Fapea Samuel 16:22 - Buka Blahi Ka Cheke Holo

²² Aonu mare ne lisei haghe kaisei suga tapuale ka nogna thagru suga mae king, ka vido aheva te kakhana ka tathadi naikno te gnafa Israel. Mae Absalom ruma ka suga tapuale igne ne thuru baludi nogna gaꞌase mae kmagnare.

Fapea Samuel 16:22 ပူးပေါင်းရင်းမြစ်များ

Fapea Samuel 15:16

Aonu king ne jifla Jerusalem baludi khetogna, thugna nei nogna mae biꞌo te gnafa teu igre. Nu mana ne lisei faleghu nabotho gaꞌase ka reꞌe mala reireghini nogna suga biꞌo na.

Fapea Samuel 20:3

Kate posa mare Jerusalem, mae Devet ne tei au ka nogna suga biꞌo na. Aonu mana ne kilo di nabotho nogna gaꞌase gloku teke au faleghu teku mala reireghigna nogna suga na tekura. Eghuteuna mana ne liliseidi ka kaisei suga mala au fabrahu rehati jare. Aonu mana ne vavahi keha mae mala reireghidi nei mala tufa ghedi gano eghu. Nu mana theome tei thuru baludi jateula te sughu eni mana ka reꞌe tifa ra eghu. Rehati ne au fabrahu ka suga igne jateula naikno glehe kokoi ra neu ne ghilei lehe.

Filipae 3:19

Kate lehedire, naikno tuare ginauna tei ka vido te mala au papara na. Naugna nafnata naikno tuare ne khogla fakelidi kolho thinidi thedire. Neuba ngau, naikno tuare theome mamajadi nakarhadi te diꞌare, nu gleale'adi ngala puhi diꞌa te edi thedire. Naugna mare ghatho tahuni kolho puhigna u nauthoglu igne.

Profet Esikiel 24:7

“ ‘Maegna ka namono igne aknu falehe naiknore eghuteuna dadaradi re thofa soru kolho ke kligna glose te maku na, mala theome tangomana te thafru ka gaughavu na.

Profet Jeremaea 8:12

Ba, mare mamaja nodi fara te edi puhi te diꞌa tuare? Theo fara. Mare theome mamaja nodi kolho nafnata puhi igne. Naugna igne, iara ginauna goigoni fahuidi mae igre mala kafe lehe mare jateula mae iheire tela lehehi ra eghu. Igne nogu cheke iara Lord.

Profet Jeremaea 3:3

Naugna igne, iara na theome snakreni nakhete na mala soru mei ka nomi nagare ghotilo are. Nu neuba, ghotilo theome mamaja te tarai ka nomi god themi are.

Profet Isaia 3:9

Naikno igre theome jafra ka naiknodi Sodom tifa ra. Mare theome mamaja te eni puhi te diꞌa na ka tathadi keha naiknore. Kokhonidi fara naikno igre, naugna mare ei puhi biꞌo ranghidi thedi.

Fapea Samuel 11:2

Kaisei narane, fei grafi, mae Devet dofra haghe ne tei faghaghafa ke tagru suga. Eghuteuna, kate au teu mana ke tagru suga na, mana ne filo teini kaisei gaꞌase apu neu. Gaꞌase igne thono famane fara.

Naba 25:6

Aonu mae Moses baludi naiknodi Israel re ne kegra ke ulugna Suga Thapuale te blahi na ne loku ka tanhi na. Ka vido tuana, kaisei mae ne tathalei ne mei gaꞌase ka vikedi mae Midian re ka nogna suga thapuale thegna na, nu naikno te gnafare ne kafe filoni mana.

Jenesis 35:22

Kate au teu mare ka namono igne mae Ruben tei ne thuru balugna Bilha fapea khetogna mae kmagna. Kate nomhini igne mae Jekop, keha nanghagna na mae Israel gne, mana ne diꞌatagna fara. Mae Jekop gne nabotho phei mae thugna.