Fapea Samuel 16:10 - Buka Blahi Ka Cheke Holo

¹⁰ Nu mae Devet ne cheke eghu ka phei mae thabusigna igre, mae Abisae ghe mae Joab, “Ghopa thosei nanga nomi ka puhi igne! Jame te cheke Lord ka mana mala cheke fadiꞌa ghau iara tekuna, ihei gne te au nogna nolaghi te mala lhotini mana na? Theo kolho.”

Fapea Samuel 16:10 ပူးပေါင်းရင်းမြစ်များ

Fapea Samuel 19:22

Nu mae Devet ne cheke eghu ka phia mae thabusigna igre, mae Abisae ghe mae Joab, “Ghopa theo nomi puhi ka igne. Gognarona ghopa kegra fothini nogu gaoghatho iara na. Iara king gna Israel gognarona. Eghume te chekeni iara ka ghopa na, theo kaisei naikno na teke lehei Israel gognarona.”

Letas Teke Riso Tei Mae Pol Ka Khiloau Rom 9:20

Nu nogu cheke tughu iara na, iagho ihei sia te mala cheke fapulo ka God na? Iagho naikno kolho! Gaoghathogu iara na igne. Tapera teke hohoro mare ka glose na theome tangomana teke cheke eghu fapulo ka mae ihei teke hohorogna na, “Naugna unha sagho teke hohoro eghu ghau iara gnea?”

Jone 18:11

Mae Jisas ne cheke eghu ka mae Pita, “Ghema Pita, ke nhaꞌa fapulo nou naflahi ana! Iara na leghuni unha teke magnahagheni mae Mama te mala au papara na.”

Ululahu Pita 2:23

Eghuteuna kate cheke fadiꞌani na, mana neke theome cheke diꞌa fapulo. Kate parani na, mana theome diꞌatagna. Nu mana rouronu ka God mae ihei tangomana te fate naikno ka puhi te doglo.

Matiu 16:23

Mae Jisas figri ne cheke eghu ka mae Pita, “Iagho mae Satan, tei nou! Iara kilo nigho iagho mae Satan naugna iagho magnahaghei fanagra ghau iara te mala eni unha te magnahagheni God na. Unha te chekeni iagho igne theome mei funu ka God, nu nogna gaoghatho naikno kolho.”

Profet Daniel 4:35

Naikno te gnafa ka nauthoglu igne theome glepo ulu ka tathagna mana na. Tothoghei engel te gnafa te au kligna nei naikno te gnafa te au ka nauthoglu pari igne au kolho ke parigna nogna nolaghi mana. Theo kaisei naikno ka nauthoglu igne te kegra fothini mana na, jaola theo kaisei naikno tangomana te ghusna eghu ka mana na, ‘Unha gne te eni iagho na?’

Fapea Samuel 3:39

Tutuani, God neke vahi ghau iara mala king. Nu gognarona iara theo kaisei nogu nolaghi te mala ke tughu fapulo puhi te diꞌa teke eni phei thugna Seruia igre. Phiamae igre thono nheta fara. Eghume Lord gnala te laseni unha nate eni ka phia mae igre, eigna puhi te diꞌa te eni phiamare igne.”

Jenesis 50:20

Tutuani, ghotilo neke au nomi gaoghatho nheta teke mala goigoni ghau iara na. Nu God neke snakreni ka ghotilo puhi igne, naugna mana neke eni gaoghatho igne mala toghodi naikno te kmana re mala theome lehe ka rofo.

Eklesiasti 8:4

Naugna king au nogna nolaghi, eghuteuna tahati theome tangomana te cheke eghu ka mana na, “Unha site eni iagho ignea?”

Thoutonu Eigna Mae Job 9:12

Mana tangomana te hata kaisei glepo te magnahagheni mana na. Theo kaisei naikno tangomana te cheke eghu ka mana na, ‘Ei! Unha site eni iagho ana ia?’

Fapea Kings 18:25

Ba, ne mei iara leghuni nogu gaoghatho thegu na mala mei magra mala roꞌeni nou kantri igne neu sagho ia? Theo. Lord thegna neke kilo mei ghau iara mala goigonini kantri igne.”

Ululahu Kings 2:5

“Eghuteuna keha glepo na igne. Iagho laseni unha teke eni ranghi ghau iara mae Joab, thugna Seruia tifa ia. Mana neke aknu falehe phei mae komanda ka armi gna Israel: mae Abna thugna mae Ner ghe mae Amasa thugna mae Jeta. Mana theome aknu falehedi phiamare ka magra, nu mana neke eni igne ka vido pharikeli kolho. Mana lilisei dadaradi phiamae igre ka nogna nhugha nei sadol teure. Eghume, mae igne nabagna te au papara.

Matiu 8:29

Phiamare ne filo teini mae Jisas ne eha eghu ka mana, “Thugna God, mei mala faꞌunha ghami ghehati sagho ia? Ba, mei mala para ghami ghehati ame thokei mei nga narane teke kulu lilisei God te mala fate ghami ghehati na neku sagho ia?”

Ululahu Kings 17:18

Aonu idogna na ne cheke eghu ka mae Elija, “Iagho nogna mae gloku God, naugna unha site eni iagho ka iara gnea? Jau iagho mei agne mala ke ghathodi iara nakhibogu gre, mala faleheni thugu iara gne!”

Nodi Khoje Hatimare Mae Jiu 39:9

Gognaro na iara au kmu. Iara na theome gagri kaisei cheke, naugna iagho neke para ghau.

Ululahu Samuel 26:19

Nogu funei nei nogu king, iagho fanomho ka cheke nate chekeni iara igne. Jame teke gaoghatho Lord te mala diꞌatamu iagho ka iara na, kaisei fafara jame teke figrini gaoghathogna mana na mala teke keli ka iara na. Nu jame teke keha maei kolho te eni ka iagho te mala diꞌatamu ka iara na, lisa lao ka Lord mala thoke mei puhi biꞌo ka mare. Naugna mare ne khi fajifla ghau iara ka namono gna Lord na, eghuteuna mare eni igne mala tei tarai iara ka keha god delei.

Fapea Samuel 19:23

Aonu king ne nhaꞌa cheke ka mae Simei, ne cheke eghu, “Tutuani kligna, theo kaisei mae nate falehe nigho iagho na.”

Lamentations 3:37

Ba, ihei tangomana te eni kaisei glepo jame te theome snakreni Lord na? Thono theo fara!