sol tifa ia eghu.”

Fapea Samuel 16:5

Kate mei namo mae King Devet baludi naiknore ka namono Bahurim, kaisei mae ka vikegna mae Sol jifla mei balu diꞌatagna ne cheke fadiꞌani mae Devet. Mae igne nanghagna na, Simei, thugna mae Gera.

Fapea Samuel 19:27

Eghuteuna mana ari chaghi neke cheke faparini nanghagu iara na. Nu iagho funei, iagho jateula nogna engel God eghu. Eghume iagho eni glepo te doglo na ranghi ghau iara.

Fapea Samuel 14:8

Aonu king nomhini cheke igne, ne cheke eghu ka naꞌa, “Thosei nanga nou fara, iagho ke pulo ka sugamu na. Iara ginauna fadoglini puhi igne ka iagho.”