Kate posa mare Jerusalem, mae Devet ne tei au ka nogna suga biꞌo na. Aonu mana ne kilo di nabotho nogna gaꞌase gloku teke au faleghu teku mala reireghigna nogna suga na tekura. Eghuteuna mana ne liliseidi ka kaisei suga mala au fabrahu rehati jare. Aonu mana ne vavahi keha mae mala reireghidi nei mala tufa ghedi gano eghu. Nu mana theome tei thuru baludi jateula te sughu eni mana ka reꞌe tifa ra eghu. Rehati ne au fabrahu ka suga igne jateula naikno glehe kokoi ra neu ne ghilei lehe.
Fapea Samuel 16:21 - Buka Blahi Ka Cheke Holo21 Aonu mae Ahitofel ne cheke eghu ka mana, “Iagho tei thuru baludi nogna gaꞌase gloku mae kmamu teke lisa faleghu mana mala reireghini nogna suga king teku ra. Ka puhi igne naikno te gnafa Israel igre ginauna laseni mae kmamu iagho na thofno tirogna nigho iagho fara. Aonu naikno te leghu nigho iagho igre ginauna ghaoghatho heta te mala leghu nigho iagho na.” အခန်းကိုကြည့်ပါ။ |
Fapea Samuel 16:21
22 ပူးပေါင်းရင်းမြစ်များ
Ghotilo naiknomi Juda nei Israel teura, tifa na naiknodi keha kantri igre neke tibri ghami ghotilo mala thoke mei puhi biꞌo ka naiknore. Nu iara ginauna fakarhi ghami ghotilo, eghuteuna ghotilo ginauna jateula kaisei fablahi keli eghu ka keha naiknore. Eghume ghotilo thosei mhaghu, ghotilo famamhaku gaoghathomi re.
Kate nomhini igne, King Solomon ne cheke eghu ka idogna na, “Ido, naugna unha sagho te tore ghau iara te mala snakreni Abisag ka mae Adonaeja gnea? Iagho jame jaola tore ghau iara mala snakre lao sape nafnakno na ka mana. Naugna mana neke kulu karha ka iara. Eghuteuna pris Abiata ghe mae Joab ra phileu ka mana.”
“Iara ginauna vahini kaisei mae ka tharaknamu iagho themu igne mala eni kaisei puhi biꞌo ranghi nigho iagho. Iagho ginauna filoni puhi biꞌo igne kate hata iara khetomu iagho igre mala tusu lao ka mae ihei te namhani fara iagho na. Eghuteuna mae igne ginauna thuru baludi khetomu iagho are fari hotei narane ka vido te snagla.
Aonu mae soldia igre ne toutonu eigna mae Sol balugna nogna armi na teke aknu falehe armi gna Filistia teke au teku ka namono Gibea. Eghuteuna mare jaola neke toutonu eidi naiknodi Filistia te theome magnahaghedi naiknodi Israel gre. Eghuteuna mare chekeni te maedi Filistia gre mala leghuni nogna cheke King Sol na mala mei loku fodu ka namono Gilgal.
Kate nomhini mae Jekop eigna puhi igne, mana ne cheke eghu ka mae Simion ghe mae Livae, “Ghotilo eꞌei puhi biꞌo ke kligna gu iara. Naikno te au faligoho ghita ka kantri Kenan nei Peres teu igre ginauna na tirodi ghita tahati. Tahati gne theome kmana. Jame te salo fodu mae igre te mei magri ghita na, mare igre ginauna na kafe falehe ghita tahati hui.”
Ka narane tuare ba ka narane te mei nathuꞌu nei nauriha teu igre, mae te kilodi Nefilim te au ka nauthoglu igne. Mae igre mae brahu fara nei lase magra fara eghu. Ka narane tuare la, goro gaꞌase teke thuru baludi nogna engel God ra. Thudire neke biꞌo haghe neke nheta fara tutuani. Eghuteuna mare tangomana te edi kmana nafnata gloku te biꞌo nei nanghadire fnakno fara neku tifa na.
Aonu mae Jonadab ne cheke eghu ka mae Amnon, “Fogra chaghi sagho tei thuru ka nou sape na. Eghuteuna kate mei te filo nigho mae kmamu na, iagho ginauna cheke eghu ka mana, ‘Chekeni greghagu Tama mala hata ghegu gano mei. Iara magnahagheni Tama te mei tarabana gano agne mala filoni iara. Eghuteuna naꞌa thegna nate faghamu ghau iara na.’ ”
ကြော်ငြာတွေ